مشكلة في القير اوتوماتيك

[منتدى السيارات]

مشكلة في القير اوتوماتيك

السلام عليكم ورحمة الله وبركاته

سيارتي اوبتيما 2008 قير توبترونيك

امس الصباح شغلت السيارة وحطيتها على D ومشيت مع التبديلة حسيت بنتعة غريبة شوي

المهم مشيت وشوي وصلت المية طلع صوت المكينة والقير صار مايعشق تقريبا الثالث او الرابع

لما أوصل 80 الـ rpm يكون على 3 ونص تقريباً

وديت السيارة الورشة كشف على زيت القير وشمه قالي الزيت تمام مافيه ولا شي

قالي يمكن البودي بلف يحتاج تنظيف خل السيارة وبنظف البودي بلف والمجاري وبغير حساس

جيت ثاني يوم قالي والله عجزت مدري وش فيها بس اللي اعرفه انها ما تحتاج توضيب

قلت له اغير زيت قالي ما يحتاج الزيت نظيف وانا بصراحة ماقد غيرته

اشتريت السيارة وهي ماشية 163 الف والحين 205 الف ماقد غيرت زيت القير لأني كل ما اغير زيت مكينة يفحصوه يقولو تمام زيت القير ..

والسيارة معي الحين ... مدري وش اسوي

افيدوني بارك الله فيكم .. واسف على الاطالة

المصدر: منتدى السيارات

la;gm td hgrdv h,j,lhjd;

ساعد في نشر والارتقاء بنا عبر مشاركة رأيك في الفيس بوك