السلام عليكم
موضوعي طويل ومعاناتي كبيرة ولكن بحاول اختصرها لكم
بصراحة امي اكثر شي منغصة علي حياتي واحس بنكد كبير ومعاملة قاسية وجافة من صغري المتوسط وتعديت الثلاثين ولازالت تعاملني طفلة ومراهقة وصعيرة
لا يخفى اني ساعدتها كثير ووقفت معاها بحياتها بشكل جدا انا لست متزوجة والله انه كانت نيتي اخدمها واخدم البيت ولكن الوضع من سئ لاسوأ
كل مرة اقول بكرة افضل القاه اخس وانا بصراحة ماعاد سار عندي تحمل زي زمان الى متى هذا الحال؟؟
واش الحل حاولت بكل الحلول مافي فايدة برغم اني اشتغل وقايمة باموري واقفة معاها وربيت اخواني معها الى ان كبروا
والله سرت ابكي لاني خايفة من ربي اعترف اني ارد احيان ع امي لكن والله ماني قادرة اتحمل وغصب عني بس خايفة اش الحل
ماني قادرة اني اسكت وامشي لانه مافي فايدة وبنفس الوقت ازعل اني ممكن اكون زعلت امي
الحمدلله صلاتي بوقتها وصلاة الللسل والضحى حتى صيام السنة اصوم وحجابي وجهي اغطيه ولا عندي علاقات مع شباب بس مشكلتي الوحيدة مع امي
يشهد الله اني حياتي سارت بكا وتأنيب ضمير وجلد ذات واقارن نفسي اول كنت صبورة واتحمل برغم الضغط الان ماني قادرة اتحمل حرف ولا شئ
الحل ي جماعة والله اني تعبانه من دا الموضوع مرة ، وماني عارفة بكرة لو اتحسنت مع امي هل ربي بيعاقبني او لا والله مو راضية عن نفسي بس اش اسوي
وصلت لامي لدرجة ع موضوع تافه تقولي يبغالك ضرب ، وانا بعمر الثلاثين هل يعقل وغير ما تنطشني برغم هي تكون بدات المشكلة
واختي عشانها متزوجة برغم انه بيننا سنة والله تعاملها افضل معاملة زي الضيوف تماما انا اش ذنبي اذا ربي ماكتب لي الزواج الى الان
ع الاقل امي مستفيدة مني كثيييير وخاصة بعد خروج اختي وبالاخير تعاملها بشكل رائع وانا كأني خادمة بالبيت !!
مشكلة لما المشاكل تكون مع الام من اصعب الامور وانا احسه ابتلاء ولكن بالاونة الاخيرة ماعاد سرت اقدر اتحمل واتحملت فوق طاقتي اضعاف مضاعفة
الى الان انواع السب انواع الجرح انواع الكلام محاسبات ومراقبات وسارت تتحسب ع اتفه الامور وع تفاهات تقول ماراح اسامحك ولا عاد تكلميني !!!
خلالالالالالالالاص سرت مابغا الحياة وسرت سلبية و سرت بحالة نفسية شديدة اكتئاب وبكاء وقلق وتوتر وضغط نفسي وكل شي
والسبب تعامل امي وقسوتها معي باغلب فترات حياتي وشكرا لكم
la;gjd lu hld hfyh pg vfd dsu];l
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك