أنتحرت زينب

[مزامير ال داود]

بسم الله والحمد لله والصلاة والسلام على رسول الله,,

الأخوة والأخوات فى الله العظيم ,,تحية طيبة ,وبعد,,

يعلم الله تعالى بكم الحزن الذى يملئ القلب ,,ووالله أن الهم لمهلك وأن الحزن للقلب لمفطر,,,

زينب فتاة مسلمة متدينة صاحبة وجه بريء فى العقد العشرين ,,

أمتلأت صفحات الصحف ومواقع التواصل اليوم بخبر أنتحارها,,

ملابسات كثيرة وأخبار وأشاعات متعددة واسماء لرجال سياسة ولغط,,,,,,,,,ألخ.

الخطير فى الموضوع هو علاقة الألحاد والملحدين بأنتحار الفتاة,,

أنقل لحضراتكم كلمات لأصدقاء مقربون منها ,,,أهم ما جاء فى كلامهم ما أجمعوا عليه من أفتراس الملحدون لها ولعقلها ولعقيدتها فى فترة ضعف

نفسى أصابتها,,



فقال أحدهم معبرا عن شعوره بالذنب تجاهها: "أنا أحد المذنبين فى انتحار زينب، الله يرحمها كانت صديقة أختى وصديقة الأسرة وبتحبنا جدا.. حتى بعد ما خلعت الحجاب وبدأت تتحول كنا على تواصل معاها.... وبعد فترة لقيتها بتقول كلام غريب وأفكار سيئة جدا.. ببساطة عملتلها ريموف ومسحت رقم موبايلها.. ريحت دماغى وقولت أهى شوية وحتتهد كعادتها طول عمرها مجادلة وشقية.. للأسف مش ده اللى حصل وكانت تعبانة ومحتاجة حد معاها وجنبها يساعدها ويقاوم السموم اللى بيبخها فى دماغها شوية الملحدين اللى أتلموا عليها.. ربنا يغفر لك يا زينب".

وها هو صديق آخر يروى القصة ويضع يده على المشكلة وهى أن الشباب المتدين من أقرانها تركها فريسة سهلة لأفتراس الملحدين,,

حياة زينب كانت متدمرة علي كل الأصعدة .. نفسيا وماديا ومعنويا .. الحلم والمستقبل كان قدامها مقفول من كل ناحية .. فيه حاجات كتير ما ينفعش تتحكي وبتفضل سر مع صاحبها وبتموت معاه..
ْ
بعتت ليا ولغيري السيرة الذاتية (السي في) بتاعها كذا مرة عشان نشوف لها أي شغل .. كانت عايشة لوحدها ووراها إيجار ومصاريف شخصية لازم تغطيها..
ْ
سألتني في أمور دينية كتير وأنا كنت بأقولها ما أعرفش .. كنت فعلا ما أعرفش .. والله كنت بأروح أسأل علي إجابات لأسئلتها .. بس هما كمان كانوا ما يعرفوش!
ْ
اشتكت من ردة فعل أصحابها لما خلعت الحجاب .. اشتكت لي من كلمة كافرة اللي اتقالت لها مليون مرة مع كل صورة كانت بتنزلها لنفسها .. كانت بتقول عن حاجات كتير إنها مش مقتنعة بيها .. كانت بتقولي عايزة أقتنع .. مش مقتنعة!
ْ
قالت لي مرة إنها نفسها تحضر درس ديني زي زمان مع صاحبتها .. بس هما مش هيقبلوها خلاص من بعد ما خلعت الحجاب .. دول بطلوا يسألوا عليها .. يبقي هيقبلوا بيها وسطهم!؟
ْ
لما يأست إنها تلاقي عندنا إحابات علي اسئلتها .. اختفت .. وإحنا ما حاولناش نسأل عليها..

ْ
آخر مرة بعت لها رسالة أسألها: إنتي مختفية ليه؟ .. قالت لي: عايزة انتحر .. قعدت اتريق عليها .. قالت لي: بجد عايزة انتحر .. فكرتها بتهزر..
ْ
ما كانتش بتهزر!
ْ
أنا عمري ما بكيت زي النهاردة..
ْ
نفسي بس الزمن يرجع خمس ساعات لورا .. والله ما كنا هنسيبها
ْْ
حاولوا تكونوا علي قدر اللحظة .. اتقوا ربنا في كل كلمة بتقولوها..
ْ
ما تسيبوش أصحابكم ومعارفكم .. لما يبعدوا عنكم ويتلم عليهم الكفرة والملحدين ,دوروا عليهم .. خليكم جنبهم .. ساعدوهم لحد ما يوصلوا لبر الأمان.


***الأخوة والأخوات فى الله ,,والله أن الجميع لمسؤول عنها وعن غيرها من فتيات وفتيان شغلنا جميعا عن أحتواءهم فى مراحل خطيرة من أعمارهم وأعمارهن,,وفى زمان

تتكاتف وتتلاحم فيه قوى الشر والضلال للفتك بعقيدة شبابنا أو بالأحرى بالفتك بمستقبل أمتنا,,,

*****وليعلم كل منا أيا ما كان عمره ووظيفته ومكانه أنه مسؤول مسؤولية فرض العين أن يستميت دفاعا عن شباب الأمة الذين هم مستقبلها ,,

والله المستعان,

المصدر: منتديات مزامير آل داوُد - الركن: الـــــركـــــن الــعـــــــام

ساعد في نشر والارتقاء بنا عبر مشاركة رأيك في الفيس بوك