غيرتي من حياة اختي و زوجها
 

السلام عليكم و رحمة الله قبل ما ابدأ موضوعي بقولكم اني ادري اني غلطانه و ادري ان تفكيري خاطئ بس هالشيء غصب عني و احتاج احد يدلني و يعلمني كيف اتعدل
قبل سنه تقريبًا انخطبت من قريب لي و ردينا بالموافقه المبدئية حتى قبل الشوفة و ما كان في اي شيء رسمي المهم بعد ما انخطبت بكم يوم جاء خطيب ثاني و طبعا كان افضل من قريبي من جميييييع النواحي ماديًا و اخلاقيًا و سمعته رائعة على عكس خطيبي اللي شبه مجهول بالنسبه لنا مع انه قريب لي بس كل حياته بعدين عن اهله المهم قال ابوي البنت مخطوبه بس اختها موجودة و قالوا بنرد لك خبر و فعلا تم الموضوع و خطب اختي و وقتها حسيت بشوي غيره بس قلت ممكن زوجي يكون انسان كويس و ينسيني مزايا خطيب اختي ..الخ بس اللي صار ان زوجي طلع انسان سيييء بمعنى الكلمة من جميع النواحي و عنده ماضي سيء سيء سيء الى ابعد درجة و بخيل و سليط اللسان و يعاملني معاملة الجارية عشت معاه حياه ما اتمناها لأعدائي و طبعا العكس تماااما مع اختي و زوجها ما شاء الله الله لا يغير عليهم ، احبها و احسها تستاهل كل خير بس و الله العظيم ان قلبي يتقطع حسره و الم كل مره تحكي لي عن زوجها بعفوية و اشياء تشوفها طبيعية جدا و ما تقصد ابدا انها تتفاخر بهالشيء و اجلس لا شعوريا اقارن بين زوجي و زوجها و احيانا اعيش الخيال و فكرة لو ان زوجي تأخر كم يوم و تزوجت زوجها كيف راح سعيييده معاه لانه فعلا فعلا انسان مثالي و شايل اختي من على برد الارض ، السؤال هنا كيف اترك المقارانات ؟ كيف ارضى بالواقع المر ؟ و كيف اوصل لاختي معلومة ان لا تتكلمين عن زوجك قدامي خاصة انها تعرف ان مشاكل زوجي ما تنتهي ! كيف اصل للقناعة يا ناس تعبت تعببببت من المقارنه اللي ينتهي فيها الوضع للبكاء بالساعات على حظي السيء و الله اني تعبانه نفسيًا قولوا لي وش اسوي !




اضغط هنا للذهاب لعنوان موضوعنا...