اخواني مبارك عليكم الشهر الفضيل
وعندي مشاكل في الموتر ماركيز 1999 وطبعا في موضوع سابق كتبته عن مشكلة الانوار الداخلية المشكلة طلعت من باب السواق وانا سويتها في البيت كانوا السلكين معكوسين وعدلتهم والحمد لله
عندي اول استفسار
وش افضل زيت للجراند ماركيز 1999 وكم الرقم المناسب له او بالاصح اللزوجة وكل كم اغيره وهل في زيت فورد يعني زي تيوتا لها زيت وتنصحوني فيه
عندي مشاكل وملاحظات كثيرة وبالخصها في موضوع واحد واريحكم مني
نبدأ بسم الله بالمشاكل
1- عندي باب السواق يبي له تغيير لونه رصاصي واللي عنده واحد نظيف واهم شي كلبسات مو متكسرين كرسي السواق كهرب
اهم شي نظيف ورصاصي
2- عندي الابواب بالموت تفتفح وتقفل الابواب الاربعة المشكلة من السنتر لوك اللي عند باب السواق ولا وش المشكلة وهل لو انظف الاقفال ب اي سي ديلكو بيظبط طبعا الاقفال اللي تجي من داخل اللي ترفع وتنزل الحبة المكشلة في الابواب الاربعة
3-عندي الريموت مايشتغل انكسر علي وخذيت ريموت ب150 ومو راضي يتبرمج ورجعته وش الطريقة
4-عندي الشنطة اللي ورا كنت مركب سستم وانكسر عمود من داخل وصارت الشنطة ثقيلة حدها وماتثبت في حديدتين طوال يجو تحت السماعات وحدة من جهة اليمين تمتد الى الشمال ووحدة من الشمال تمتد الى اليمين وش اسمها وهل فيه جديد وهل فيه في التشليح وهل رخيص
5- اخر مشكلة والاعظم واللي نرفزتني
انا مغير ركبتين تحت وركبة يسار فوق
وجلد مقصات فوق وتحت كاملين ومسامير عمود توازن وجلد عمود توازن وحدايد عمود توازن اللي مع الجلد ومغير قماشات ومسوي تشحيم للادرعة ومغير جلدة بدي ومساعدات ويايات يعني منفوض ومازاااااااااااااال في صوووووت طقطقة لما الف الطارة ولما يصير فيه حفرة صغيرة يطلع صوت طقة واحيانا في المطبات
واذا مالها حل باكب عالموتر اسيييد يحرقه عشان ابررررد حرتي دفعت دم قلبي فيه والى الاان فيه صووووووت والله قهررررررر
واللي يرحم والديكم لاتقروا الموضوع وتسحبوا علي لو اي احد عنده فائدة ولو 1% ابدعي له في صلاتي وما انسى معروفه
لين ما اتكفن بالابيض
وآسف عل الاطالة نشبت لكم بس والله قهر تنفظ الموتر وفي النهاية ماتستفيد من الالوف اللي صرفتها عليه
hsjtshvhj fow,w hg.d,j ,la;gm td hg'hvm
المصدر...
ساعد في نشر والارتقاء بنا عبر مشاركة رأيك في الفيس بوك