09-20-2020, 04:45 AM
|
مدير عام
|
|
تاريخ التسجيل: Aug 2012
المشاركات: 350,390
|
|
روحــي بأي ذنب قتلت!
مساء الخير اعذروني على السرد الغير مرتب اللي بتقروه لكن بسبب الضغوطات اللي امر فيها محتاجه منكم الدعم النفسي والمشوره لاني قربت انهار 😩😩
حاليا دوبي رجعت من المختبر حللت وطلعت حامل للمره الثانيه خلال سنه والحمدلله على نعمه علي من قبل ومن بعد وعلى ماكتب ربي
مهو اعتراض على اقدار الله ولكن احتاج اوقف الزمن وارجع سنه وحده ورا اشوف وش قاعد يصير لي من احداث متسارعه 😭مني قادرة استوعب
عشان تكونوا معي بالصوره زي هالوقت من السنه اللي فاتت كنت بنت مخطوبة سعيده قاعدة اجهز ادق تفاصيل فرحي 🤍والحمدلله تزوجت وعشت شهر وكان من اروع ما يكون والحمدلله ربي رزقنا بالحمل بسرعه وكنا مبسوطين وكل شي تمام لما الشهر 2 جاء معي نزيف وعرفت ان حملي توأم ولله الحمد وصوني بالراحه وارتحت شهر بيت اهلي بعدين دخلت العمليات سوا لي عملية ربط في عنق الرحم وانا باول الشهر 3 والحمدلله تمام الا من ناحية زوجي اللي كان مو مستوعب نقطة انه ممنوع الجماع وكان حرفيا مضيق صدري محسسني بالتقصير والاهمال والبرود وكل شي اجتمع فوق راسي كأني انا المذنبة الوحيده بالدنيا
عدت ايام وجاء موضوع كورونا والحجر واضطريت اني انقل عند اهل زوجي لان ماعندي خادمه وانا كان وضعي الصحي يحتاج رعايه حمل توأم وثقل ونفسية سيئه . زوجي ولد خالتي وابوه متوفي الله يغفر له فكان في فرصة امي تجي عندنا ايام الحجر عشاني وعشان وتساعد اختها اللي هي خالتي
كل يوم زوجي يقعد يتشكى مني عند امي وخالتي ويقول ماتعطيني وجه حارمتني وهالحكي .مع العلم ان زوجي متهور مايمسك نفسه ممكن اذا حتى لمسته بالغلط يتمادى وانا هالشي غلط علي بليييز لحد يلومني الامهات يعرفون شعوري عشان كذا كنت اصده احيانا والوالده وخالتي غسلوا شرعي وكان يجبرني انام معه بهالظروف هو ينبسط ويستانس وانا اكون متوتره وشاده ولكن مع الوقت تعبت وتركته يسوي اللي يبغاه
ولدت ولاده مبكره الحمدلله بس عيالي جلسوا بالحضانه شهر ومن ثاني يوم طلعت للبيت عشان الكورونا وبعد اربع ايام بالضبط من الولاده لقيت زوجي يقول نرجع بيتنا ! رجعت بيتنا لحالي انا وياه وهو دور ثالث وانا دوبي والده قيصري وماقصر زوجي يساعدني بس لازال سالفة الضغوطات النفسيه عشان عيالي بالحضانه وضغوطات زوجي من جهة ثانيه يبغاني اقوله شبيك لبيك انا بين يديك ودلعيني وعوضيني عن ايام زواجي ومن الكلام وضغوطات جسمي بطني مفتوح ومضطره اطلع درج كل يوم عشان اروح عيالي للمستشفى
عدت ايام لاتحتمل ولاتطاق وتجاوزتها الحمدلله
والان بدأت اتنفس !! بس الحين اكتشفت اني حامل 😭 خلال سنه وحده انقلبت حالي من بنت عايشة لنفسي لام لطفلين ونونو فبطني و عندي زوج زي الطفل الرابع بالضبط علما بان الحمل صار فوق ارادتي وضعي ماشاء الله لايسر عدو ولاحبيب ضاعت روحــي بين هالزحام
اكتب لكم وانا تايهه ادعولي ان الله يلهمني الصواب ويرشدني ويعينني على هالدنيا😭
v,pJJd fHd `kf rjgj!
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|