قلقة جدًا من مصيري مع زوجي رغم اني ماتزوجت فعليًا
 

السلام عليكم
خلونا نتفق اني فاقده ثقتي بنفسي بشكل كامل وسنين احاول ارجعها بس ماقدرت
شغلي الشاغل كيف اني اطلع بيرفكت بكل الجوانب نفسيًا وصحيًا وجسديًا وشكليًا وحتى بالشخصية
وتمكنت امام الناس من اخفاء كثيير من قلة ثقتي وعدم تقديري لنفسي
ببداية الخطوبة وبعد الملكة توقعت او ظنيت ان زوجي مثل اي شخص حولي
لكن اكتشفت مع الوقت ان زوجي انسان دقيق تفضيلي ومحترم والامانة عنده عالية
خلوق لدرجة مميته وجميل واجتماعي وذا كاريزما عالية جدًا ولائق اجتماعيًا وثقافيًا
بالمختصر انسان رائع حتى الجوانب السلبية فيه تُغفر صراحة
انا الحين بديت احس بشعور مختلف معاه وهو انه مايستاهلني
ليه حسيت بكل هذا؟
1- فشلت فشل ذريع بدراستي لاني مريت بمرحلة اكتئاب عالجت فيها نفسي
2- احس بعدم تقدير ذاتي بشكل مفرط خاصة اذا شفت بنات عندهم شخصيات متميزة




بشرتي ناعمة جدًا ومايحتاج احد يقولي + مهتمة كثير بريحتي لاني نفسيًا ما ارتاح الا بعد ما اكون بيرفكت لكن عندي سمار في بعض مناطق الجسم
و ما احب اكون اقل من توقعه ما احب اكون ناقصه بعينه
ما احب يلاحظ هالشيء فيني، لحد يقولي سوي وحطي انا وحده مجنونة عناية ولي بهالمجال 9 سنين وعارفة البير وغطاه
بس هذا جسمي وهذا الي وصلت له بعد كل هالاهتمام


صدق شلون اسوي نفسي انه عادي قدامه
كيف اخليه يذوب رغم العيوب الي موبيدي اغيرها حتى مايهون علي اسميها عيوب):
مره ما احب احد يقارني بغيري ويقول فلانه وعلانه
ساعدوني شسوي
وتكفون لحد يقولي استخدمي وحطي لان قسم بالله العظيم لو كل الي سويته يفيد كان شفتوا جسمي يلق من بياضه وجربت الطبي وغير الطبي

يالله مابي انكسر قدامه
ممكن تنزلونه لان صدق اعاني واعيش فترة اكتئاب حاده
واذا ممكن الرجال الي هنا يساعدوني بنصايح او كلام او حتى مواضيع تخليه متمسك فيني




اضغط هنا للذهاب لعنوان موضوعنا...