انا تزوجت من فترة وكان قبل الزواج فترة تعارف وكنت اسال زوجي عن عاداتهم وتقاليدهم لانها تهمني وكنت اساله هل فيكم عادات البدو ؟ علما انهم عايشين في قرية يرد بالنفي وان الوقت هذا ماعاد فيه شيء اسمه بدو ! وكنت الح بالسؤال واسأل في كل مكالمة ولاني شخصيا وليس عيبا في البدو ولاختلاف الاطباع والعادات لا اتقبلهم. هو متفهم تفكيره متفتح نوعاما فاستخرت وجت امه وكانت بعبايتها وطرحتها يعني وجهها ومكشوف
المهم تمت الملكة وجاء يوم الشبكة تفاجأت بان امه جت بالفستان وعليها برقع !!! يعني كاشفه جسمها ومغطية وجهها !! انصدمت سالته قلت انت قلت لي انتم مو بدو قام يتحجج بان طلع لها حساسية شديدة واضطرت تغطي وجهها لانه شكل بشرتها كان مشوه جدا بسبب الحساسية فصدقته ! تم الزواج مختصر جدا اخذني من بيت اهلي وسافرنا الصباح بدون ماشوف اهله وانتقلت معه لدوله ثانية بحكم عملة يعني انا ماشفت اهله الا مره واحدة وامه مرتين فقط.
كنت الاحظ فيه بعض الصفات اللي مايتقبها احد
مايهتم بنظافة اسنانه ابدا - ياكل بفم مفتوح واصوات اثناء الاكل ! مشيته محدبه كانه شايب وغيرها من الصفات الغير مريحة ويرفض تغييرها !! واسواء صفة اكتشفتها الكذب ! يكذب كانه يشرب مويه
المهم انتهي انتدابة ورجعنا وعزموني اهله وكانت الصدمة الكبرى !!!
اهله بدو بشدة ! بيتهم مافيه اثاث موكيت وجلسه عالارض ! امه مستحيل تشيل البرقع بالبيت طول وقتها لابسه برقع ! كل اقاربه نفس الطبع الاكل يقدمونه بدون ملاعق لان الاكل باليد ! رز باليد لحم دجاج يقطعونه باليد!
المصيبة الادهى يسولف عن كيف اخواته يتهاوشون مع بنات عمهم ومستسمع وهو يقول كيف اخته مدت يدها عليها وضربتها !!!!!!!
احس اني خُدعت احس اني انصدمت !!
المشكلة اكنشفت اني حامل من كم شهر !! كرهت البيبي لانه يحمل اسمهم و اهلي بس حاطيني هزوه وكل ماقلت شيء ردو الله يكفيك شر هالبدو اللي اهذتيهم !!
اللي مقلقني ان نفس الشيء اهلي ماقابلوا اهله الا يوم الحفلة قبل سنه ونص و اانا كنت المع صورت اهل دوجي شوي قددام اهلي بس الخين اذا ولدت كل شيء بينكشف !!! شلت هم الولادة وكرهت زوجي لانه كذب علي وكرهت اهله وصرت حساسة اي كلمة من اهلي تجرحني !! لان خواتي مناسبين ارقى العوائل واشوف كيف اهلي يعملون حساب لازواجهم واهل ازواجهم لكن انا لما اقول شيء رد اهي يكون عادي مايحتاج تشليلن هم ماعندك احد يسوى محد يستاهل ومن هالحكي !
انقهر تمنيت ان انتداب زوجي ماخلص تمنيت اني ماحملت تمنيت اني ماتزوجت .
لاحد يقول احمدي ربك مو مقصر ومن هالحكي لا هو مقصر باشياء لكن هذا اكثر شيء مأثر فيني ومقلقني الفترة هذه
hko]uj lk .,[d rfg hg.,h[ ,gh.gj huhkd !!!
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك