محتاره جدا تكفون شوروا علي
 

السلام عليكم ورحمة الله وبركاته

انا بنت عمري ٢١ لدي مرض وراثي بكاحل قدمي اسمه شارلوك ماري توث >شد بالاعصاب فقط..وايضا لمى كان عمري ١٦ سنه جاني مرض مزمن بالجهاز الهضمي كامل اسمه كرونز وسبب لي روماتيزيوم والحمد لله على قضاء الله ولم افقد الامل بالشفاء ومتفائله بالله بأن راح تشفى بيوم..سويت عمليه ورحت لكثير مستشفيات بمنطقتي بس رجعت مره ثانيه والمرض الثاني اخذ ادويه ولا ادري إلى متى..

لم يسبق أن خطبني شخص والسبب معروف وكل اهلي جماعتي قالوا هذا الشيء بعقلي بسبب الشد محد راح يتزوجك وعير نظرات الشفقه وكل شيء وكنت ابكي كل مره منهم والسبب خلاني انطوائيه مع اني احب اختلط بالناس الفرفوشه جدا وبصراحه بديت اقلق من هذا الشيء انوا جد راح يجي شخص يخطبني وانا بهذا الحال وكنت ادعي ربي كثير لانوا يرزقني الرجل الصالح والمناسبة....

تقدم لي قبل فتره رجل عمره ٤٢ مطلق له سنه ونصف عنده ولدين واحد ١٠ و الثاني ٥ طلب قبل الخطوبه او اي شيء انه يكلمني مراسله عشان نعرف بعض قبل الموافقه..بصراحه بالبدايه كنت ابي ارفض على طول لانه رجل اكبر مني ب ٢١ سنه ومطلق ومعاه اولاد المهم تواصلنا وخبرني سبب طلاقه بزوجته وانوا كانت ماتسولف معاه ولاتضحك وماتتكلم نهائيا قال كنت احتاج هشيء والحب والحنا بس هيا ماوفرته ليا طول مدة والعشر سنوات .

بصراحه لو اقولكم ماشاء الله رجال بمعنى الكلمه صح شكله واضح كبير شويا بس رياضي ومحافظ على صحته ويصور لي دايم نظامه واهتمامه غير كذا ماشاء الله بار بوالديه لدرجه كبيره وماشفت مثلها ومحترم جدا وطيب وحنون واخلاق بمعنى الكلمه ويفهم المرأه ومراعي واجتماعي ومحافظ على دينه وصلاته ويحب يسولف جدا ومرح ويحب يضحك وروحه مره شبابيه يعني تقريبا شخصيته مثل شخصيتي ..جدا عفوي وفيه اشياء مره جميله

قال لي لو تزوجته باذن الله راح يعالجني بس ترى عيالي راح يعيشوا معانا وحنا راح نربيهم مع بعض وماشاء الله قال لي كل شيء عنهم

انا ارتحت له لشخصيته جدا جدا وحبيتها حسيت ياخذ ويعطي معاي وفاهمني بس من ناحية العمر اشوفه كبير مره عليا بينا ٢١ سنه وغير كذا عنده اولاد واحس بتصير مشاكل معاهم وكيف يتقبلوني بعدين وانا مريضه و و و واشياء كثير مع انوا قال راح نتساعد فيها كلها ..

ودي ارفض امكن ربي يعوضني بالافضل واشفى من الأمراض ويحبني شخص نفس عمري وصفاته حلوه بس بنفس الوقت خايفه اذا رفضت امكن ما الاقي مثله امكن ما اتزوج او تقل فرص زواجي خاصه اني مريضه ومحد قد تقدم لي والرجال يبوا وحده مافيها اي شيء والله اني محتاره جدا صفاته ماتتعوض بس فارق السنن مو مخليني اتقبل ابي احد يشور علي وارتاح للقرار اللي اتخذه* ..

قلت له اعطيني وقت افكر واقرر وبعدين راح ارد لك خبر...
اهلي اغلبهم رافضين عشان فارق السن والاولاد بس قالوا بكيفك هذي حياتك ....
استخرت كثير بس ما حسيت بأي شعور والله يلهمني القرار اللي فيه الخير يارب..

اعتبروني اختكم واتمنى الردود تكون بدون تجريح او شفقه او اي شيء و الله يسعدكم ويحفظكم وشكرا لكم كثير 💕 دعواتكم لأختكم بظهر الغيب




اضغط هنا للذهاب لعنوان موضوعنا...