[منقول] uTorrent

[ربيع الفردوس الاعلى و روضة القران]

:bsm:
للاسف في ناس كتير متعرفش نعمة التحميل بالتورنت :|
عشان كده هنشرح بإيجاز كده إيه هو التورنت وإزاي تستخدمُه وأهم وأحسن المواقع إللي تحمل منها وإيه سبب تميُزه..
- إيه هو التورنت؟ وإيه هي مميزاتُه؟!

التورنت عباره عن ملف صُغير جداً فيه بيانات، لكنه في الحقيقه مفيش فيه بيانات، لسه!
على سبيل المثال: محمود لقي برنامج حلو جداً وحب يشاركُه مع باقي الناس فقام جاي رافعه على النت من جهازه والموقع طلعله ملف تورنت. بكده اسمه أصبح >>seeder: الشخص إللي عنده الملف (البرنامج) كامل>>.. قال إنه نزل الفيلم فأحمد ومحمد وسامي ومصطفى ووو.. قرروا إنهم يحملوا البرنامج، فدخلوا الموقع (هتلاقي أسماء المواقع في الأخر) عشان يحملوا ملف التورنت. بكده أصبح إسمهم .. وتبدأ عملية التحميل على أساس ((من الكُل على حسب قُدرته وإلى الكُل على حسب حاجته))!!
محمود دلوقتي كـ seeder عنده الملف كامل وإللي بيحملوا كـ Leechers أو peers عندهم أجزاء بسيطه جداً من الملف، الأجزاء دي بتتراوح من 1-300 بالترتيب وبتختلف من حجم ملف للتاني. هنا بقى إنت ما بتحملش الملف كامل مره واحده! لا، إنت بتحمل أجزاء مُعينه مسموحلك إنك توصلها، مثلاً (مسموحلك تحمل من محمود أول 20 جُزء من أصل 170 وغيرك مسموحله يحمل من أول 30 لغاية 97 من أصل 170 وهكذا مع الباقي وبيتغيروا تلقائياً من شخص للتاني) طول فترة التحميل إنت مش بتنزل من محمود بس، لا إنت لو خلصت الأجزاء بتاعك من عنده ومصطفي مثلاً حمل اجزاء تانيه فطول ماهو فاتح جهازه إنت بتحمل الأجزاء إللي هو نزلها لغاية لما تجمع الـ 170 جُزء بتوعك من كُل الناس إللي بتحمل معاك وهما كمان بيحملوا الأجزاء الناقصه بتاعهم من عندك لغاية لما الملف بتاعهم يبقى كامل.. ووقت ما تكون الأجزاء بتاعك كامله والتحميل خُلص، يصبح الملف كامل عندك وتتحول مره تانيه زي محمود لـ seeder وتبدأ الناس تحمل من عندك زيه.. وكُل لما يزيد الـ seeders في العدد كل لما الأجزاء إللي بتحملها تكتر والسرعه بتاع تحميلك تزيد أكتر.
- إزاي أحمل ملف تورنت؟
*أول حاجه تحمل البرنامج من هنا: http://www.utorrent.com/ مجاني.
دا البرنامج إللي هتستخدمُه في تحميل التورنت، هتستطب البرنامج عادي جداً وبدون كلمات سر ولا أي حاجه..

مفيش أي حاجه إنت عايزه أو تخطُر في بالك بأي جوده مش هتلاقيها في موقع من دول..
*ثالث حاجه هتظهرلك بعد ما تبحث في الموقع عن إللي انت عايزه ملفات كتير جداً، هتختار أنهي واحد؟!.. زي ما عرفنا إنُه كل ما يزيد الـ seeders والـ peers سرعة التحميل بتزيد، فهتختار الملف إللي جنبه أكبر عدد من الإتنين دول عشان تضمن سُرعة التنزيل.. هتفتح اللينك بتاع الملف اللي اخترته هيظهرلك بياناتُه والملفات اللي جوه الملف إيه وحجمها قد إيه وكده.. وهتلاقي فوق كلمة "download torrent" هتضغط عليها فهينزلك ملف صُغير خالص خالص عليه العلامه دي uTorrent هتحمله عادي.
- إزاي أحمل الملف (البرنامج) بتاعي بعد ما حملت ملف التورنت؟
*بعد ما تحمل ملف التورنت إفتحه عادي هتلاقيه إتفتحلك في برنامج التورنت إللي إنت لسه محمله ولو ما فتحش، إختار open with ومنها إختار البرنامج بتاع التورنت.
*هيفتحلك البرنامج وكام اختيار كده منهم المكان اللي عايز تحمله فيه وكمان لو الملف مكون من 5 اجزاء داخليه مثلاً إنت عندك منهم 2 وعايز تلاته بس، هتلاقي في الجمب الملفات اختار منها عادي إللي عايز تحمله والمساحه هتقل طبعاً واضغط ok وسيبه يحمل.
*إفتكر إنك في نفس الوقت بتحمل من ناس وناس تانيه بتحمل منك يعني هيظهرلك upload speed و Download speed .. ممكن جداً تقف على الملف وهو بيحمل وتختار انك تمنع الناس من انها تحمل منك ومش هيحصل حاجه لسرعة تحميلك
*ممكن بعد ما يتم تحميل الملف بتاعك ويتكتب عليه finished تعمله remove من البرنامج
ملحوظه:
- ممكن في أي وقت توقف تحميل الملف وتعيد تشغيله تاني في اي وقت يعجبك وهيستمر التحميل عادي جداً لو حتى بعد سنه ولا إتنين ولا تلاته..
- التحميل ما بيأثرش خالص على الجهاز ولا بيخليه يهنج ولا يوقف ولا الكلام ده وممكن تتصفح النت عادي وهو شغال بيحمل.. ولو عايز تحدد سرعة تحميلك عشان لو محتاج النت برضو ممكن تظبطها من الأوبشنز..

المصدر...
ساعد في نشر والارتقاء بنا عبر مشاركة رأيك في الفيس بوك