مليت من الجفاف العاطفي ايش الحل
 

السلام عليكم

انا زوجة اولى ام العيال
انا اعاني جفاف عاطفي او موت عاطفي بالاصح مع زوجي
من عدم اهتمامه وغير مبالاه و شح بالكلام ولا يتهم باموري
من ايام الملكه الكلمه الوحيده اللي قالها احبك و وقتها قلت بنفسي امس تو ملكنا كيف كذا مشي مشي مندفع
وبعدها ماعاد سمعت شي الا بالفراش اذا خلص وشبع جلس وكمل مقاطع ع جواله
طوال الوقت اما يلعب او يوتيوب مسلسلات افلام لما اقوله نشوفها مع بعض وكذا يقول لا لا مايصلح طريقتي افتح كل شوي جديد
اقوله كلام كثير و منوع مو طوال الوقت نفس العبارات
الجوال ارسل له مايرد الا فيه شي بغيتوا شي
لما ادق عليه ع طول خير في شي اقوله اشتقت اسمع صوتك مايصير يعني بغنج يقولي اذا في شي ارسليه واتس ماني فاضي
لا احد يقول نشبتي له مو نشبه مو طوال اليوم ارسل وادق

جلست معه وقلت له كيت وكيت واحتاج كيت وكيت هز راسه باستخفاف تمنيت اني مت ولا شحدته
اهتم بنفسي ومتنوعه بكل شي ما احب الروتين و اهتم بادق التفاصيل في بيتي
بعد فتره تزوج علي قلت نفسي مع السلامه من قهر مافي حسوفه
واحد بس ياكل ويشرب و ينام صح انقهرت ع حالي بس ماعندي امكانيه انفصل
بعد زواجه اشوفه طاير فيها صرت اشوف جواله لما ينام
لقيته يرسل كل شي كنت ارسله له حتى في كلمات من خواطري نسخ لصق عندها
والله ختنقت بكيت ليه كذا معي انا من حقي بعد احس بهالاحاسيس

كثير افكر اتعرف ع احد بس يشبع عاطفتي يحسسني بجودي بحياته
لما يسافر ما يرد علي و لا يرد ع رسائلي الا بعد 3 او 4 ايام ناقصكم شي

لا تقولون هذي شخصيته لا اشوفه لطيف مع خواته و بنات خواته حتى مع البائعات بالسوق مره وااو جنتل مان
وقبل لا يتزوج سمعته يكمل صديقه عريس جديد ويعطيه نصائح بالاهتمام و الحب
وين يروحون ويجون و الخ اقول بنفسي ليه انت ما تطبق طيب
كثير افكر ليه ما استاهل حتى الهدايا مايجب لي الا ام 200 ريال لما تصير لاحد من اهله اقل شي 1000 ويرفقها بكلمة تستاهل اكثر والله
على فكره ايام الملكة خواته اللي شارين لي الهدايا و بعد الملكه ماكلف ع نفسه يجي يزورني حتى لما قلت له حفلة تخرجي قالي ماله داعي اقعدي لا تروحين قلت لا بروح قال كلام فاضي حتى كلمة مبروك ماقالها
الحين قريباته لما يتخرجون يقولي هاه نسوي لها حفله تستاهل فرحه قلت بمزح يوم انك تعرف بالسوالف وراه ماسويت لي حفله يوم تخرجت قال انتي وين وهم وين قلت وش قصدك قال اقصد انهم بنات صغيرات قلت كنت بعمرهم وش فرق ماكنت ختياره ضحك بطريقه مستزفه ومشى
هالكلام حكيته عشان ماحد يقول مايعرف لا يعرف خرق وبرق

كلام حبي نفسك وحبي عيالك واهلك وحبي صديقاتك و وحبي وحبي من هالناحيه تمام
بس في حب الشريك يظل ناقص يناس بعد ماشفت جواله صرت صنم ع الفراش
لانه كلامه لي بس وقتي مجامله عشان اتفاعل معه

كيف اسد هالفراغ العاطفي لاني صرت اتخيل بعض الاحيان
لما اشوف تفاعل الناس معي بتوتير خواطري و كلماتي يااااه بتوجع كثييير

انا عندي 3 اطفال
عمري 33 وزوجي ع مشارف الاربعين زوجة الثانيه اكبر منه بسنتين




اضغط هنا للذهاب لعنوان موضوعنا...