زهقان .. طهقان .. مدايق :(((

[ربيع الفردوس الاعلى و روضة القران]

الحمد لله حمدا يملأ الميزان ..
والصلاة والسلام على خاتم الأنبياء وسيد المرسلين ..
يقول الله عزوجل ..
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى? ?طه: ????

ويقول الحبيب صلى الله عليه وسلم ..
من جعل الهموم هما واحدا ، هم المعاد ، كفاه الله سائر همومه ، و من تشعبت به الهموم من أحوال الدنيا لم يبال الله في أي أوديتها هلك الراوي: عبدالله بن مسعود و عبدالله بن عمر و محمد بن المنكدر المحدث: الألباني - المصدر: صحيح الجامع - الصفحة أو الرقم: 6189
خلاصة حكم المحدث: حسن

ويقول أيضا صلى الله عليه وسلم ..
من كانت نيته طلب الآخرة ؛ جعل الله غناه في قلبه ، وجمع له شمله ، وأتته الدنيا وهي راغمة ، ومن كانت نيته طلب الدنيا ؛ جعل الله الفقر بين عينيه ، وشتت عليه أمره ، ولا يأتيه منها إلا ما كتب له . الراوي: أنس بن مالك المحدث: الألباني - المصدر: تخريج مشكاة المصابيح - الصفحة أو الرقم: 5250
خلاصة حكم المحدث: صحيح بمجموع طرقه

ويقول أيضا ..صلوا عليه .. صلى الله عليه وسلم
من كانت الآخرة همه ، جعل الله غناه في قلبه ، وجمع له شمله وأتته الدنيا وهي راغمة ومن كانت الدنيا همه جعل الله فقره بين عينيه وفرق عليه شمله ولم يأته من الدنيا إلا ما قدر له الراوي: أنس بن مالك المحدث: الألباني - المصدر: صحيح الترغيب - الصفحة أو الرقم: 3169
خلاصة حكم المحدث: صحيح لغيره



عاوزين نتأمل كلام الله عزوجل وكلام النبي صلى الله عليه وسلم ..
والله ثم والله كلامنا اللي بنكتبه ده ملوش لزمة لو لم يكن بالكتاب والسنة ..
عاوزين بجد نقرأ القرآن وكلام النبي صلى الله عليه وسلم بتدبر وفهم ونبحث عن المعاني .. هي دي الحياة الطيبة ..
ندخل بئى عالموضوع اللي جايين ندوشكم بيه
صلوا على الحبيب ..
اللهم صل على محمد وآل محمد ..


كلمة بنسمعها كتييير جدا ... من الكبير والصغير .. المتجوز والأعزب .. الطويل والقصير

أنا زهقت .. أنا مخنوق .. أنا قرفان ..
زهقان .. طهقان .. مدايق




تعالوا نتأمل في حياة حبايبنا دول .. ونشوفهم همومهم إيه ..أحلامهم إيه .. أمانيهم إيه؟؟

ومن الواقع اللي احنا عايشينه .. هموم الناس بئت كلها دنيوية إلا من رحم الله ..
اللي نفسه يتجوز اللي ماشي معاها ..
واللي نفسه في عربية آخر موديل .. والسلام ..
واللي نفسه في عروسة حلوه .. عاوز أتجووووووووووز
وأبسط واحد عرفناه ... نفسه أبوه يموت ويسيب له الدنيا بحالها عشان يبقى أغنى واحد .. ورث الدنيا بحالها .. خليها تنفعه ..

مش عايزك تفهم من كلامي إن أنا بقول متعملش للدنيا .. لا طبعا..
بس نفسي يبقى أحلامنا كلها تحت حب ربنا ..
نفسك في إيه .. ربنا يرضَ عني .. وإيه تاني .. ربنا يرضَ عني .. مفيش حاجه كمان .. لا ربنا يرضَ عني ..
أصل اللي همه رضا الله عزوجل مؤمن إن لو ربنا رزقه برضاه هيرضيه ..
مش كلنا بنقرأ قول الله عزوجل
( قَالَ اللَّـهُ هَـ?ذَا يَوْمُ يَنفَعُ الصَّادِقِينَ صِدْقُهُمْ لَهُمْ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا رَّضِيَ اللَّـهُ عَنْهُمْ وَرَضُوا عَنْهُ ذَ?لِكَ الْفَوْزُ الْعَظِيمُ ?المائدة: ???? )

لما رضي الله عزوجل عنهم أرضاهم عنه .. أرضاهم بكل شيء ..
رضي عنهم فاطمئنت نفوسهم ..
رضي عنهم فسكنت جوارحهم بحبه ..
رضي عنهم فرضوا عنه ..
حقا ..
من وجد الله فماذا فقد ؟؟؟؟


عاوزين نتأمل كمان شوية في الهم وكيفية علاجة ..
يقول الإمام ابن حزم في كتابه الرااااائع ( الأخلاق والسير في مداواة النفوس )
بعد ما ذكر أنه تأمل في حال الدنيا وملذاتها وكل أمورها وجد أن كل أعمال الدنيا مهما تعبت في تحصيلها وجمعها فستفسد عليك .. هتفسد لأنها إما هتسيبك وتخلص وتنتهي كما قال تعالى ( كل شيء هالك إلا وجهه ) .. وإما أن تذهب أنت عنها بالموت أو المرض أو بأي عائق ..
يعني من الآخر مفيش حاجه بتفضل على حالها زي ما بنقول ..
والمشكلة هنا إنك قلبك اتعلق بشيء زائل .. فتعذب قلبك بسببه !!

إلا شيء واحد يذكره الإمام ابن حزم فيقول أن العمل الوحيد اللي لذته دااااااااااااائمة دنيا وآخرة هو العمل للآخرة ..
هو ده كلام النبي صلى الله عليه وسلم اللي ذكرته في أول الموضوع ..
يقول ابن حزم أن العمل للآخرة عاقبته على كل حال سرور في الدنيا وفي الآخرة ..
في الدنيا لأنك مش بتبقى مهموم زي غيرك ما هو مهموم بالشغل والعيال والعربية والأطيان والأملاك والزوحة والعشيقة و.....
وفي الآخرة هيدخلك الجنة برحمة ربنا عزوجل ..

ولا يفرط في السعااااااادة دي كلها إلا غافل أو مجنون !!

يا ترى انت غافل ولا مجنون؟؟؟


طيب تعالوا نتأمل شوية في كلام ابن حزم اللي جاي ده ...
قال فيما معناه ..
قال إن الناس كلهم متساويين في طلب حاجه واحده وهدف واحد وهو طرد الهم عن نفسه .. وصدق والله ..
فطالب المال يطلبه ليطرد عن نفسه هم الفقر ..
وطالب الشهرة يطلبها ليطرد عن نفسه هم الوحدة والعزله ..
وطالب العلم يطلبه ليدفع عن نفسه هم الجهل ..
وطالب اللذات والشهوات يطلبها ليطرد عن نفسه هم فوات لذتها ..
وهكذا في كل مطالب الحياة ..... أكل وشرب ولعب وزواج و...... كل مطلب بتطلبه لطرد ما يناقضه عن نفسك ..
بس هل لما أتحصل على المال أو الجاه أو الشهوة أو الزوجة .. هل خلاص هعيش في سرور دائم ... لا طبعا .. وإلا تبقى عايش في الجنة ..
لازم المال هيقل أو يضيع كله ..
الزوجة ربما تموت أو تسوء أخلاقها أو لا يحصل سعادة بينكما ..
الشهوة هتورثك ألما وحسرة بعد إدراكها .. وهكذا .. كله بيجيب هموم .. ما هي اسمها دنيا من الدناءة والخسة والنقصان ..

طبعا عمل واحد اللي مفيهوش حزن ولا يتبعه نقائص .. هو العمل للآخرة .. السعي لإصلاح النفس .. طلب رضا الله عزوجل ... العمل الوحيد اللي خالص من كل العيوب والنقائص ..

يقول ابن حزم ..
ووجدت العامل للآخرة إن أصيب بمكروه في تلك السبيل لم يحزن بل يُسَر ..
بيفرح حتى لو أصابه مكروه .. لأنه عارف إن المصائب تنقية لذنوبه ورفعة لدرجاته ... إن صبر واحتسب .. فأول ما يمرض يلهج لسانه وقلبه بالشكر ..
فلوسه تضيع يحمد ربنا ويتصدق باللي باقي ..
يفقد بعض أولاد يحمد الله ويشكره ويحسن في تربية الباقيين ..
أصله عنده يقين في كلام ربنا وكلام النبي صلى الله عليه وسلم ..
قال تعالى ( وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ ?ابراهيم: ?? )
وقال الحبيب صلى الله عليه وسلم ..
( ما يصيب المسلم ، من نصب ولا وصب ، ولا هم ولا حزن ولا أذى ولا غم ، حتى الشوكة يشاكها ، إلا كفر الله بها من خطاياه الراوي: أبو هريرة المحدث: البخاري - المصدر: صحيح البخاري - الصفحة أو الرقم: 5641
خلاصة حكم المحدث: [صحيح]

خلاص قلبه بئى مطمئن ..
مؤمن = مطمن = مرتاح


وبيقول ابن حزم أيضا
أن العامل للآخرة إن أصابه أحد بالأذى أو إن أصابته نكبة أو أي شيء ضار لم يحزن بل يسعد لقضاء ربه عزوجل بخلاف غيره دائما حزين مهموم ..

وبيختم الفقرة بجملة ... بيقول
واعلم أنه مطلوب واحد وهو طرد الهم وليس إليه إلا طريق واحد وهو العمل لله تعالى ، فما عدا هذا فَضَلال وسَخَف ( حاجه ملهاش طعم ) .


عاوزين نحسبها صح عشان نعيشها صح ..

ربنا سبحانه وتعالى يقول
وَأَنَّهُ هُوَ أَضْحَكَ وَأَبْكَى? ?النجم: ???
يعني هو اللي يقدر يسعدك وهو اللي يقدر يبكيك ..

ياترى تبقى السعادة بعد كده بخلاف طريقه ولا من خلال طريقه وطاعته ؟
ياريت تجاوب بينك وبين نفسك ..

ياريت فعلا نبدأ نتغير وكفايه هم وضيق ونكد وقرف وعيشة ضنك وأيام متعبة و....... ألخ ألخ .. الكلام اللي تعبنا كلنا منه ده ..


يقول ابن حزم رحمه الله وغفر لنا وله ..
لا تبذل نفسك إلا فيما هو أعلى منها ، وليس ذلك إلا في ذات الله عزوجل ، في دعاء إلى حق ، في حماية الحريم ( يعني تحمي نفسك ومن استطعت من الوقوع في المحرمات ) وفي نصرة مظلوم ،

بيقول لك نفسك أغلى ما تملك فلا تضحي بها إلا فيما هو أغلى منها ومفيش أغلى من إنك تهبها للي خلقها وتضحي بيها في سبيله .. قال ربي وأحق القول قول ربي ..
إِنَّ اللَّـهَ اشْتَرَى? مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللَّـهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالْإِنجِيلِ وَالْقُرْآنِ وَمَنْ أَوْفَى? بِعَهْدِهِ مِنَ اللَّـهِ فَاسْتَبْشِرُوا بِبَيْعِكُمُ الَّذِي بَايَعْتُم بِهِ وَذَ?لِكَ هُوَ الْفَوْزُ الْعَظِيمُ ?التوبة: ????

يا ترى هتبيع نفسك بئى ولا هنفضل أسارى لشهواتنا وملذاتنا ..
ربنا بيقول لك هو حد بيوفي بعهده أحسن مني ؟؟
لا والله يارب ..
بيقول لك أوهب لي نفسك .. ابذلها في طاعتي وفي سبيلي والثمن الجنة .. الثمن السعادة دنيا وآخرة ..

مين اللي هيقول بعت ؟؟


وتأمل الجملة اللي جايه دي
وباذل نفسه في عرض دنيا كبائع الياقوت بالحصى

بيقول لك لو هتهلك نفسك في جمع الدنيا فاعلم أنك تبيع الياقوت ( الآخرة ) بالحصى أي الطوب ( الدنيا )
وميعملش كده إلا سفيه أو مجنون !!!

يا ترى انت سفيه ولا مجنون ؟؟؟


عاوزين نعيش السعادة اللي عمالين نسمع عنها من سلفنا الصالح رحهمهم الله ( والله إنا لفي سعادة لو علمها الملوك وأبناء الملوك لجالدونا عليها بالسيوف )

كانوا شغالين خدامين لدين ربنا .. فربنا اكرمهم بالسعاده ..

وأعظم خدمة لدين ربنا إنك تنجي نفسك من النار .. النبي صلى الله عليه وسلم بيقول ( فوالله لأن يهدي الله بك رجلا واحد ، خير لك من أن يكون لك حمر النعم ) . الراوي: سهل بن سعد الساعدي المحدث: البخاري - المصدر: صحيح البخاري - الصفحة أو الرقم: 4210
خلاصة حكم المحدث: [صحيح]

طيب ما بالك لو ربنا هدى بك نفسك ... طبعا هتدخل الجنة .. أغلى الأماني ..أغلى من كل الملذات ..

اسع في صلاح نفسك ..
يا اللي بتشتكي من الهم .. العلاج إنك تبطل ذنوب ..
من كان الله همه كفاه الله ما أهمه .
يا اللي بتشتكي من الفقر .. العلاج إنك تبطل ذنوب ..
من كانت الآخرة همه ، جعل الله غناه في قلبه ، وجمع له شمله وأتته الدنيا وهي راغمة ( صحيح لغيره)
يا اللي عاوز تتجوز.. الحل إنك تبطل ذنوب ..
وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّى? يُغْنِيَهُمُ اللَّـهُ مِن فَضْلِهِ ( النور 33)
يا اللي عاوز كل حاجه حلوة .. بطل ذنوب ..
مَنْ عَمِلَ صَالِحًا مِّن ذَكَرٍ أَوْ أُنثَى? وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ ?النحل: ???



في الختام أقول لنفسي ولكم كما قال ابن حزم
العاقل لا يرى ثمنا لنفسه إلا الجنة .



يارب ارزقنا توبة ترضيك عنا ..

والله بجد أحلى حياة مش هناقيها إلا في طاعة الله .. ربنا يرضى عني وعنكم .
ويرزقنا
أحلى حياة في طاعة الله

أنا آسف إني طولت عليكم ..
دعواتكم ...

منقول

المصدر...
ساعد في نشر والارتقاء بنا عبر مشاركة رأيك في الفيس بوك