حس المسؤوليه نساني انوثتي تماما
 

السلام عليكم ورحمة الله وبركاته



انا بنت متزوجه عمري 28 من صغري واهلي معودينا انا واخواتي عالمسؤوليه
واننا دائما نمسك زمام الامور في كل شي واننا نعتمد ع انفسنا
اللي تتوظف فينا راتبها بالمقام الاول راتب شغاله وسواق وصرف ع البيت
وكأن كل وحده فينا هي الاب لهالعائليه .. يعني مو زي البنات راتبها لها
وتدلع نفسها وكذا .. واصلا ولا كان يطري علي هالشيء من قو تركيزي ع مسؤولية
البيت واهلي مع ان الوالد موجود الله يحفظه لكن كذا تربينا
تزوجت ....... وهنا مربط الفرس
تركت الوظيفه وزوجي عنده شخصيه ومسؤول الحمدلله لكني عجزززززت اترك هالطبع
اللي فيني انا اللي اقول نسوي ومانسوي واخطط لليوم وللمصرف
واحيان مااحس ع نفسي اني كني اعامله ك طفل جيب كذا ولا تجيب وروح وتعال
ادري فيه احيان يحس ان رجل معه مو انثى بالذات ان شخصيتي قويه وحاضره
مثال ان رحنا مطعم ان رحنا سوق محل انا افرض نفسي واتكلم واطلب واكاسر بالسعر
زوجي بيّن لي انه ينزعج من هالاسلوب يقول انا مو كمخه واقف جنبك وصرت بعدها اسكت
مر وقت بعدها وتحصل مشكله بيننا ومن بعد مازعلت رجعت لما كنت عليه وللان
انا فعلا بنت ناسية انوثتي فعلا مافيني دلع البنات .. ماهمني الناس همني مع زوجي
ماابغى تفهموني غلط تقولون وش دخل انوثتك الزوج لازم يحس انه ماسك زمان الامور احيان
وانا ماعرفت وعجزت اعطي له مجال .. كيف افعّل انوثتي واكون متوازنه بشخصيتي ومسؤوليتي مع زوجي
فعلا ابغاه يحس انه معه امرأه مو رجل بالذات انه مزعوج من اسلوبي




اضغط هنا للذهاب لعنوان موضوعنا...