ساعدوني
 

السلام عليكم
مو عارفه من وين أبدا ، مشاكل لاتعد ولاتحصى ، الحمدلله
انا متزوجه من 9سنوات وعندي اطفال كانت حياتي طبيعيه وهاديه وزوجي مافي مثله
قام بعمله ووجباته وحتى الحياه المرفهه وانا كنت انسانه الاقرب الى الساذجه والخوف دايما يسيطر علي
وكل شي اشوف صح وماشي وعادي ومثاليه ماابغى زعل ومشاكل حتى لو زعلت دقيقه وارضى بدات الاحداث تتغير في حياتي من بدا تغير زوجي رغم انه يحبني وطيب معي وانا كذلك ، لكن المفروض كنت اتوقع من اي شخص الغلط لانه نحنا بشر والكمال لله تعلقت فيه اكثر من الحب واحسب انها هي كذا الحياه عندي الحاسه السادسه وعشان دايما سوا اعرف اي حركه واي تغير منه لاحظت عليه لخبطه وشكيت فيه امر واكتشفت انه يخونني وهنا الصدمه كنت بروح فيها كنت اشوف انه ملاك طبعا واجههة ونكر وقال توسوسي ولكن رجعت شفت شي وواجهته خلاص وصار يبكي ويبوس رجلي واموت نفسي لو زعلتي ورحتي لااهلك واواو الاعذار السبب ايش للخيانه وانا مو مقصره معاك بشي حب واهتمام وطبخ وحياه الا الفراغه طبعا ورجعت وسامحته لكن الثقه انهزت بس لسه احبه وقلت المسامح كريم ومشيت الحياه بعد خمسه شهور نمت صحيت قال بتزوج واسافر معاها واخيرا لقيت حب عمري ههههه وانا البارح لسه نضحك ونمزح وين لقيت حب عمرك طبعا انهرت وتعبت ومو مصدقه لكن هالمره مااعتذر بالعكس صامل ومعصب وحرام عليكي تحرميني حب عمري اهم شي لاتطلبي الطلاق قلت مستحيل اجلس معاك صبرت وسكتت وماقلت لااهلي قلت مااضحي ببيتي عشان علاقات عابره وبفكر بهدو ومااقوم عن السجاده ومالي غير االله الحق اهله وفقو معي وزعلو منه وقاطعوه وقالو منت ولدنا وامه بعد كانت معي جزاها الله خير بس العلاقه بينا بدات تبرد وفجاءه حسيت نفسي كبرت واتغيرت ومصلحتي فوق لي اعتبار ايش الفايده لو انجلطت وهوا طايح حب وعشق مع الايام بديت اعوفه طبعا رجع ههههه واعتذر وسامحيني وهذا مو طريقي الشيطان ، ماسامحته ولا قلت مسامح الين بعد سنه كل مرا جايب لي احد يتوسط قلت عشان عيالي وبناتي وصغار مره ويحتاجو ابوهم ، رجعنا وفعلاا صرت باااااارده معاه مااحس اتجاهه شي يتعب ويمرض ماعاد اني زي اول ولا يعني لي فجاء ترك الداوم خلصنا مرحلة الخيانات جينا في الدوام هههه لا ماابغى اشتغل ولا اروح ولا اجي ومنسدح عندي اربعه وعشرين ساعه في وجههي تعبت تعبت تعب منه وبدات المنقارات كيف ماتشتغل كيف نصرف كيف الحياه تمشي طبعا وضعي المادي اترااجع خلص ورث ابوه وجلسنا ع الحديده ويقول رزق من الله الي يجي اما اتوظف لا ويبغا حقوقه الزوجيه وطفح وبلع وحبيني واحبك وابغا عراطف وحنان وعاطفه ، عاطفة مين؟؟؟ وانت في خلقتي ليل نهار الفاظه تغيرت سوقيه اصحبت من رجل محترم ومؤدب اصبح مستهتر كثير لاانتقادات اتكالي ذبحنا بالسلف والديون وفوقها يقول تعبي وعرق جبيني وين عرق جبينك كله من الحكومه حساب المواطن ولا يتسلف حرفيا ماعاد اشوف رجال وقائد البيت كبدي انذبلت منه خلاص ماعاد اطيق وجهه وصار خلاف كبير ولا اول مره في حياتي الم عفشي واروح عند اهلي وخلاص اعلن الحرب وطلبت الطلاق ماهي عيشه لا ادب ولا احترام ولا ماده ولا احساس بس تعب اعصاب ع الفاضي ، ورحت عند اهلي كم شهر وطلقني بطلعو الروح بكى ومناحهه واحبها وبموت واحلام ورده وهدايا وبرجع اتوظف والحياه تمام وتوبه من السب ولا موأخده بدا يطلب مني وقت الحق الشرعي اشياء مقززه وخارجه عن المؤلوف وانا مااحب كذا ابدا وف بعضها حرام وكل مرا في حقه الشرعي كل بكى بس ابكي الين نفسيتي صفر بالعربي مو مستفيده شي منه ابدا غير الغثى ، وجلست الين قبل العده بيومين وعمي قال اخر فرصه مدام لا يضربك ولا ولا طبعا هم مايعرفون الامور الخاصه وانا من سابع المستحيلات اقولها واخدش الحيا ابدا وكاتمه في قلبي ، وساتره عليه ، بعدها رجعت واتوظف كم اسبوع وحاليا بطل الالفاظ لكن هي هي منسدح عندي واتكالي ولا وظيفه لا احتجنا شي اصبري ادبر صراحه راجعه مغصوووبه اول يومين تمام وبعدين عايفه مو قادره والله احاول حتى لو اتعدل عايفه موبيدي الكره وصراحه امنعه من حقه بااعذار لاني مو طايقه مو طايقه ابداااااااا ،الان حتى او اتوظف وزانت الحال ذا الموضوع جايب لي قرف وماعاد احب اسهر معاه زي قبل واسولف معاه اطلع فيه واقول في قلبي ليش انا هنا ليش اضيع نفسي مع شخص مو مناسب وحياه مو لايقه علي تعبت معاه سنوات كثيره وانا كل ذا الكلام ولسه مااااقلت ايش سوا انسان مريض ابدا مو مبسوطه معاه اابغا اي عذر عشان نتزاعل لانه مو قليل الي سوا فيني وقلت الحيا والفضائح الان مستغرب اني صرت قويه واقول لا وازعل وماعاد يهمني شي فترة الانفصال كنت جدا مرتاحه وسعيده ع فكره هوا طول الوقت يبغاني جالسه عنده مااتحرك ظاغطني جدا ومافي نفس لي ولا لوقتي والان لما سويت لي وقت مع نفسي زعلان سامحوني طولت لكن والله بعد مااقلت الا عندي كله صبرررري صبر عظيم واكبر غلط الكبت الحين انفجرت مااعاد طايقته لو يجيب نجوم السما لاني كنت اكبت وماازعل




اضغط هنا للذهاب لعنوان موضوعنا...