08-05-2020, 02:48 PM
|
مدير عام
|
|
تاريخ التسجيل: Aug 2012
المشاركات: 356,632
|
|
كاسره خاطر نفسي'(
السلام عليكم ورحمة الله وبركاته
ابي منكم افاده ياخل الخبره !وهل الوضع طبيعي ولالا؟
انا متزوجه لي سنتين وزوجي طيب معاي ولا هو مقصر وانا اساسآ مااطلبه ولا اضغط عليه اذا ابي فلوس اطلب من اهلي بدون مايدري واشري اغراضي اللي ناقصه ..
المهم انه من جيتهم واروح لاهله واكلمهم انه بجيهم من باب الذوق وما اجي الا من فتره لفتره ولا عمري جيت ويدي فاضيه والمناسبات اهديهم كلهم من اصغرهم لا اكبرهم معتبرتهم اهل ليا واغلب الوقت يتعذرون انهم مشعولين ولا اذا جيتهم يطلع لي وحده منهم والباقي يختفون انا ابد ماجاء بالي شي الي الان ..
الحين من تزوجت 4 اعياد مرت ولا عيد منهن عيد عندي زوجي ؟ يوديني لاهلي ؟ مايجي عندي الا 3 او 4 عيد ؟
العيد هاذ استوعبت انه اهله مايبوني ؟او مادري وش وضعهم وكل السنتين انا اللي اللحقهم واروح لهم واعزمهم واطبخ لهم ...
برمضان يعزمون زوجي ويقولون لاتجيب زوجتك وزوجي يقولي يقول لا تجيبه ؟ وانا لحالي افطر مامعي احد ولا عندي احد غير زوجي ؟ والله ولا عمري حرمته منهم او تكلمت بهم عنده بالشين بس ساكته ☹
والمشكله عندي ولدين توم، اعمارهم سنه من اربعينهم يكلمني وياخذهم لهم ولا قدروهم ولا جابو عانيات ولا شي ؟ والحين اعرفهم مايبونهم ولا عمرهم ارسلو يسالن عنهم ياخذهم زوجي لهم نص يوم ويخليني لحالي بالشقه واهلي بمدينه غير مدينتي ؟
ويصورنهم ويحطونهم عرض بالسناب والواتس ويعرفون اني ماحب اصورهم بالواتس والسناب وانا ماعمري صورتهم اخاف عليهم لاني البسهم طقم وارتبهم واتعب بلبسهم ؟
انا احس اني كاسره خاطر نفسي مادري وش وضع زوجي وضع اهله ؟
وغير الحركات اللي يسونها لي وتوني استوعب مايبوني اجي عندهم ، وزوجي مسكين يسمع كلام ويطبق يوعدني بالسفر فجاه يغير رايه يوعدني بجوال فجاه يغير رايه ..يعني كمثال ..
وش تنصحوني ياهل الخبره احس بيجي يوم وانفجر واخرب كل شي 💔☹😭
;hsvi oh'v ktsd'(
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|