اسعد الله مسائكم يا اخواني
وكل عام وانتم بألف صحه وعافية
اخواني انا عندي جيب قراند شيروكي 2006 انقطع علي السير وانا امشي ثقل الدركسون مباشره ولا قدرت احرك السيارة المهم وقفت السيارة وطلبت سطحه وحطيتها بالورشة على اساس يركب سير دق علي اليوم الثاني وقالي تعال للورشة.
قالي المكينة عندك ضربت !!! قلت له كيف قال ارتفعت الحراره وانت تمشي عليها استسلمت امام الامر الواقع والحمدالله على كل حال فك وجه المكينة وحصلنا فيه كسور على كلامة "العصفورة "سليمه بس اللى ماسك العصفورة متكسره . طبعا اللى متضح امامي انا شفته بعيني الكسور في الوجه يعني ما يحتاج اغير مكينة كامله ولكن المكانيكي طلب مني تغييير المكينة كامله قلت له ليه ؟؟؟!!!!
قال ممكن اغير لك الوجه وبعدين يطلع كسور تحت فا غير المكينة افضل لك (بكل برود يقولها نفرض ان الوجه خربان ليه اغير مكينة كامله واخسر اضعاف مضاعفه )
فاياليت اللى عنده خبره بالامور يفيدني او احد يعرف ورشه بالرياض رخيصه واقدر اسلم سيارتي لهم وانا مرتاح يعلمني.
والله لا يحرمكم الاجر في الايام المباركة
وكل عام وانتم بخير
اخوك /
ابو عبدالمحسن زيد السلطان
vhzd;l dilkd dh hwphf hgofvi td l;hzk hg[df hgadv,;d
المصدر...
ساعد في نشر والارتقاء بنا عبر مشاركة رأيك في الفيس بوك