انا متزوجه من خمس سنوات ولدي طفلين
عمري 35 وعمر زوجي 38
بدايه زواجي كانت اشبه بالقلق والتوتر اللي يتملك زوجي وكان دايم يحب يشوف وش في جوالي يعشق التفتيش طبعا دخل بقلبي شك مو طبيعي انه رجل شكاك المهم حبيت اسوي مثله واعرف وش فيه ليفتش جوالي ليكون احد متهمه باخلاقي
لقيت في علاقة بينه وبين زوجة اخوه كاتبه لي ماينفع انا احبك وواعيش من طرف واحد حب وانت اهملتني
عرفت ان فيه خيانه لانه انصدمت من اول زواجي من زوجي استغربت بهدايا الحرمه زوجة اخوه تهدي لي من دون سبب كثير الهدايا وكنت انحرج انها تهدي لي وانا ماهدي لها الا بالمناسبات
واجهت زوجي ماتحملت وانكر وحلف انها هي تدور المشاكل وصدقت بس كميه السنين اللي عشتها مع زوجي كلها شك وخيانات وعلاقات جوال مع الحريم وكان طبعي اواجهه وانحرق وانقهر
وقبل سنه بالضبط لقيت زوجة اخوه مرسله له الوضع فوق التمام ياليتك جيت كانت هي طالعه سهره لفندق مع زميلاتها والله احساسي قوي جدا في خيانة جسد والله كل الرسايل اللي بقراها منها
كله خيانة فراش :cry:
يالله انا تعبت وواجهته وحلف انها راعية مشاكل بس ماصدقته لان علاقتنا شبه معدومه كنا موجودين بالبيت بس العلاقه يمكن بس مره الى مرتين بالشهر ماعرف كيف يصبر بدوني وانا عنده
واخرتها واجهت مرت اخوه وبعثت الرسايل اللي ارسلتها لزوجي ع جوالها سكتت وبلكتني ورجعت قالت فين رسايل زوجك قلت لها كل شي فيه ممكن لو كملت واتكلمت علي واستفزتني برسل رسايلها لزوجها بس رجعت بلكتني
تعبت من زوجي جدا اصيب بمرض السكر من كثرة خلافاتنا المتكرره واصبح خلاص اغلب وقته بره البيت ولما اجي افتش جواله القاه متواصل مع بنت ويقابلها
معقول يعمل حرام معها انا نفسيا تعبت
معاملته معي بالبيت حلوه مره مايقصر باي شي لطلبات البيت
بس دايم اذا شافني جالسه ع جوالي قال شفيك متوتره ليش قلق شكلك يحب ينرفزني انا تعبت والله ماقدر ادخل اهلي بالموضوع بخصوص مرت اخوه لانه دايم مبينته بصوره حلوه عند اهلي وبالنسبه لاخوه ماقدر افاتحه بموضوع زوجته لانه اكيد بيصير ذبحه وقتل شي مايتحمله بني ادم ربي يعوض صبري
انا نفسيا اعيش معه جسد بدون روح صرت انام بغرفة عيالي وصار قلبي وعقلي مشغول فيه كيف انساه من قلبي وامارس حياتي طبيعي
للمعلوميه انا والله العظيم مهتمه جدا بنفسي وببيتي واسمعه احلى الكلام ودايم يقول لي كلامك تمثيل وتمثلين علي بمشاعرك ويعلم الله حقيقه احبه لو كنت ماحبه كنت فضحت فيه ع خيانته لمحرم اخوه بس سترت عليه عشاني احبه وابي ربي يهديه وعيالي يتجنننون عليه يحبونه زوجة اخوه دمرت لي حياتي ودايم ترسل له بنات حلوات وتمدح بالحريم عنده ع جواله حسبي الله ونعم الوكيل فيها يالله بس قد ايش تعبت منها وربي ماظريتها بشي ابدا من اتزوجت وهي تكيد لي ودايم اقرى تحرض زوجي علي اتركها ابعد عنها هذولا الناس يفرقوا الرجال عن اهاليهم وارسلت لها هذي المحادثات مانسيت اي شي من كلامها وسكتت ماردت دعواتكم ان ربي بيشغلها بنفسها عني ماعرف وش تبي بحياتي يارب اتعبتني مررره
ودي بنصيحه اخويه تريح لي قلبي كثير احفظها بالملاحظه واقراها ودي اتغير وماعاد اهتم له بس مو معناته اقصر بحقوقه لا انا قايمه بترتيب البيت وملابسه واكله وشربه
بس ودي ماعاد احبه من قلبي
الطلاق رافضته امي تماما واهلي لما قلت لهم انا ودي اتطلق سالوني وش السبب قلت لهم اني احسه زي النار واكرهه من دون سبب وهما مو عارفين ايش الاسباب وعيالي جربت اجلس عند اهلي كل وقتهن صياح كلميه اتصلي عليه نبي بابا
اخ ياربي والله تعبت كيف امارس يومي وحياتي ودي تنصحوني الله يفرج همومكن
الرجال لو بقوله احبك مايصدقني ابدا يحسني امثل عليه واغلب وقته برى بيطلع روحه وينفس عن نفسه وانا محبوسه بالبيت دعواتكم لي
ودي بنصيحه مررره حلوه تريح لي قلبي دينيه او انسانيه اجبروا بخاطري الله يجبر مافي قلوبكم
ughrm .,[d f.,[m ho,i( odhki ) ,vfd jufj ;edv 💔
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك