10-27-2015, 06:51 AM
|
مدير عام
|
|
تاريخ التسجيل: Aug 2012
المشاركات: 376,241
|
|
رحمه الله
لما ربنــــــــا يبعت لك رسايل كتيييييييير جدااااااااااا
ويرزقك الفهم
بتحس بقرب ربنا وحنان الملك جل جلاله وتحس بالفضل والمنة انه اصطفاك وبعتلك رسايل
وانه بيفهمـــك ويعلمك ويربيـــك ..
لما تعمل ذنب وتتوب وترجع تاني وتتوب تاني وترجع .. فتبكي ..
أنا وحش يارب .. مفيش فايدة
وربنا مش بيسيبك .. يفكرك
" ما من عبدٍ مؤمن إلا وله ذنب يعتاده الفينة بعد الفينة ، إن المؤمن خلق مفتنا توابا نسيا إذا ذكر ذكر "
المؤمن !
تحس ان الكلمة تضمك إليها بحنان .. ( المؤمن )
أو تيأس من نفسك
فيفكرك بكلام الامام علي :
" خياركم كل مفتن تواب .. قيل فإن عاد ؟ قال : يستغفر الله ويتوب ، قيل فإن عاد ؟ قال : يستغفر الله ويتوب ، قيل حتى متى ؟ قال : حتى يكون الشيطان هو المحسور . "
وكلام الامام الحسن : لما قيل له : ألا يستحي أحدنا من ربه ، يستغفر من ذنوبه ويعود ، ثم يستغفر ويعود قال :
( ود الشيطان لو ظفر منكم بهذا ، فلا تملوا من الاستغفار)
وفي مرة تاني ..
تناجي : يارب انت تعلم من نفسي إني مش عايز أرجع تاني
أعني ومتبعدنيش عنك
وتفتح المصحف وأول آية تقع عينك عليها :
" ربكم أعلم بما في نفوسكم إن تكونوا صالحين فإنه كان للأوابين غفورا "
سبحان الله .. كإن ربنا يجيبك في نفس الوقت
إن تكونوا صالحين : انت محتاج الصــــدق محتاج تكون صالح
للأوابين : متيأسش وتوب تاني ، خليك أواااب
وتذكر أني أنا الغفور الرحيم
لما تصلي وتنوي تقرأ سورة النازعات .. وانت في الصلاة سرحاااااااااان
دنيا دنيا دنيا
لغاية ما تتوصل للآية :
" وأما من خاف مقام ربه ونهى النفس عن الهوى * فإن الجنة هي المأوى "
فينتبه قلبك .. رسالة
وتحس بدموعك .. من الخشية .. من الحياء :
ســــــامـحني يــــــــــــارب
لما تقعد مع نفسك وتيجي في دماغك خاطرة لا ترضي الله ، وسرحان فيها ومش مركز مع أي حاجة حواليك
وتسمع الأذان : الله أكبـــــــر
وتفتكر الحديث : قال رسول الله صلى الله عليه وسلم :
" استحيوا من الله حق الحياء ، قالوا يا رسول الله : إنا نستحي والحمد لله ، قال ليس ذلك ، ولكن الاستحياء من الله حق الحياء أن تحفظ الرأس وما وعى ... "
لما تعمل الذنب وتتخنق من نفسك ومكسووووف من توبة الكذابين
طب اتصل بفلان/ة ت/ينصحني ..
ت/يقوللك : روحي لربنا احنا ملناش غيره مهما عملنا بنرجع له هو .. هنروح لمييين ؟
طب فلان/ة تزيدني ، ت/يقوللك :
ادعي كتييييييير أوي متيأس/يش أبدا ، حتى لو مش حاسس/ة بالدعاء ممكن لحظة واحدة .. الله يراها .. فيقبلك ..
تقفل/ي التليفون وتفتكري كلامي الشيخ يعقوب
وتناجي :
" إلهي وسيدي أتيتُ أطباء عبادك ليداوو لي خطيئتي فكلهم عليك يدلني "
فاللهم لا تحرمنا منك وارزقنا الفهم عنك وارزقنا توبة نصوحا ترضيك
المصدر... ساعد في نشر والارتقاء بنا عبر مشاركة رأيك في الفيس بوك
|