طريقة عمل كعك العيد بالصور والتفصيل من مطبخ أحمد الليثي

[منتدى ترايدنت]

<div><div align="center">السلام عليكم ورحمة الله وبركاته

كل عام وانتم بخير أعضاء معهد ترايدنت الجامعة العربية الاولي علي مستوي الويب العربي والعالمي لتطوير المواقع العربية

اليوم راح اقدم لكم طريقة عمل كعك العيد بأبسط الطرق من مطبخ أحمد الليثي :shiny01:


والموضوع حصري لترايدنت فقط


قبل ما نتابع الصور نكتب مع بعض المقادير :


1 كيلو دقيق

نصف كيلو زبدة صفراء او سمنة زي ما تحب

ملعقة خميرة كبيرة

كوب لبن متوسط

ملعقة ملح صغيرة

مكسرات للحشو اذا حبيت



يلا نشوف الصور مع بعض ونتابع عشان تعمل كعك العيد في ثواني وكانك ركبت سكربت في دقايق :strongly:


أول حاجة زي ما احنا شايفين من مطبخ الشيف احمد الليثي واهو الاطباق علي الاد كدا حاجة غلبانة خالص :strongly:




كدا عرفنا المقادير تمام وزي الفل نخش بقي علي بقية الصور

نجيب طبق الدقيق اللي فيه الكيلو اللي قولنا عليه ونبدأ نحط مقاديرنا النصف كيلو سمنة ومعلقة الخميرة وشوية الملح اللي قولنا عليهم ونبدأ نعجن الدقيق بتاعنا




وزي ما احنا شايفين العجينة زي الفل 100%



بعد الخطوة اللي فوق نبدأ نضيف كوب اللبن علي العجينة بتاعنا زي ما احنا شايفين



بعد ما ضيفنا كوب اللبن بتاعنا زي ما احنا شايفين العجيبة بقت تمام خالص



ودا الشكل النهائي للعجيبنة قبل التقطيع



نجهز بقي المناقيش بتاعتنا والصواني اللي هنعمل فيها الكعك بتاع العيد ونبدأ نقطع العجين الي دوران صغير ثم ننقشه لو بتحب يعني يكون له شكل ولو بتحب تحشي استخدم المكسرات اللي في المقادير في قلب كل كعكاية حتة مكسرات

وزي ما احنا شايفين




كمان صورة للكعك بعد التجهيز ونتركه حوالي 15 دقيقة في الصينية عشان يخمر شوية




بعد ما بنتركه 15 دقيقة يخمر في الصينية نبدأ نجهز الفرن وتتركه يسخن الاول ومانعليش النار اوي ويكون النار من اسفل واللي بيحب الكعك يكون لونه احمر مقرمش شوية ممكن يفتح جنب واحد من نار الفرن علي الهادي كدا



هنا الكعك يا جمالو يا جمالو وهوا في الفرن
ساعد في نشر والارتقاء بنا عبر مشاركة رأيك في الفيس بوك