أمي تكرهني وقسوتها موجعه الى متى الصبر
السلام عليكم ..
انا بنت عمري 28 سنه مشكلتي من الصغر هي أمي وقسوتها وكرهها لي رغم اني بنتها الوحيده بين 5 اولاد .. كل ماتكبر أمي تزداد كره لي وقسوة وتعنيف
لفظي وجسدي .. وهالشي اثر فيني وفقدت كل المشاعر تجاهها ..
ما ادري ايش مشكلتها هل هي نفسيه او روحانيه ولا فيه احد يتعاون معي .. ابوي يائس منها ولا يتدخل ويوصيني بالصبر واخوي الاكبر يتعذر باشغاله
انا سند لها واخدمها وشايله عنها شغل البيت والطبخ لانها م 10 سنوات شالت يدها من البيت واحتياجات اهل البيت
كثيرة شك فيني وتحرض اخواني وتزرع الشكوك فيهم تجاهي لدرجة تقول لهم راقبوها شلون تروح موعد اسنان من العصر للمغرب!!
سمعتها مره تقول لأبوي انا مابي هالبنت عندي بالبيت رزقها مقطوع شوف لها ولد حرام ياخذها او حطها بشقه لوحدها !!
امتنعت عن اكل طبخي وتمنع اخواني بعد وتقول تحط لكم سحر بالاكل !!!
تتكلم عني بالسووء وافتراء شديد علي عند الناس واقاربي
سببت نفور بيني وبين اخواني اللي هم سندي بالحياة بعد ابوي
والله العظيم اني مو مأذيتها واني تاركه حياة الدلع وحياة البنات وصايره مثل العامله المنزليه وفوق هذا تناديني بأسماء خادمات
تقذفني وتتهمني باتهامات باطله وموجعه انها تطلع من امي وبالاخير تقول احساسي يقول !!!
بكيت كثير شعرت بالنقص والحرمان عفت الحياة سويت المستحيل لرضاها وكل مره انصدم بكلامها الجارح الكاوي
وصلت لهذا العمر وتعايرني تقول عانس الله قاطع رزقك لانك ...... و ..... الفاظ قذف
امي تعاملني كان علي قضية شرف وانا بالعكس الله هاديني وتفوقت في جميع مراحل دراستي ومحبوبه من كل من يعرفني ومحافظه ع امور ديني بفضل الله
وعندي مواهب ومبدعه وفيني شغف وحب للانجاز والتغيير لكن امي قيدتني كثير حتي لما افتح مشاريع تقطع عني النت وتتهمني بأني كذابه وعلى اشياء غير اخلاقيه ومواعدات مع انها تشوفني اشتغل واصمم واطبع واسوي بحوث وملفات كل شي قدااااااااامها وكسرت لابتوبي
واموور كثيره وشنيعه مافيه مجال اذكرها
تعبت حيل منها امي اتخذتني عدوه وكسرتني وحطمتني اكثر وهزت ثقتي بنفسي كثييير واخذت من عيني الحياة
ما اقدر اقول لاقاربي لاني مابي اخرب صورتها مع انها مو مقصره بس دايم يمنعني شي اني مابي اغلط بحقها حتى لو على حساب نفسي
انا في أمان لان ابوي حي الله يطول بعمره
متخيلين كيف ينعدم الامان في الام ؟ ولا فيه اسوأ م هالشعور
اتمنى تتعالج لو هي تعاني من شي بس محد ساعدني والكل يشوفها بخير لأنهم مو انا ولانهم ماشافوا اللي شفته
صرت حتى بنومي كوابيس وهي تصرخ علي وتسبني وتضربني واصحى كارهه عيشتي اللي صارت واقع واحلام عذااب
صبري صبر سنين والله أنا اعاني واسأل الله الفرج من عنده
المصدر:
منتدى الحياة الزوجية | دليل النساء المتزوجات | الثقافة الزوجية والعائلية - من قسم:
مشكلتي - مشاكل زوجية - معالجة المشاكل بين المتزوجين
Hld j;vikd ,rs,jih l,[ui hgn ljn hgwfv
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك