السلام عليكم و رحمة الله و بركاته
عندي مشكله ممكن تعتبرونها صغيره لكن اثرها موجود في حياتنا بشكل سيء أقل شي ممكن تخرب الجو علينا ليوم كامل
السالفه عندي اخت زوجي من بداية زواجنا كنت الاحظها متقلبه المزاج معي و كنت اطنش
فجأه مبسوطه وفجأه غضبانه علي و ما تبغى تجي تسلم
يعني تروح و تجي في البيت و تمر من امامي بالغرفه اللي اجلس بها و لا تكلف نفسها قول السلام عليكم حتى لو من بعيد حتى لو اشارة باليد
و هذا الفعل استنكره جداً لسببين اني ماعمري غلطت معها و الثاني اني مستحيل يجي بيتنا شخص و اظهر امامه اذا كنت مالي رغبة بالسلام عليهم او مقابلتهم فأعتزل في غرفتي الين يروحون و خلاص
لكن بهذه البجاحة اظهر امامهم و اسولف مع باقي العايله ف مستحيل أسويها او احد من عائلتي يرضون اسويها و ممكن الجميع يقلب علي و يتهمونني بقلة الحياء و الغضب مني وممكن اسمع عليها تهزيء
اني المفروض اسلم و امشي لو كنت ما ابغا الجلوس
ثم فجأه تصير عاديه معاي و لكن غيرتها على اخوها غيره ما تستطيع تخفيها يعني لو مثلاً شافته عطاني اكل على السفره قالت له سلامات هي تعرف تآكل ؟ او سلامات وش فيك صاير كذا ؟ او أي شي فيه استنكار و انزعاج من تعامله معي برغم انها تصرفات جدا عاديه و تحصل بين كل العايله
احيانا أمها تسكتها و احيانا البنت ما تقدر تصيطر على نفسها
و مع الشهور و دخلنا في سنين صارت تعتزل الجلوس معنا وواضح كأنها تكرهنا الله اعلم
و طبعها عنيد جداً و من النوع اللي اي شخص يزعلها بالبيت تقاطعه لشهور حتى على ابوها
حاليا من فتره صارت مع زوجي مشكله ما اعرفها و لا سألته فقط اخبرني انهم متزاعلين
ولاحظتها مقاطعته الان 4 شهور ماتسلم و لا تجلس بمكان هو موجود فيه برغم انه يوميا يزورهم
و قاطعتني معه بلاسبب مني ولا حتى أسأل عنها نهائياً من يوم عرفوني لأني شكيت وقلبي قرصني منها
الان اللي صاير اهلي زارونا لمدينتنا و ابوي يصير عمهم احنا اقارب
هالبنت ما خرجت لنا نهائياً و لا جات تسلم على ابوي مثل البقية ولا حتى اهلي عند النساء
سألت امها عنها قالت مدري وش فيها قلت لها من الحق ان تسلم على ابوي عمها ويسأل عنها قالت عندك ناس ما تعرف الحق تقصد بنتها ف سكتت
ثم بعدها سألت زوجي عنها لأن ابوي بيسلم عليها يعتبرها بنته قالي يمكن نايمه و انا شايفتها دوبها حاطه سناب فقلت له قالي كلن ذنبه على جنبه ما ادري عنها ف قفلت الموضوع و غيرته
و بصراحه اخذت بخاطري على عمي و عمتي كيف ما يطلبونها للسلام على ابوي خصوصا لأنه واجب عليها وجاي من سفر مو دايم يزورنا
مستغربه من هالبنت و كنت اشك فيها تحرض زوجي علي و كانت يجن جنونها لو تأخر في شيء او مشوار عشاني يكون مضطر اساساً
وعلى طول تعمل له مشكله وتهزيء ان اهلك الأحق و الأولى برغم انه ماشاء الله بار فيهم و يحاول بكل طاقته ما يزعلهم في شيء حتى على حساب صحته لدرجه ارحمه ويزورهم يوميا حتى ما يدخلهم الشك ناحية محبته لهم ويوميا يثبت لهم نفسه
حتى نفسيته تصير دماااار لو سمع منهم انتقاد واحد
اذكر موقف حصل اخذ امه لنفس دكتورة اسناني وتألمت امه من بعدها فعملت له اخته مشكله طويله انك بخيل على امك المفروض عند افضل دكتور بالدنيا والمسكين قالهم والله نفس دكتورة زوجتي وامورها تمام فأنجن جنونها شكلك تكذب علينا و لازم توديها افضل مكان وبسببكم امي تتألم
هالبنت الله يهديها مدري كيف اتجنب اذاها
و بعض الحركات مستفزه احيانا ما ارضى على كرامتي
و اساسا انا قليل جدا كلام معها ف ما ادري وش الحل
ايضا حصل مواقف قليله كانت تمدح جمال بعض النساء و اخلاقهم و ذوقهم و تصرفاتهم امام زوجي و ما اعرف وش الهدف و احيانا أمها معها و احيانا معي و لكن بالغالب امها تكره المشاكل
ذكرت لكم بعض المواقف معها و البقيه مشابهه لها بالضبط مع اختلاف الظروف
برغم انه ماقد حصل بيننا اي نقاش مباشر بس حاطه حيلها على اخوها دق بالكلام قدامي و تصرفها معي بس موضوع عدم السلام معي لكني خايفه ان شرها اكبر من كذا من وراي والله المستعان .
l]vd ;dt hj[kf avih fvyl ;g lph,ghjd
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك
« آخـــر الــمــواضــيــع »
مدري كيف اتجنب شرها برغم كل محاولاتي
العرض العادي
