تعقيب للمره الثانية طلبت الانفصال فى فترة الملكة
 

السلام عليكم ورحمة الله وبركاته،
انا صاحبة هذا الموضوع:
http://forum.z4ar.com/f116/t542220.html


بعد الانفصال تعبت ونحفت واجد (نزلت 7 كج وانا والله ما وزني ما يتغير طول عمري) وأثر الانفصال على حياتي الاجتماعية والدراسية وجلست ادعي ربي اذا كان خير يجيبه واذا شر يصرفه.

الحاصل ان بعد انفصالنا كلنا نحب بعض وحنّينا وكان فيه شكل من اشكال المراقبة الصامتة على الواتس اب، (بعد ما ادخل بدقيقة يطلع ثم لما يرجع اطلع بعده بدقيقه) وهذا الشيء تكرر اكثر من مره على فترات مختلفه. مراقبة صامتة وتفاعل من الطرفين بدون تواصل بالكلام.

الشيء الثاني هو أني شبه متأكده أنه خاطب وحده من الجماعة وتمت الرؤيا الشرعية ووافقوا عليه أهل البنت ولكن ما ملكوا، لما عرفت بخطبته حاولت معد اراقبه ولكنه لازال مستمر في المراقبة الصامتة لوقت دخولي وخروجي، وهالشيء يعطيني امل انا احاول اتخلص منه.

مع العلم ان اول من بدأ هذي المراقبة هي أنا بعد انفصالنا وتفاعل معي، ثم بعد خطبته بدأها هو وتفاعلت معه.

اللي أبي استشيركم فيه ان عندي ثلاث خيارات..
١. هل مفروض أعطيه بلوك؟
٢. أو اخلي الموضوع زي ماهو واخليه ومراقبته الصامته يمكن يكون فيه أمل اننا نرجع لبعض؟
٣. او هل مفروض بما أني اتمنى في مكان ما من قلبي نرجع لبعض وبحكم اني اللي طلبت الانفصال اتواصل اول؟ او مفروض الرجال يتواصل اول؟ مع العلم انه طلقني خلاص ورجعنا المهر وانتهى كل شيء بيننا. فما ادري ليه كلنا مستمرين في هذي المراقبة المتعبه. افكر جديًا اني اصارحه اننا نوقف هذي المراقبة او نحل اللي بينا واسوي نفسي ما اعرف عن خطبته.

وشكرا لكم، ربي يفرج همومكم ويكشف كروبكم..




اضغط هنا للذهاب لعنوان موضوعنا...