مشكلتي دايم أحس أني على الهاااامش، في البيت و في العمل و في التجمعات، رغم العطاء و التميز و الإبداع و الجهود اللي ابذلها.
آخر موقف حصل لي على مستوى العمل، كرفت سنة تقريباً على موضوع يخدم المؤسسة اللي اعمل فيها و المدير المباشر علي يعرف أني تعبت و اشتغلت، و الشخص المكلف معي أجلس أطارد وراه عشان يشتغل على مهماته، طبعاً الشركة تقدس الشخص الأخير اللي ذكرته و منصبه أعلى مني بالمسمى لكن للأمانه ما اشتغل بهالموضوع الا تناتيف ! عموماً اليوم وصلني ايميل من هالشخص و مسوي فيه cc لكل المدراء و الموظفين و ذكر فيها الأمور اللي انجزت بدون ذكر اسمي أو حتى من عمل هالشيء!!!! وفوقها اسند لي مهمام مع مجموعة جديدة و ارسلها من باب انه يطلب من المدير انه يأكد علينا البدء في اكمال الشغل!! يعني كأني ماسويت و لاشيء من اول و كأني جديدة على الشغلة !!!! وهذا الاحتقار و التجاهل و الطبيقة منتشر بالمكان اللي اشتغل فيه لكن عجزت اوصل لطريقة اخذ حقي فيها و اثبت نفسي بدون ما أظهر بمظهر الشخصية العدوانية!؟؟؟
عندهم أساليب مكر و لف و دوران اعجز بصراحة اسلك هالمسلك عشان اخذ حقي!!!
نفسي الشيء على مستوى الاهل، احس اعطي و اعطي واعطي و ابذل ع الصامت و يدرون أني اسوي هالشي ولكن اول ماغيري يتزحزح ويسوي شغلة بسييييطة يطيرون فيه و يمجدونه وماينسون فضله واصير الفرد اللي مايسوي شيء في البيت ولاحتى تقدير و لا اهتمام ، لأن طبعي ما احب أمن بالعطايا و اسوي الشيء فعلا من قلبي لكن ما احد ينكر انه يحب يكون في احد برضو يهتم فيه لو بكلمه، وماتنحجد اتعابه!
المصيبة شخصيتي قوية جداً و ثقتي بنفسي عالية، لكن عجزت اتعامل مع هالخصلة وهي اثبات وجودي!
يعني بالمختصر حقي دايم يضييييع ومهمشة واحيانا احس التهميش متعمد و اضطر اخذه بالقوة و انا تعبت من الجدال و المطارده ورا حقوقي.
كيف ممكن تتعامل مع مواقف الجحدان و التهميش و التمييز بدون ما يصيطر عليك الغضب و الإنفعال بسبب الظلم ؟
riv , /gl >>> ljn kvjhp ?
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك