السلام عليكم ورحمة الله وبركاته
اسعد الله كل اوقاتكم.
يااخواني انا عندي سياره كابرس 6سلندر 2007 وانا من النوع اللي لازم السياره كل شي فيها لان اي شي يصير فيها حتى لو تتغبر اتضايق واكرها بعد ههههه😅
الحمدلله السيارة امورها زينه بس هذا اليوم المشؤم لاحظت امبير الحرارة مرتفع شوي مو زي كل مره وانقهرت اسوقها وانا متضايق ومو مرتاح خصوصا الكل يعرف ان الكابرس تعاني كثير من الحرارة بس الحمدلله اول مرة الاحظ عليها هذا الشي
المهم قلت خلني اطلع الحرارة من لوحة انجن مود اكيد تعرفونها وقلت بمشي عليها واشوف كم الحراره وفعلا راقبتها يوم كامل بالشوارع العاديه وبالخطوط
وكانت على الشكل التالي : اول شي المراوح تشتغل على حرارة 108 وتكون سرعتها عاديه ما لها صوت عالي كثير
ويوم امشي بدون مكيف من 120 وتحت الحراره تكون بين 97 لين 102 طبعا ما يكون فيه زحمه
واذا زحمه وامشي واوقف طبعا توصل 108 وتشتغل المراوح تنزلها لين 102 وتطفي
واذا كنت مشغل المكيف بالزحمه وغير الزحمه تكون ما بين 97 و 102
اليوم قلت خلني اجربها على خط برا وكنت صاحي الصباح ومروق وفاضي هههههه رحت خط القصيم طبعا انا من الرياض المهم بدون مكيف مشيت عليها بسرعه 140-150 كانت الحراره 99 وبعدين تحمست وقلت ابي اجلدها 😂😂 مشيت عيها 200 مسافه طويله وثبتت الحراره على 99
وهذي كل القصه العجيبة اتمنى اصحاب الخبره واصحاب الكوابرس خصوصا يفيدوني واكون شاكر لهم من اعماق قلبي ويا ليت اذا احد عند كابرس 6 سلندر وكان فاضي ويتمشى يطلع الحراره ويشوفها لي كيف عنده لان محد من اللي اعرفهم عنده كابرس وطبعا لحد يقولي الامبير حق الحراره وعالنص والربع وفوق وتحت لان الامبير ما تعرف الحراره بالضبط ومتغيرات الحراره ذي ما راح تبين عالامبير
وانا قلت اسألكم احسن لا اروح الصناعيه ويجلدوني جلد ويمكن امور سيارتي زينه ويمكن احد صارت معه ويمكن بدايه مشكله الله اعلم ..
والله يرحم والدينكم ويزقكم الجنه يارب
la;gi pvhvm hg;hfvs hjlkn lk hwphf hg;,hfvs hg]o,g
ساعد في نشر والارتقاء بنا عبر مشاركة رأيك في الفيس بوك
« آخـــر الــمــواضــيــع »
مشكله حرارة الكابرس اتمنى من اصحاب الكوابرس الدخول
العرض العادي
