08-23-2020, 04:03 AM
|
مدير عام
|
|
تاريخ التسجيل: Aug 2012
المشاركات: 348,208
|
|
قلبي مكسور وحزينة
صابرة معه وتحملت معه قسوة الظروف 14سنة مرت من عمري وجبت عيال الله يحفظهم...
فجأة قال لي :-
احب كل الناس الا انتي
ابي اطلع كله مقابلك في البيت
انتي السبب في قطع رزقي
واذا كلمته جوال يصرخ علي
واذا بادرت معه يصدني
ترك وظيفته بسبب تاخر نزول الرواتب وصار يشتغل سواق ..
صار كنه واحد ثاني أتوحش منه وأحس بغربة ووحدة فظيعة وانا في بيتي وفراغ عاطفي كبير
طاح من عيني احس بكسرة في نفسي ...انا شسويت ..ليه يصير معي كذا ..
بعد العيد ثاني العيد بالتحديد جو متكهرب وانا ماني عارفة السبب !!! أعصابي تعبانة ومصدومة !!!
قمت اشغل قران سورة البقرة قال لي سكري القران واسمعي
إمساك بمعروف او تسريح باحسان وانتي فكري
قلت له انا ابي احافظ على بيتي ..قال لي شوفي شغلك ..
طيب كان الجو عادي من قبل شاللي صار ؟!
وانا خفت قلت له ليه وقام يقول البيت فيه وفيه .... وانا اخاف على صحتي.. وانتي ...وقام ينتقد ... هو من فترة الحجر وهو فيه وسواس بزيادة يعقم كل شي ويغسل ..
طيب كان وقتها مابعد تجيلي الدورة وكنت تعبانة .. وجات الدورة زاد الوضع سوء وتعبت نفسيتي اكثر ..
انا في حالة صدمة من كلامه ..
ماتحملت الوضع المفاجئ ...
ومن بعدها صاير جو البيت هدوء وتوتر وقلق ..
انا مابي اتطلق لان خايفة على نفسي وعيالي
هو فيه حالة تهور فجأة احس كن عقله موب معه
مدري الفتن والإغراءات بسبب اللي يركبون معه هي السبب ..
طيب شذنبي وانا صابرة معه يبهدلني كذا ..
كل ماتذكرت كلامه وتصرفاته احس بجرح كبير
احس بذل و اهانه الحمدلله أصلي واقرا قران ودعاء
بس قلبي يعورني المفروض يعتذر مني وهو يكابر كنه ماسوى شي عينه قويه متبلد مايحس اناني
ابي افهم ليه هو يسوي كذا ؟!
rgfd l;s,v ,p.dkm
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|