شبكة ربيع الفردوس الاعلى - ماأدري وش يسعدها ؟؟!!

ماأدري وش يسعدها ؟؟!!

أخواني وأخواتي الله يحفظكم جميعاً
أنا اليوم حصل لي موقف الصباح وأثر فيني كثير
اليوم جاني اتصال من الوالدة الله يحفظها الصبح بدري
في وقت حيل مبكر ..
وهذا الوقت بالعادة تكون نايمة الله يحفظها
المهم رديت عليها وانا مستغرب قلت يمكن محتاجة شي الله يحفظها او في شي ، فقالت لي ياولدي انت جيت أمس وشكلك مو عاجبني انت فيك شي ، شكلك بالمرة ماريحني ..
ورغم انها سألتني نفس السؤال أمس وانا في زيارة سريعه لها
طمنتها للمرة الثانية انه مافيني شي ولكني مجهد من العمل وكنت من الصبح لليل مانمت مواصل
و حقيقة انا أمس مرت علي مشكلة كانت فعلاً مضايقتني بس انا ماتكلمت
والمشكلة تقريباً انحلت اليوم
لكن اتصال الوالدة الله يحفظها حسسني وكأني طفل صغير
لدرجة ان عيوني ادمعت
وسألت نفسي وقلت وش كثر انا مقصر معها وعاتبت نفسي
وقلت لازم اني افرحها ،، وودي أي أحد يمر منكم يدعي لها أولاً
وأي أحد عنده فكرة تفرح الامهات يخبرني فيها
حقيقة انا مقصر مهما قلت ولكن قلب الام يبقى دايم أكبر
وحقيقة لاول أمرة أحس اني صغير جداً مجرد طفل لاأكثر ، وأمه قلقانه عليه ومنشغل بالها عليه
وفكرت بيني وبين نفسي انو لازم امنحها من وقتي أكثر وأكثر وأبحث عن كل شيء يسعدها
الله يحفظ لكم أمهاتكم ولايحرمكم منهم يارب ، وأي أحد تطري في باله فكرة لاسعادها لايبخل علي فيها

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: منتدى إجابات - سؤال وجواب

lhH]vd ,a dsu]ih ??!!