طريقة عمل البيتيفور بالصور (خاص مطبخ ترايدنت)

[منتدى ترايدنت]

السلام عليكم ورحمة الله وبركاته

اعضاء وزوار جامعة ترايدنت العربية الجامعة الاولي والأم لتطوير المواقع العربية

اليوم راح اقدم لكم طريقة عمل البيتيفور بالصور وعشان كل ست بيت توفر طبعا كتير وكمان تتعلم لها حاجة جديدة للي مايعرفوش الطريقة


-=-=-=-=-=-=-=-=-=-=-=-=-=-=-=-=-=-=-

أول شئ زي ما تعودنا المقادير :

كيلو الا ربع دقيق او بالتحديد ثلاثة اكواب دقيق كبيرة

عدد 2 بيضة وممكن تزود البيض لحد 4 بيضات لو حبيت

ربع كيلو سكر مطحون

نصف كيلو زبدة او سمنة حسب ما تحب

ملعقة بيكنج بودر كبيرة

ملعقة فانيليا صغيرة

علبة كاكاو صغيرة او مسحوق شيكولاته

-=-=-=-=-=-=-=-=-=-=-=-=-=-=-=-=-=-=-

نيجي بقي علي لزوم الفينش الاخير بتاع البيتيفور والتزويق :

1 علبة مربي صغيرة تين او فراولة زي ما تحب

100 جرام شيكولاتة فارماسيل

50 جرام جوز الهند

-=-=-=-=-=-=-=-=-=-=-=-=-=-=-=-=-=-=-

نبدأ مع بعض الطريقة بالصور :

زي ما احنا شايفين المقادير في الصورة



نبدأ نحط الزبدة او السمنة علي السكر المطحون زي ما احنا شايفين ونجهز المضرب للتقليب



زي ما احنا شايفين بنبدأ نقلب السكر المطحون مع الزبدة عشان يطلع سمك الخلطة كويس



زي ما احنا شايفين التقليب شغال زي الفل



وبردو زي ما احنا شايفين كدا الخلطة الزبدة مع السكر المطحون بدات تاخد الوضع الطبيعي



بعد ما بنوصل للمرحلة دي نبدأ نضيف البيضتين للخلطة بتاعة الزبدة والسكر المطحون



نبدأ نضرب البيض مع الخلطة بتاعتنا عشان يكونو مزيج كويس







ودا الشكل النهائي للخلطة اللي هيا السكر المطحون مع الزبدة والبيض



نبدأ بعد كدا نضيف الدقيق بتاعنا



نبدأ نضرب العجين كويس ومفيش مشكلة لو حبيت تعجن بايدك بدون مضرب



ودا الشكل النهائي لعجينة البيتيفور



ممكن نقسم العجينة بحيث نعمل نصها بالشيكولاته او الكاكاو

نحط 3 ملاعق شيكولاته او كاكاو وزي ما احنا شايفين



نجهز ماكينة البيتفور ونبدأ نصبع البيتفور علي حجم فتحة الماكينة وممكن نعمل صابع سادة وصابع شيكولاته



وزي ما احنا شايفين بدأنا نشكل البيتفور





نفتح الفرن بتاعنا ونبدأ نسخة 10 دقيق ونوطي النار السفلي ونبدأ نرص الصواني بتاعتنا





بعد 8 دقايق نتابع البيتفور وبعدين نبدأ نطلعه من الفرن ودا الشكل النهائي







نبدأ بعد كدا نجيب لزوم التزويق المربي والشيكولاته الفارماسيل ونبدأ ندهن كل وجهين مربي ونلزقهم في بعض ونرش عليهم الشيكولاته وجوز الهند هتلزق في بقايا المربي

ودا الشكل النهائي للتقديم طبعا الكعك عملنا طريقته الموضوع اللي فات







وبكدا انتهينا من طريقة عمل البيتيفور بأسهل الطرق وكل عام وانتم بخير

يرجي عند النقل ذكر المصدر معهد ترايدنت

ساعد في نشر والارتقاء بنا عبر مشاركة رأيك في الفيس بوك