09-01-2020, 02:58 PM
|
مدير عام
|
|
تاريخ التسجيل: Aug 2012
المشاركات: 351,176
|
|
شكلي وامكانياتي صفر
السلام عليكم
هالكلام مجرد فضفضة لاني صدق محتاجة اتكلم بس اتكلم لمين غيركم؟
انا شخصية هشة كثيرمن طفولتي وعندي ازمة ثقة قد ما اقدر احاول اخبيها
وامكانياتي كانت تساعدني فكنت ذربة بالكلام والافعال فبالتالي ثقتي امام الناس كانت جدًا عالية
وبرضو التوفيق من الله في بعض الامور الي مايتقنها غيري زادت من قبول الناس لي
دخلت مرحلة المراهقه وصرت مختلفة 180 درجة، كلمة "يامريضة" غلط عليك او حتى "تفشلين"
او خليك كذا من اهلي كانت على العكس تثبطني بدل لاتشجعني!
فلازمت البيت وتركت علاقاتي كلها، وانا اعنيها "كلها"
صرت ما اعرف الا امي وابوي واخواني فقط
فقدت ثقتي بنفسي تدريجيًا وكلام امي لي اسنع منك اذرب منك والى اخره قتل
كل ذرة رغبة فيني للتغيير، انا ياناس جدًا حساسة ليتني اتغير ليت
ليتني امتلك شخصية قوية ودها تبرز بس مابي صرت اكره الظهور صرت اكره فكرة
اني لازم اتسنع عشان اكون قد المقام، فاقده الثقة في شكله وقدرتي
دراستي الي كانت من اكثر الاشياء فخرًا لي دخلت الجامعة وفشلت
شكلي اكرهه، اكرهه ما احب اشوفه عجزت اتقبله عجزت
كل صوره عندي قطعتها واتعب نفسيا اذا احد صورني بجواله
بعني مرات اوصل لمرحلة المرض، امتلك بشرة فاتحه وجسم مرسوم رسم
لكن ما اشوف هالشيئين شيء ولاهي معايير تدعوا للفخر مثل ما الناس تقول
تزوجت ونفسيتي تعبت كثير ووصلت لمرحلة الاكتئاب
اهل زوجي وخواته ماشاءالله تبارك الله كاملين والكامل الله بكل شيء
امسك نفسي بصعوبة اذا مدحني زوجي على ايش تمدح؟ ودي اصرخ ودي افتح صدري ابيه يشوف اني لايمكن اصدقه، ليش اختارني انا ليه؟ موقادره اتحمل وضعي ابي انفصل خاصة اني صرت انضغط بسبب تصرفاته
صوري بجواله وصعب اني ابين ان هالشيء يستفزني وبنفس الوقت انا شخصية هادية وغير متقبله لاي وضع
لازم اخذ وقت بعكس اهله الي كل يوم ناس جديدة وانا مضطرة اواجههم
احسني مو عايشه الحياة الي تناسبني وما اقدر اتغير وانا تحت هالكم من الضغط الشدييد
ولاني قادره اعيش مع زوجي براحتي لاني مو واثقه بنفسي
مولازم اكون جميلة او او او عشان يحبني احد، الكلام هذا مستهلك لكن انا مومقتنعه فيه
مومقتنعه بنفسي ما اشوف اني الشخص الي ودي اكونه
زوجب مهما تكلم فيني وقال مايعني لي شيء لاني ما اشوف نفسي من الاساس
انا تعبت والله تعبت احسني محتاجة ارجع لامي وابوي محتاجة ارتاح محتاجه اراجع نفسي
واثقة في اني قد المسؤولية وواثقة بقدرتي على تحمل هالاشياء وربما حتى التغيير لكن مو هذا الوضع الي كنت ابيه
زوجي مايستاهل كل هذا بس انا ماكنت اعرف ان الحياة عندهم بكل هالضجيج والصخابة
وناس والله مايستاهلون الا كل خير مني ولاهو وقت اطلع عقدي عندهم
ثقتي سنين وانا احاول اجمعها لكن.. الحمدلله على كل حال
لاتنسوني من دعائكم لعلها دعوة شخص منكم يكتبها ربي لي
شكرًا
وكلمة "غيرك يتمنى الي عندك" ياليت تنقرض لان كل شخص مكتوب قدره قبل لاينولد
فمن غيري اللائق اساسًا تنقال هالكلمة، كل واحد ورزقة محد ماخذ رزق احد
وكلن ومتساوي في الرزق وحده رزقها زوج حبيب والثانية اهل زرج والثالثه مال والرابعه جنة عرضها السموات والارض تنسف كل
رزق الدنيا وغيره من هالامور ودامني كتبت هالموضوع ولا ادري ينزل او لا
اتمنى ان البعض يراعي كلامه ويخاف الله فيه رب كلمة قالت لصاحبها دعني الواحد لما يكتب شيء في النت صحيح يتحمل الي يجيه لان سمح اساسا بمشاركة الكل لكن كلامي لاصحاب الردود الفردية وبالاخص من اناث هالموقع "كلامكم بعضه جارح ويضيق الصدر”.وقد تاثمين عليه لان كلامكم واحترامي للاخوه لكن كلام البنات غالبا مؤثر اكثر من الشباب، مقدرين انك تعبتي وكتبتي بس ارجوك اكتبي نقدك اللاذع بلطافه لعلها تقلل امتعاض القلب شوي.
مره كتبت موضوع وشاهد ربي اني اصريت على غلطي من بجاحة الردود وحسيت نفسي مسويه مصيبة وفوقها ناقصه وجاء رد وحده خفف ولطف الوضع وصرت ابي اتغير بس عشان هالكلمتين البسيطة بينما اسطر فيها من الانتقادات ماسوت فيني شيء
a;gd ,hl;hkdhjd wtv
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|