10-19-2020, 11:25 PM
|
مدير عام
|
|
تاريخ التسجيل: Aug 2012
المشاركات: 376,634
|
|
زوجي و الاستراحة
السلام عليكم و رحمة الله و بركاته
انا متزوجة من 8 شهور تقريبًا اعتبر عروس بس من تزوجت يا ناس و زوجي يحس الاستراحة جنننة يعشقها بشكل مع اني شايلته على كفوف الراحة و لا عمررري نكدت عليه ، دايم البيت نظيف و مبخر و معطر و انا في ابهى و احلى حلة و كل يوم لبس جديد و استقبله عند الباب و لا يطلع الا اذا ضميته و استودعته ما ينام الا و انا جنبه و مدلعته على الآخخخر اسمع كلامه و لا اعصيه ابدا مع انه وصل للتسلط بس كل شيء اقول سمعا و طاعة كلها في سبيل اني احببه فيني و في البيت و يصير يجلس معاي ! بس يا ناس مو طبيعي اللي قاعد يصير يرجع البيت من الشغل ينام لين 9 او 10 الليل و يطلع للاستراحة لين 3 او 4 و يرجع ينام ! يومي كله كله راح و انا ما جلست معاه نص ساعه على الاقل ! شيء مو طبيعي !! المشكله اني مدينه ما اعرف فيها و لا احححد و حتى لما تعرفت على مجموعة بنات منعني من زيارتهم لان يشكك في اخلاقهم و من هالقبيل ، احس باكتئاب فضيع ! كأني عايشه لوحدي و الله و مستحيل يحس على دمه و يحس انه مقصر ابدا بالعكس يجي يحكيلي بكل فخر انه قاعد يطقطق على الازواج اللي جالسين مع زوجاتهم و ما يطلعون الاستراحة كثير و انه يعتبرهم "خرفان" او مربوطين بسلاسل ! و الله اني تعبت نفسيا من يطلع لين يرجع و انا ابكي و اندب حظي اني تزوجت واحد جاحد و انسان ما يقدر شيء و لا يعرف يتعامل مع الانثى ابدا ابدا ابدا ! بالله عليكم وش الحب مع شخص بهالتفكير ؟ شخص يعتبر ان المرأة عبد له و مالها اي اعتبار و لا لمشاعرها اهميه !
.,[d , hghsjvhpm
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|