السلام عليكم
الموضوع مؤرقني وفعليا مكتئبة بسببه ، ماعرف هل فقط عائلتي كذا او كل العوائل
بالمختصر عائلتي كلها مشاكل ، مشاكل بين الام والاب والابناء ، رغم انه هالشيء جدا غلط وحارق قلبي لكن للاسف صار بعائلتي من كم سنة وماكنت متوقعة نوصل هالمواصيل رغم انه مافي اي سبب كبير،
مشتتين جدا ، كل شخص مننا ببلد ومكان وقلوبنا بعيدة عن بعض ، اغلبنا مايكلم الثاني الا بالسنة مرة بالكثير مرتين ، عشنا مع الغريب اكثر من عيشتنا مع بعض كعائلة
حتى اقاربنا مافي تواصل مباشر ، تمر سنين مانكلم عم او خال ، بعمرنا كله ماشفناهم غير مراتت معدودة ، مافي خلاف ملموس ، لكن القلوب ماتبغى بعضها ، كلن بحياته وكون كل واحد بعيد زاد هذا ،
رغم اني اشوف كثير عوائل رغم المسافات مترابطين ويعدون الايام لجل يجتمعون ويحاولون ينظمون اجازاتهم ووقتهم وحتى ينظمون فعاليات مع بعض
الا احنا ، كلن فعالياته مع نفسه، اخواني بالذات كلن بهواه مانشوفهم الا نادر حتى اجازاتهم يقضونها بعيد ومايحاولون حتى نجتمع !!
بصغرنا ماكنا كذا كنا مع بعض ، من ربي كتب علينا كلن يسافر تباعدت القلوب كثير مع تباعد الاماكن ، مابيننا مشاعر ولا شوق ولا خوف ، اتصالاتنا لبعض مجاملة
نشارك الغريب بافراحه اكثر من بعض
لو تسالون طيب ليش ؟ اقول لك مافي سبب ! الخلافات الموجودة عادية تصير بكل عائلة ، حتى انها اتنست وخلصت لكن ماخلص القطع ،
لو اتقابلنا عادي نتواصل نتكلم لو تصادفنا عادي ، لكن مو اكثر من كذا ، زي كانك تقابل زميل لك علاقتك فيه مو قوية شفته سلمت عليه لكن ماتحر تطلع معه او تجتمع او او
هالوضع متعبني ، كثير انتقادات جات وكثير ناس تكلمت ووصلني كلامهم سواء من اهل زوجات اخواني او خواتي ، صرت استحي ارد عالناس يوم يسالون وينهم ؟ مين جاكم من اهلكم ، فعليا كاننا مقطوعين من شجرة رغم انه عندنا اهل !!
احس حتى هالشيء موقف نصيبي ، يستغربون وين اهلها ، شلون يتزوجون بدون اهاليهم ، يوم نقول بعيدين عننا الظروف حكمت نكون بمكان ثاني يقولون طيب تجمعو كل شي متسهل ، معهم حق للاسف وانا ادري بمقدورنا نتجمع ونعمل ونسوي
عمرنا مثلا ماستاجرنا استراحة وتجمعنا فيها كاهل ، لكن ياما رحنا استراحات مع الاصحاب ، اخواني حضرو اعراس اصحابهم اكثر من اعراس عائلتنا ،
عمري اصلا ماحضرت عرس قريب لنا ، لا زمنيا ولا مكانيا قدرنا والصدق ماهتمو ولا اهتمينا
هالشيء معور قلبي لانه نظرتي غير ، معور قلبي على امي وابوي الي هم اطيب ناس بالكون وماتوقعو نصير كذا لما نكبر ، معور قلبي انهم كبرو وبدال ماعيالهم متجمعين حولهم بكبرتهم يشوفون عيالهم متفرقين ، معور قلبي انه بعد كل تعب وتضحية وجهد ومال عشان اخواني يوصلون الي هم فيه ، محد فيهم يهتم يكون عند ابوي ويساعده ، بعضهم حتى تلفون مايتصل بحجة مشغول ،
انا احاول قد ماقدر اني انا اقوم فيهم واعمل واسوي لكني غصب عني مو معهم لاسباب خارجة عن ارادتي، وماقدر اسوي اكثر من بعيد وقلبي يتقطع اكثر واكثر وادعي ربي ليل نهار انه يفرجها علي واقلها انا اعوضهم عن الباقي ، لكن يظلون يسالون
مايستاهلون هالمعاملة ، ماعرف ليه هالانتكاسة الي صارت لنا ، احس كلنا قلوبنا مليانة غل على الثاني ، علاقتنا متوترة ورسمية ، ماعرف وش اسوي اكثر ،
يوم نحاول نتجمع ونرتب ، تصير مشاكل تخلينا نندم اننا فكرنا نجتمع
انا انسانة اقدس العائلة وشفت بعيني انه لا مال ولا جاه ولا اي شي يسوى انه يخليك تبعد عن عيلتك ، محد رح يحبك ويتحملك مثلهم ، الناس اصلا ماتعطيك قدر وقيمة ان ماكان لك ظهر وعيلة ، لكن وش اسوي اذا محد يساعدني منهم !!
مايتفاعلون ولا يتجاوبون ، اقول بنفسي بكيفهم هم لغوا انفسهم بلغيهم ، لكن امي وابوي هم كاسرين ظهري ، محروق قلبي عليهم ، دايما ادعي ربي يالف قلوبنا على بعض ويجمعنا على خير لخاطر امي وابوي على الاقل ،
وش اسوي ماعرف ، حرقة قلبي عليهم ، حرقة قلبي على عائلتي الي مو قادرة انبسط فيها قبل لا سمح الله انحرم منها غصب ، حرقة قلبي من كلام الناس اللي تتكلم بشيء للاسف اعرف انه معهم حق فيه ،
اكثر شي قاهرني انه مافي سبب قوي ، الدنيا والله ماتستاهل كل ذا اصلا اللي اليوم معك بكرة ممكن يصير تحت التراب ، الصديق يجي ويروح الا الاهل مارح يكون لك اخ ثاني ولا ام ثانية ولا اب ثاني !!! طيب معقولة كل هالطفولة والتربية مالها قيمة وانمحت ؟؟ مع اننا تربينا على الادب والاخلاق والاجتهاد وحب العلم ، ليه انقلب حالنا ليه نتيجة هالتربية كان قطع وتباعد وعدم اهتمام
ماعرف وش اسوي الموضوع خانقني ليل نهار ،
uhzgjd ;gih lah;g ,udajkh lhid 'fdudm K
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك