مصيبه و انا واهلي في حيره
 

-



السلام عليكم ورحمة الله وبركاته


بدخل فالموضوع على طول ، عندي اخت عمره 10 سنوات و بلغت قبل 6 اشهر و هي
تسع سنوات ف طبيعي تدخل سن المراهقه مبكر .. لكن لا الشكل و لا التصرفات تدل
على انها مراهقه مازالت طففففله في تصرفاتها في هواياتها في كل شي حتى اللعب
و الرسوم للحين تشوفها و طلباتها طلبات اطفال تحب الستيكرات و تحب تلعب مع الاطفال

المهم هي اصغر وحده فالبيت و المدللة عند الكل جدددا لدرجه عندها جوال ايفون و ايباد
مدلعينها ومانحب نقصر عليها بشي او تحس انها ناقصه .. لانها فعلا شخصيتها مكسوره
وتخاف و مصابه بالبهق و نخاف عليها وعلى مشاعرها و حساسه جدا تحس بالنقص لو شافت
شي عند غيرها وهي لا


المصيبه فتشنا جوالها لقينا مليون سناب و محادثات مع شاب اجنبي عمره يمكن 26 ومتزوج
وتقول له انا احبك و انا ماعرفت السعاده الا يوم ضفتك في سنابي و كلام ماينقال مع الاسف 💔
كلام ماتقوله الا وحده بالغه وعمرها 20 سنه و منحرف .. و لقينا لها مع صديقتها اللي نتطمن
اذا جات بيتنا ويلعبون قدامنا لعب اطفااااال .. محادثات تشيب بالراس عايشين الدور انهم مثليات
وحبايب .. و بعد في برنامج ثاني لقينا لها بعد حسابات كثير و تتكلم مع بنت اجنبيه عمرها 17 على اساس
انهم مثليات بعد الكلام ولله يشيب بالراس بكينا كلنا من الصدمه مايبين هذا كله عليها !! ويلقبون انفسهم بالقـ ... بين بعض جد مصدومين

ضربناها وسحبنا كل شي حتى و الكلام الي ماينقال قلناه لها وسبيناها بعد ساعه سامحنا
قطعت قلوبنا و رضينا لكن مارحعنا شي .. المحير ان التصرفات تصرفات طفلللله على هذا كله نست كل شي
ورجعت تلعب حتى مع بنات اخواني صغار و سوالفها سوالف طفله بعمرها لكن اللي بالجوال شي ثاااني
لا يصددددق و المشكله الانجليزي بطلاااقه ماشاء الله و هي ماتعرف تقرا وتكتب بالعربي

كيف نتعامل معها ؟؟ للعلم هي شخصيتها مكسوره مثل ماقلت وتحس محد يحبها واحنا
مانقصر نحبها وزياده بس لان عندي اخوان اكبر منها بسنه و سنتين دايما يتهاوشون معها و
معدمين الشخصيه ماتستقوي الا اذا احنا موجودين ..


نصدق الي قريناه كلام 18+ وفوق ولا نصدق لعبها و كلامها و اسلوبها اسلوب طففللله و ماتعرف تتصنع
هاوشناها وبكت و بعد 4 ساعات لقيناها تلعب 😭 ..




اضغط هنا للذهاب لعنوان موضوعنا...