سنة صعبة
 

السلام عليكم

ما ابي اطول عليكم بالكلام واتمنى منكم نصائح طيبة وانتم الحق ما تقصرون
مرت على سنة صعبة جدا اولها من زواج زوجي نهاية بوفاة اعز شخص على قلبي والدي
زوجي انفصل عن الزوجة الثانية قبل وفاة والدي والحق ما ابي اظلمه وقف معي اثناء مرض والدى عند وفاته
كان متعاون ولطيف ماودي ادخل في تفصيل كثير
بس انا متغيرة من داخلي جدا اتذكر الفترة الصعبة اللى مريت فيها والكلام الجارح من زوجي والمشاكل
والخيارات اللي وضعها لي يوم اقدم على زواجه من امراة غيري وصدمتي لان الكل يعرف مقدار حبه لي
وكيف قدر يجرحتي هو كان بالنسبة لي كل شئ بعد الله كان صديق وحبيب وكان معطيني الامان بأنه ما يخذلني
ولا يكسر قلبي انهزت الثقة فيه لانه عمره ما حسسني انه ممكن يتخلى عني او يتزوج على
الحين يوم اشوفه تعبان مثلا ما ابي احن عليه ما ابي ارجع احبه مثل قبل ما ابي انخذل منه مرة ثانية
ابي اعيش معه بيت واولاد واعطينا نفقتنا واصرف علينا وبس
من الاشياء اللى ودى اقولها كنت اكتب كتاب عن العلاقات الزوجية والمشاكل وفجأة فقدت الايمان بكل شئ كتبته
بدات اقول اني لو نزلت هالكتاب راح اظلم كل من يطلع عليه
ايضا ما ودي اقولكم اني ما قصرت على زوجي فليه يتزوج على ؟
لكن اقولكم اني اكيد قصرت وبعد اهملت واكيد ما في احد كامل
لكن الاكيد اني احب اللى يحبني رغم الغيوب فيني




اضغط هنا للذهاب لعنوان موضوعنا...