التفكير الزائد
 

السلام عليكم

مشكلتي باختصار اني من النوع الي يفكر كتيررررر و بشكل مبالغ فيه
لدرجة متعبة والله ماتخليني انام كل يوم و و يجيني ارق واعصاب و مااكون مرتاحة بالنوم
ولا في يومي العادي كله يسبب لي ضغوط و عصبية

و دايما اندم على كتير اشياء اسويها ليش سويت كده
ليش قلت كده
ليش و ليش وليش !!
رحت فرح ياليت ماسويت كده شكلي ياليت مارقصت ياليت ما ما ما
و اجلس طول الليل افكرررر
واتعوذ من الشيطان و اقول المعوذات و الاذكار عشان انام برضو افكر في اشياء مره تافهه للاسف

نروح بحر كيف لو طاح احد بالبحر ايش حسوي
رحنا شاليه لو احد طاح من الدرج للاسف واشياء زي كده كتير
احاول احسن الظن بالله طبعا و استودع كل الي احبهم لكن التفكير مسيطر عليا
كمان احس ثقتي بنفسي مهزوزه يوم احب شكلي و جسمي يوم اكرهني و ع هالحال 😞😞

اعطوني حل الله يسعدك
طبعا ماااقدر اروح دكتور نفسي ، امنيتي اروح وافضفض لاحد كده يفهمني و يعطيني حل اقدر اعيش مرتاحة
بدون اي ندم

الله يسعدكم و يعطيكم اكثر ماتتمنوا يارب 👍🏼 مشكوررين مقدما




اضغط هنا للذهاب لعنوان موضوعنا...