كيف نطلع أخوي من حزنه ؟
 

السلام عليكم ورحمة وبركاته

انا شاب عندي اخوي الكبير عمره ٣٦ سنة حاليا
يوم كان عمره ٢٣ خطب وحده من قرايبنا و شرط عليهم يكون الزواج بعد سنتين
هو كان معجب بالبنت من يوم كانوا صغار و خطبها حجز لانه كان توه متوظف و يبي يكون نفسه

طبعا بعد سنة بالضبط ابو البنت قاله يا وليدي يا اعرس الحين أو الله يستر عليك
اخوي جاء زعلان وكلم ابوي عشان عشان يساعده للعرس وابوي الله يرحمه اصلا كان على قد حاله
يعني يالله قايم بالبيت فقال لأخوي دامك شرط عليهم ووافقوا من البداية
اما يصير رجال ويلتزم أو الله يستر عليهم و شروط الرياجيل تلزمهم
بعدها ابوي كلم ابو البنت وقاله نفس الكلام و فسخوا الخطوبه على زعل


طبعا البنت الله ستر عليها وتزوجت بعدها بكم شهر
اخوي هنا حرفيا انهبل و انصدم صدمة عمره
وطلع استأجر سكن الوحده و صار ماعاد يمرنا الا مره بالأسبوع
طول وقته حزين و مكتئب ورفض يتزوج من وقتها برغم كل محاولات الأهل و القرايب
لازال من وقتها ملخبط و يحاول يخفي حزنه
وهو حاليا موظف راتبه حول ٢٠ الف بس يحب يصرف مبلغ من راتبه للفقراء والأيام
و رافض يتزوج و معيش نفسه في دوامة حزن

حنا الحين نبي إي طريقة نقنعه يلحق على ما بقى من عمره
و يتزوج حاله حال الناس بس مو راضي يقتنع
احس كأنه في شي في مخه قفّل مع انه ذكي جدا حامل شهادة ماجستير
هذا هو الوضع
اتمنى اسمع ارائكم من خبراتكم بالحياة

يعطيكم العافيه




اضغط هنا للذهاب لعنوان موضوعنا...