السلام عليكم ورحمة الله
يمكن موضوعي يختلف عن البقيه
بدخل بالموضوع على طول
انا اعترف اشد الاعتراف اني مذنبه وغلطانه والله يسامحني ويقويني لترك الافعال هذي
انا متزوجه الان خلصت10سنوات
زوجي ولد خالي طبعا امي اصرت عليه اوافق عليه
بحكم انه ولد اخوها وتعرف دينه واخلاقه وكذا
عاد تزوجته مو مقتنعه فيه كثير
وجا نفس ماتوقعت مره مره مره ماعنده عالم المتزوجين
غير انه جاهل او يتجاهل ويهمل الاساسيات بغرفة النوم
الطامه الي توجعني بقلبي
انه اذا جامعني ما استمتع معه الا اذا تخيلته شخص اخر اعرف انه غلط والله لكن هو السبب قسم بالله مقدر لدرجة ما ابي افتح عيوني واشوفه هو
ولا اخليه يبوس او شي لانه مايهتم بفمه وريحته كذا مره اقوله لكن يستهبل ويتجاهل
ودائماً بنفسي اعجب بغيره
اما بلبسهم وأناقتهم او بكلامهم واسلوبهم او بعقلهم وحمكتهم
زوجي للاسف خجول اجتماعياً
والبيت سوالفه سوالف حريم بسببب امه تعطيه موجز الاخبار عن الجماعه
قسم بالله بس يتكلم فلانه جابت وفلانه سوت وفلان قال وفلان فيه وفيه
ما احسه عنده سوالف مواقف سوالف رجال بمعنى اصح
حتى عند عيالي اذا رحت لاهلي ورجعت
يبدا استجواب من لقيتم من جاكم اش اكلتم وين رحتم وخالاتكم من جا منهم ووووووووو
غير ان حتى اخواتي بسبب طريقته وجهله يتريقون بكلامه واسلوبه كنه شايب واسوء بعد
واذا باس احد من الصغار يجوون يقولون ريحة زوجك في النونو
لانه يبوسهم ويبقى من ريقه وانتم بكرامه
غير شخصيته بالبيت مزدوجه مره مبسوط ومره يطنش ويسحب علينا ولا كننا حوله
مره احس بغبنه والله
خصوصاً احنا بزمن ثقافة عقل ومنطق
زمن وجاهه زمن نظافه ورزه
وانا للاسف عكسه تماماً والله لا امدح نفسي
ولكن كشخه في المقام الاول بالكلام لبقه اجتماعيه
في البيت مرحه وسنعه وست بيت
اللهم لك الحمد
بس ما احسه يتعلم او يحمس
عقدني والله
صرت اخاف على نفسي بسببه
اعرف الخيال وقت الجماع خيانه
واخاف والله حتى على قلبي ان احب غيره بدون ما احس
افكر بنفسي اقول تطلقي ولا تاخذين ذنبه او تزيد ذنوبي بسببه
تقولون علميه دربيه عوديه واقسم بالله وصلت فيه
اقوله يا ادمي تكلم عبر حسسني اني زوجه لي كلام خاص ماتقوله لباقي البشر
يا ادمي تنظف انا انسانه لي حق اشم كل شي حلو
يا ادمي تبي اشوف غيرك وانت حلالي ما اعطيتني
والله انه مايتغير فيه شي
انا يئست منه وكرهت حياتي
اشششش الحل
لامتى اقعد كذا
الزززمن الله يكفينا شرهه تغير والدين قل والنفس اماره بالسوء والعين والسمع ماتبي الا كل زين
هذي فطرتنا
وفيه بصراحه سيئات كثيره ومايمديني اتكلم عنها
الان هالنقاط شاغلتني
استمر على خيالي وخيانتي الغير واقعيه
او انسحب من الحياه بكبرها معه
odhkjd g.,[d hgydv ,hrudi
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك