السلام عليكم
اسعد الله اوقاتكم بكل خير
ياحماعه انا لي 14سنه متزوجه
عندي ولدين الله يحفظهم ويحفظ عيالكم اجمعين
طبعاً من اول زواجي انا وزوجي مختلفين بكل شي
وعاد مشت سنه مع سنه والعمر يمشي وكل سنه تمر فيه مشاكل ما اقول فيها ضرب ولاهجران
مشاكل توصل لقلة احترام
حاولت اتلافا هالمشاكل ولكن اكتشفت سبحان الله زوجي من النوع الي تمشي معاه العين الحمرا والمشكله تجيب80٪نتيجه معه
لكن التودد والاحترام معاه لايعنيه ولا يستشعره
اطلب شي بذوق وادب يرفض احاول يرفض بعدها انسى الموضوع عشان لا اضغط عليه
بعدين ارجع اطلب نفس الرفض هنا ابدا اعاتب وهو يبدا المشكله وكلمه منه وكلمه مني وازززززعل
حتى بالفراش اتغير معه اعطيه حقه بس بدون رضى
بعدها وركزو ينفذ المطلوب وييستجيب عشان ياخذ المتعه الحقيقه في الفراش بمعنى تبادل مصالح
اعطيني جوي اعطيك مطلبك
لحد ما مليت احس اني سلعه لامتى يعني
حياه مافيها استقرار
مشاكل متتاليه على اتفهه الاسباب
ولازم يسير مشكله يعني عشان يعطيني مرادي
علماً والله طلباتي اقل من اي شي عادي
لا اهلكه مادياً ولا جسدياً
مثال روحة صديقاتي لازم مشكله
واجب للقرايب لازم مشكله
الاعياد ونواقصها لازم مشكله
مقاضي لعيالي لازم مشكله وعصبيه
هذا كله امر
الامر الثاني
مايطلع عواطفه ابداً ولا اهتمامه
والله تعبت انا جد استحقر نفسي احيان
ولكن انا انسانه
مايطلع كلام الحب الا وقت رغباته
ومجرد مايخلص تروح معاه حتى المشاعر والعواطف
اقلكم معاملة بنات اليل الله المستعان
لايدق لو غبت عنه وان دق والله حتى السلام عليكم مايقولها الا نادراً
كذا الو ،،وينكم وش تسووون ..ويقفل الخط حتى سلام مايقولها
حتى اولاده والله مايقول هات اكلمهم
والله اذا غبت عنه مايقول ها عيالي ناقصهم شي يبون شي لا ابد
المهم طولت عليكم
اخر شي تعبت نفسياً منه ومن جو المشاحنات لدرجة دخلت اكتئاب نفسي من وراه والله العظيم اقولها صادقه اكتئااااااااااااب
وفوقها برود مشاعر
قلت يابنت فكري بالطلاق واعطيته خبر طبعاً قبلها في مشاكل لايسعني ذكرها
وانطلاق من هالمشكله قلتله انا وانت معاد ننفع مع بعض نهايتي بتكون تحت مشاكلك الي على الي يسوى والي مايسوى
واعطيته مهله اسبوعين يفكر اما ان ينفذ الشروط
وكانت شروطي والله كلها حقوق زوجيه
منها عدم المشاكل والاختلاف وانو نوصل لحل يرضي الطرفين
والاحتواء العائلي لي كزوجه ولعياله
ومصروف شهري لي حتى نتفادى الوقوع بالمشاكل
وبعد اسبوع وافق وقال ابشري وراح اتغير وراح نبدا صفحه جديده>>>>>>كلامه نفس كل مشكله
المهم جاني عند اهلي ونام معايه >>شبع
ورجع البيت وانا ضليت لاهلي برضاه اني اقعد كمان ارتاح نفسياً
ولكن لاحظت انه هو هو والله ماتقرب لي ودياً ولا لعياله
اتصال كلمه ورد غطاها
ارسل سنابات فيها اولاده يشوف ولايقول كلمه وحده
طبعاً انا متردده بالطلاق انه في جوانب ايجابيه
بس الان اعوذ بالله من الشيطان بديت اشوفها شي عادي
فيه خوف الله
انعزالي ماله اصحاب الا علاقات رسميه
ماهو راعي مخدرات
حريص نوعاً ما على دراسة اولاده مو انه يدرسهم لا بس يصارخ ذاكر ويقولها بسب وكلام بذيء
يزعل بسرعه ويرضى بسرعه
بس هذي مميزاته
الباقي
كسول _عصبي _فوضوي_مايمشي بالاحترام_مهمل بيته_راعي مشاكل _حياتي مالها خصوصيه كل شي اهله يعرفونه _ماله بالاهتمام الشخصي انا الي وراه بس وتعبت وقرفت قسم بالله
وجنسياً انفر منه بسبب اسلوبه ووقته وطريقته لحد ما وصلت اني اعطيه بكرهه
عاد انا برجع بعد كم يوم وادري انه موافقته على الشروط كانت بسبب رغبته بالنوم معي
وادري انه مارح يتنفذ منها شي
لذالك فكرت بالانفصال
ولا الحياه ذي
مشاكل او تنافر
والشي لا جا جا بعد مشكله وقتها النفس عافت وكرهت
اقعد افكر بنفسي لامتى والله ما استاهل هالمعامله
ليه كل ما اطلب شي يتمشكل
اقسم بالله ماقد سمعت منه ابشري
امري
ولاقد رحت عمد احد وقال خذي راحتك وانبسطي
ولاقد قال وش تبين وش ناقصك
كأننا في دائره حكوميه وانا وياه موظفين نؤدي عمل وقد نتفق ونختلف
مره مزعوجن اخاف اتعدى مرحلة الاكتئاب ولا اعرف اش الحل معاه
جلسات حوار سويت
وكل الحلول
وكان هذا اخر حل بيننا
تعبت تأزمت من كثر التفكير
.,h[d jpj srt hghkidhv ,hkh td pdvi
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك