السلام عليكم ورحمة الله وبركاته
ابي اخذ شوركم
أخوي مريض كلى من الولاده عمره الحين ٣٠سنه كليته ماتنزل الأملاح وتتكون له حصى وهالشي ينزل وظائف الكلى عنده وركبوا له دعامات من سنتين تقريبا وسبب له التهابات في المسالك البوليه وزادت الالتهابات
و الحصى غطى الكليتين ومع المراجعات سألهم اخوي عن امكانيه تفتيت الحصى رفضوا المستشفى وقالو الكلى ماتتحمل التفتيت تعبت كليته من الحصى وكل ماجى لها وظائف الكلى تنزل وصلت من ١٠٠ إلى ٣٠ الكليتين
يعني الكلى الوحده تشتغل ٣٠ ٪
وهذا هو مراجعات من الولاده ومواعيد في مستشفى حكومي.
التخصصي بالدمام.
تعبت نفسياتنا وتعبنا من التفكير اخوي الوحيد ماعندنا غيره كلنا ٤ بنات ثنتين صغار ١٢ سنه و١٨ سنه واختي اللي أصغر مني٢٦ وانا واخوي أكبر واحد
امي مهموَمه كل الوقت متضايقه وابوي مريض سكر وشايل هم نفسه
من اول ماساق اخوي السياره ودخل الجامعه صار يعتمد على نفسه بزيارات المستشفى وكل شي
الفتره الاخيره اخوي صار مهَمل بالمواعيد و بالعلاج يقول مافي حل للمرض هذا
وحتى أكله بعد ماتزوج صار سيء طول اليوم ياكل نقانق وبطاطس مقلي لا خضار ولافواكه ولا كأنه مريض
زوجته بنت خالي وعارفه وضعه قبل الزواج
وسكنوا برا البيت بايجار بناء على رغبتها وامي تبيه يرجع البيت ويترك شقته عشان تهتم فيه لكن رافض غير كذا فكرت اتبرع له بكليتي لو احتاج لكن اللي قاهرني انه مايلتزم بأدويته وعلاجه وهالشي راح يأثر عليه حتى لو سوا زراعه
المستشفى اتصلو امس وقالوا له بنلغي لك الدعامات وبنفتح لك فتحتين عند الخواصر من كل جهه عشان السوائل تطلع منها وعشان الالتهابات تخف خفنا من هالعمليه
شلون بيعيش وفي أكياس بخواصره للفضلات نفسيته بتتعب اكثر
وخصوصاً حالته النفسية سيئه بعد مانفصل من دوامه صار له مفصول من بدايه ازمه كورونا وابوي يصرف عليه
و اساسا كل شركه يشتغل فيها بس يبدأ يغيب يفصلونه
وهو خريج هندسه تخصص عماره وتخطيط لكن ماحد يتحمل مرضه وينفصل دايما
إذا جاته حصوات تنزل يتضطر يغيب وحتى لو جاب لهم عذر مع كثره الغيابات يعطونه إنذار وفصل
مقهوره على اخوي وابوي وضعه المادي وسط راتبه ٧الاف مايقدريشيل بيتين
واخوي وضعه متدهور لاصحه ولاوظيفه
افكر انهي همومه واتبرع له وافكر بنفس الوقت بأولادي لو صار لي شي او إثر هالشي على صحتي شلون وضع اطفالي انا ام لاربعه أطفال وعمري ٢٨
هل بعد التبرع بعيش بدون مشاكل هل بقدر اعتني بأطفالي وزوجي هل بقدر اشتغل لاني جامعيه وع امل تجيني وظيفه حكوميه هل بقدر اتحمل التعب
مدري والله افكر كثيير وصاير مالي نفس لبيتي واطفالي
اخوي أحبه كثيير وأبيه يعيش حياه كريمه بصحه وعافيه ويتوظف ويخلف أطفال ويرتاح من العمليات والمستشفيات 💔💔
fjfvu f;gdjd uahk dvjhp lk hgHgl g;kd ohdti>>
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك