الزواج من موقع زواج

[ربيع الفردوس الاعلى و روضة القران]

الزواج من موقع زواج

السلام عليكم ورحمة الله وبركاته
بالبداية اشكركم على هالموقع الرائع والجميل انا من أشد متابعين هذا المنتدى من زمان وطرحت كم مشكله ليا فيه وربي يجزاكم عنا خير الجزاء على المجهود اللذي تقدمونه .....انا فتاه دخلت سن 21 حاليا أغلب قريباتي وصحباتي اللي تزوجت واللي انخطبت وملكت ربي يوفقهم بس كل مره تنحز بخاطري انوا انا متى يجي دوري وجدا أتمنى أعيش اللحظات هذي بعمري واتخيلها وادعي دائما ربي يرزقني الزوج الصالح ولكن لأن لدي مشكله بالاعصاب ف أعتقد لهذا السبب لم يتقدم ليا أي شخص لحد الآن مثل مايقول الناس ولكن الحمدلله أؤمن انه كله اكيد نصيب وتوفيق من الله ..عن طريق الصدفه جاني إعلان لموقع زواج دخلت وبحثت وجاني فضول ابحث أكثر لقيت موقع آخر جميل جدا ونظامه وفق التعاليم الاسلاميه خطر ببالي اني اسجل فيه واستخرت كثير وكنت متخوفه جدا لأن زواج من موقع شيء مو سهل ومو بالغالب يكون مضمون بس اخلصت نيتي وكمان ليا أسباب كثيره تدفعني لأن أسجل فيه واختار الشريك اللي يناسبني واناسبه بإذن الله....حطيت بياناتي وعن مرضي أيضا جوني أشخاص كثيرين ولكن لا أقبل إلا اللي يناسب ما أريده.. لقيت ولكن فجاءه يذهب أو يكون غير صادق او من ناحيتي ارفض وكلهم كذا إلين بعد أسبوعين من تسجيلي بالموقع جاني شخص كنت بأحلامي ماحلمت بمثله الحمد لله فرحت جدا جدا نفس كل اللي ابيه وجدته فيه أخبرته عن مرضي وقال لاتتوتري بإذن الله فيه علاج واذا صار نصيب راح اعالجك وهالكلام منه خلاني أحمد ربي ليل نهار على اني لقيته وكان كلامه منطقي وعقلاني وأسلوبه جميل واخلاق وذا دين وموظف وماعليه أي كلام ماشاء الله..لكن لايوجد شيء كامل بحكم عمله يجلس اوقات كثير بالشغل وجدا مشغول ويرد ويطلع هذا كان بأول 3 أيام تقريبا وبعدين هوا ارسل صورته بالموقع وقال ليا مارأيك هل مناسب انا كنت مصدومة لحظتها لان حسيت الوضع جد وجلست فتره قليله ماتكلمت أجمع كلام اقوله وهوا كان بالصوره انيق وبملابس العمل وكنت ابي ارد عليه لكن لحظتها انطفى النت وخلص حظي وقتها 😭🙆بعدين جيت بعد ماسددته وكنت عارفه موقفه زعل وقال اني تأخرت لاني ماعجبته وقال خلاص ربي يوفقك ويسهل عليك بعدين قلت له لا أعجبني وارتحت لك واخبرته بلي صار وتفهم ورجعنا نتكلم وحاولت أسأله ونتكلم ونحكي وهشيء صار مره وحده بعدين كله بس نسأل عن الأحوال وبالاخير يشوف رسالتي ومايرد خلاص وأحيانا اشوفه يكون موجود بس مايكلمني انا لم أستطع التحمل كتبت له كلام وقريته أكثر من مره وواثقه بلي قلته لأن ابي أفهمه وبعدين قال ليا انا لو ما ابيك ماكان كلمتك من البدايه وان كلامك حز فيني وكلام بين لي أنه زعل من كلامي وانا والله ماقصدت هشيء كل ماهنالك حابه اتأكد منه وأبي نحكي لبعض عن بعض ونعرف عن بعض لأن مقدمين على زواج بعدين انا كتبت له كلام أخبره ماذا اقصد جيدا وبالتفصيل وقتها شفته لسى مارد حسبت انوا مايريد خلاص رحت اللغيت الاهتمام وبعدين شفت انوا جلس فتره طويله مايرد واروح ارسل له وبرضوا نفس الشيء لين ماضفته بالاهتمام مره اخرى وقال انتي وش سويتي لأن لمى اجي ابي اكلمك مايخليني وانا والله ماكنت اعرف انوا بسبب اني اللغيت الاهتمام وما ادري وش السبب بينت له هشيء وبعد مده رضى ورجعنا وحاولت اكسبه قد ما اقدر بس برضوا نفس الشيء مانتكلم حاولت اجيب سوالف بس لأن بينا رسميه ف كانت تخلص بسرعه واجاباته قليله وقصيرة وارد عليه ويشوف ومايرد وكنت اقوله اشوفك موجود بس ماتكلمني قال أنا ادخل وأرسلك واطلع وهوا يبقى موجود لأن مايسجل خروج على طول ..بعدين بفتره جاء قال ليا انوا ناوي يحذف الموقع لأن الاشعارات تزعجه وبس حبيت اخبرك انا انصدمت فعلا وقتها قلت بنفسي طيب وانا ماعندي غير هالموقع اتواصل معاه! المهم قلت له طيب نتواصل بمكان ثاني حتى انا ودي احذفه دام لقيت الشخص اللي أتمناه قال براحتك اللي تشوفيه!!! المهم أعطيته رقمي ولأول مره اعطي رقمي للرجال ولا ابد بحياتي سويتها بس كان هالشي لانوا كنت متامله يكون زوجي ف عشان كذا المهم أعطيته وقلت له انوا انا واثقه فيك قال تمام أن شاءالله لمى احذفه حرسلك ومن بعدها بس نسأل عن الأحوال وبس ابدا مانحكي جيت خبرته اني متفهمه انوا عندك شغل كثير بس ممكن تخصص وقت أو يوم نتكلم فيه قال ليا ابشري وتم اكيد أن شاء الله ورديت وشاف ومارد ومن بعدها يسألني عن الأحوال وانا أيضا وبعدين يشوف ومايرد خلاص والرسمية بينا جدا كبيره ..بعدين بمده تقريبا اشوفه يدخل ومايكلمني وتضايقت جدا خصوصا من المواقف اللي صارت بينا وسوء الفهم اللي حصل بدون قصد ف حسيت هشيء بعدنا بدال لايقربنا المهم انتظرت 3 أيام لعل وعسى يجي يكلمني من نفسه ويطمني لكن اشوفه يدخل ومايكلمني انا ماتحملت حسيت انه مايبيني وانا المفروض ما استعجل و اروح أسأله عن هشيء بس رحت اللغيت الاهتمام مره ثانيه من شدة حزني وما فكرت بشيء اللي سويته المهم كنت ادخل واروح دايم لبياناته وهوا برضوا بس مايكلمني انا اقول أشبه مايكلمني وبعد مده أسبوعين أو أكثر تقريبا كنت ادخل شبه متقطع وصارت ليا ظروف جيت دخلت وعرفت انوا من إلغاء الاهتمام جيت ضفته وكان جدا معصب قال ليا انتي حاطتني بالاحتياط ومتى ماتبي تهتمي تجي ثانيا وثالث قال أنتي ضيعتيني من يدينك وخلاص الله يوفقك ويسعدك مع الإنسان اللي يتمناه قلبك انتي ماتبيني كلامه جرحني بشكل كبير وانا غير عن كذا وكان نيتي شيء ثاني والله ف حاولت أبين له بكلامي انوا هاللي يصير بينا كله بسبب انوا التواصل بينا والكلام جدا قليل ف خلى بينا عدم ثقه ببعض وانوا نبي بعض وماتحس انوا دايم لمى يصير بينا شيء انت تبي الفراق بس لو نحاول نوصل لأصل المشكله وحلها ونعرف رغبات الثاني كنا راح نرتاح ونسعد بعض وكتبت كلام تفصيلي وانوا غلطت واعتذر بس والله مو عن قصد وانوا كثير يرسلوا ليا وانا موضايفتهم بالاهتمام ف ماتوقعت هشيء وانوا اكيد حيث بينا سوء فهم لأن بالموقع غير عن الواقع بكثير بس لازم نفهم ونصبر على بعض وكتبت كلام ووضحت كل شيء من والى وليه سويت كذا بس كان يشوف ومايرد وكنت لمدة أسبوعين كل يوم أضيفه لقائمة الاهتمام كمحاوله لتلافي الخطأ اللي صار واسأله عن احاوله بس برضوا يشوف ومايرد كتبت كلام ثاني قليل حاولت أبين له اني ندمانه واعتذر وان هالمرة وعتني وخلتني أدرك اكثر وكلام قصير أبين له مشاعري وقتها ومافي رد.. وانا من أول ماعرفته وقبل لا اعرفه وكل الناس أيضا دايم احسب حساب لكلامي اللي اقوله بالواقع أو كتابه بالتواصل لهم .. وأيضا أحب اوصل وجهة نظري باحترام شديد وأيضا ما احب أحد يأخذ بخاطره مني نهائيا ومو من النوع اللي يسب أو يجرح ويقول كلام يوجع ابدا وكتومه لأبعد درجه..اللي صار هذا كله ماقلته لأهلي ولا لصحباتي أي شيء كله احمله بقلبي وهما اللي يجوا يستشيروني دايما بس انا لا اللتجئ إلا الله دايما وابدأ بكل شيء ولكن بعد اللي صار وأنه ماتفاهمنا تعبت تعبت جدا وكانوا أهلي راح ياخذوني للمستشفى جتني صدمة من كل اللي صار وإني مو مصدقه اللي يصير وانا والله اني أتمناه من أول ماكلمته وإلى الآن بس ما ادري ليه صار هشيء كله وسوء التفاهم اللي بينا وأيضا هوا من البدايه وضح ليا انوا الزواج بعد مايصير بينا تفاهم وتوافق راح يخطبني أن شاءالله من أهلي لمى يروح مرض الكورونا عفانا الله وإياكم ويشفي مرضانا ومرضى المسلمين وافقت ولكن تمنيت لو يخطبني لو اتصال بالبداية لأن لا أريد أن اخبئ شيء عن أهلي ايضا خفت من المشاعر اللي بتصير بينا بحكم ان الوقت طويل ولكن لم يفهمني وهذا من زمان قلته بالكلام الأول اللي كتبته له....أيضا لم يأتي يكلمني برقم اللي عطيته اياه وقال إنه ماسجله من الاساس ..انا احب اتكلم بالتفصيل عشان الشخص مايفهمني غلط ويفهم جيدا ولكن ما ادري ليه هوا بالذات اللي ماقدرت على هشيء ودايم يصير سوء فهم بينا وانا إلى الآن اسأله عن أحواله وهوا يشوف ومايرد ولا أدري هل هوا يكلم وحده ثانيه الآن أم لا ولكن لدي أمل كبير وثقه بالله انوا ربي يكتب لنا نصيب ببعض لاني والله أتمناه من كل قلبي ومن بعده أي شخص يرسل بالموقع لا ارد على رسائله ولا اشوفها نهائيا لأن هوا اللي اختاره قلبي وارتحت له ووثقت فيه من بين كل الأشخاص اللي موجودين بالموقع وأريده ودايما ادعي ربي انه يسامحني ونرجع لبعض ونكون لبعض يارب حنا بشر نخطئ ونصيب وخير الخطائون التوابون وربي لمى نخطئ ونتوب يغفرلنا ويسامحنا مع انا اوقات نرجع نغلط مره ثانيه يغفرلنا إلى قيام الساعه من رحمة الله ف ليه حنا البشر مانسامح ونصفي قلوبنا عن كل البشر ...أتمنى من كل قلبي الاقي كلام يجبر خاطري والاقي حل لهالمشكله منكم يارب وانا استعنت بكم بعد الله وجدا ارتحت لاني قدرت افضفض بهالسر اللي ارهقني داخليا واستحوذ على فكري ...كنت متردده اني اكتب مشكلتي هذي بس أتمنى الاقي نصائح منكم ف انا اعتبركم اخوتي بالإسلام ارشدوني ربي يسعدك ويرحم والدينكم ...انا الى الان موجوده بالموقع وودي احذفه بس متأمله بهذا الشخص بس اذا لم يكتب الله النصيب افكر احذفه واشتغل على نفسي أكثر وانميها واكمل جامعه بس أخاف فرص الزواج تقل لدي وخاصه اني لا أريد إلا الشخص المناسب واللي ارتاح له والله اني مو عارفه وودي لو أتزوج أو انخطب وأكمل جامعه بنفس الوقت لا أدري الله يكتب الخير والتوفيق لحياتنا كلها يارب... واعتذر على الإطالة والتفصيل ولكن فيه أشياء وكلام كنت حابه افصله اكثر أو اقوله عشان تفهموا أكثر بس أعتقد يكفي هذا والسموحه منكم مره ثانيه... وشكرا لكم وجزاكم الله عنا كل خير

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hg.,h[ lk l,ru .,h[

اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك