السلام عليكم
انا متزوجه صار لي 7 سنين وعمري 27 وعندي منه ولدين اول بدايه زواجي كان زوجي عنده طراد 🚤يشتغلون عليه عمال وهو جالس كان يجيه مبلغ حلو فكنا اول سنتين مرتاحين بعدها وقف الشغل وباع الطراد واشترى له باص حق توصيل وكان يوصل ممراضات ويادوب يدخل 1500 ريال وكلمني ادور لي شغل عشان اساعده انا مخلصه جامعه والمفروض اكون مدرسه بس ماطلع لي للحين وبعدها حصلت لي شغل في سوبر ماركت كاشيره ويعطوني 3500 ريال المهم بعد ما اشتغلت صار يخليني اشتري اغراض البيت وانا الا اركبهم في الطابق الثاني واشتري اغراض الاولاد من ملابسهم ومصاريف الروضه والمدرسه وكل شئ عليه براتبي حتى فاتوره الكهرباء انا الا ادفعها ، واقات كثيره اتسلف من الا معاي في العمل عشان اشتري احتياجاتنا وفوق هذا اخوه كل بدايه شهر يجي يكلمه محتاج 100 الى 200 ريال ويجي ياخذهم من عندي ويقول مسكين عطيه ماعنده فلوس محتاج ويصر عليه اعطيه ، واذا قلت له انت ادفع قال ماعندي فلوس والفلوس الا عندي حق ايجار الشقة واذا جاء وقت ايجار الشقه قالي ما قدرت اجمعه كله ويسوي جمعيه ويستلمها اول واحد عشان يدفع ايجار الشقه وانا الا ادفع الجمعيه يطالبني بفطور وغداء وعشاء يوميا انا اداوم الساعه 8 يجلسني 6 ونص عشان اسوي فطور وارجع البيت الساعه 5 ويقولي سوي غداء واخذي الجهال عندك مابي اسمع صوتهم اذوني والساعه 10 يبي عشاء ويزعل اذا قلت تعبانه او اشتر من مطعم واذا قلت له اشتر غداء لك وللجهال انا مابسوي غداء تعبانه اذا مازعل يقولي من وين لي يعني عطيني فلوس عشان غداء بس بطريقه غير مباشره واعطيه
واقوله شوف لك شغل غير التوصيل مايرضى 5 سنين على هالموضوع يقولي انا مرتاح كذا واقوله انا مو مرتاحه كذا يعصب عليه يقولي وشو يعني تبيني طول وقتي في الدوام انا ماحب الدوام الحبسه وقلت له نفس الشي انا بس صبرت عشان انت تجاهد معاي بس انت ولا تفكر تشتغل جبت لك كذا مره اماكن تبي موظفين وتوظيف فوري وراتب 5 الآلف ريال وتقولي يصير خير ولا تروح وتقولي دوام رسمي مابي قلت له كيف تبي الدوام قال انا مرتاح في التوصيل اقوله مايدخل لنا شي حتى ايجار الشقه مايوفي معانا وتوديهم نص ساعه وترجعهم نص ساعه يعني دوامك في اليوم ماتجي ساعه ، المهم شفت له توصيل لمنطقه تبعد ساعه ثلاث موظفات وبتعطيه الوحده 1500 يعني 4500 في الشهر قالي مشوار بعيد ما ابي اروح ولا يرضى يوديني مكان حتى العمل اروح بسواق ، ولو وداني مكان كل شوي يدق ويهزئني طولتي وخلصي بسرعه وله شوفي لك سواق يرجعك ، ومافيه حنيه عليه ابد حتى لو اجي احضنه يوقف مثل الصنم واذا حضني وداني السرير ويقولي اذا تحضنيني ما اتحمل يعني اي حضن وراه الا خبركم وهذا همه يوميا يبي هالشي ولا يراعيني اذا قلت تعبانه اذا اجي احضنه بعد العلاقه يباعدني ، خلاص انا كرهته سنين وانا صايره عليه وماتغير وكل مره اقول عشان ولادي بس الحين خلاص مابيه وكلمته ابي اطلق ويسكت عني ومره ورحت بيت اهلي يجيلي يرجعني واقوله مابرجع لين تتغير ولا فيه فايده ، وبعدها طلعت اجازه شهر بس ما قلت له اجازه قلت له طلعت من العمل وعصب وقالي كيف الحين يعني قلت له روح دور لك شغل ولايرضى يقول انا عندي توصيل وصرنا كل مشاكل وكل يوم يقولي قومي باوديش تدورين لك شغل وكل يوم يقولي في مكان يبون موظفات روحي اشتغلي مانقدر على المصاريف انا مابي اعيش معاه خلاص النفس عافته
وفي نفس الوقت معاي جارنا في العمل وهو الا شاف لي العمل وهو المسؤول عليه في العمل هذا متربيه معاه وتقدم لي بعد ما وافقت على زوجي الحالي حتى امه كلمت امي ان من زمان يبيها ومتعلق فيها ، المهم ماصار نصيب وهو تزوج بعد ما انا تزوجت ب 3 سنين وماطول سنتين وطلق وعنده ولد ، واخته معانا في العمل وهي عشره عمر معاها وجلست اشكي لها الحال عن وضعي واني ابي اطلق وقرار نهائي وجالس احاول فيه ومابي توصل لمحاكم وصارت كل مره تسألني وش صار على موضعك ومهتمه ومره سألتني وش صار مزحت معاها وقلت لها خلاص تطلقت ابي اشوف رده فعلها قالت الله بحبش عندي لك عريس بموت عليش ويبيش قلت وش عريسه قالت لي اخوي قلت له ان انتي بتتطلقي قال والله لو تتطلق اتزوجها انا جلست مصدومه من كلامها وقلت لها امزح معاك وهزئتني شوي كيف تقولي كذا وقالت المهم انا ماحبيت اقولك وانتي متزوجتين بس لما قلتي تتطلقتي قلت لك وهو قالي لو تتطلقت بتقدم لها ، ورجعت البيت وجلست افكر في الموضوع والله ماكنت عامله حساب هالشئ وانا مصره على الطلاق وقلت له يبدى في اجرائات الطلاق من قبل لا تكلمني صاحبتي ، بس الحين خايفه لو تتطلقت اوافق عليه لو لا اخاف الناس تتطلع كلام عليه اني تتطلقت عشان اتزوج واحد ثاني ، واخاف ما اوفق واندم على هالشئ بعدين مايكون لي سند
ابي نصيحتكم انا ضايعه ولا اعرف وش اسوي في حياتي زوجي مالي عيشه معاه بس جارنا متردده اوافق عليه في حال اني اطلقت لو لا
'ghrd lk .,[d ,.,h[d [hvd
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك