حواجز بيني وبين خطيبي
 

السلام عليكم ورحمة الله وبركاته
انا في حيره من امري ومو عارفه كيف ممكن اساعد نفسي
انا عقدت قراني قبل فتره تقريبا عشرين يوم
مشكلتي هي ان خطيبي يوم الملكه كان خجول جدا ومتوتر جداا وانا نفس الشي
ف ماصار بيننا اي نقاش غير انه تكلم عن دوامه ، اخذ رقمي وبدأ يراسلني والمحادثات كانت رسميه جدا
وواضح جدا خجلي وخجله تقدم هو خطوه واستأذني انه يتصل علي ظلينا نتكلم تقريبا لمدة ساعه الا ربع
والنقاش كان جدا سطحي وخفيف ( مع العلم اني كنت انا اللي ماسكه زمام الامور واحرص انو ماتطول لحظات الصمت بيننا ) وحدثت بعدها مكالمه ثانيه وكانت نفس الشي وقت قصير وحوار شبه رسمي
بعدها استمرت محادثاتنا كتابيه وبدينا نموت على بعض شوي بعد عشر ايام تقريبا سوينا حفلة الشبكه وجلسنا مع بعض وكان جدا ملهوف علي وسمعني احلى الكلمات كأنه شخص اخر غير اللي كنت اتواصل معه
انا متضايقه جدا ان مافي بيننا تواصل صوتي احس في حاجز لسا مانكسر بسبب ان مافي مكالمات مع العلم ان احنا نتراسل طول اليوم تقريبا ، لطيف جدا معي يكتب لي كلمات حلوه ولكن لسا ماحس اني اندمجت معه هل انا عجوله ؟
سؤالي هنا هل انا مستعجله على علاقتنا وابيها تتطور بسرعه ؟ المطلوب مني انتظر واصبر عليه شوي ؟
هل اقدر اطلب منه انه يكلمني بحجة اني ابي أألف صوته واسمع صوته ؟ ولا تطلع مو حلوه مني؟
ايش النقاشات والمواضيع اللي ممكن اطرحها وتخدمني ف بناء روابط مابيننا؟
احس اني مو عارفه افتح موضوع معه سوا الحديث عن يومياتنا فقططط




اضغط هنا للذهاب لعنوان موضوعنا...