07-27-2020, 12:02 PM
|
مدير عام
|
|
تاريخ التسجيل: Aug 2012
المشاركات: 348,208
|
|
كيف اقدر اوقف تفكير
السلام عليكم و رحمة الله
نزلت مشكلة قبل كده ولان لقيت الكثير من الحلول رجعت اعرض مشكلتي
المهم مشكلتي هي ان لي 6 سنوات متزوجة ولكن ام زوجي ماحبتني او ماتبغا
تتقبلني او مني فاهمه تصرفاتها
اغلب الايام الي اروح لهم بيتهم ماتستقبلني كويس
او تكون لسه ببتجهز في غرفتها او تكون خرجت مشوار
او تكون زعلانه من شي مااعرف ايش هو
يعني اكون الاسبوع الي قبله عندهم وامشي وهي مبسوطة و مافيها ولا شي
الاسبوع الي بعده زعلانه
مره من المرات وانا بسلم قاطعت السلام ومشيت مره استغربت منها
و طلعت زعلانه عشان سبب جدا تافهه و مايعني لها
و تتكلم عليا مره كتير عندي زوجي او اخوات زوجي ، الله يهدينا و يهديها من النوع الي تخرب بين العلاقات
يعني تنقل كلام و تسوي نميمة
والله العظيم انها ياما غلطت عليا و ارجع لهم واسوي نفسي مو زعلانه
او ماارجع افتح الموضوع ولا عمري عاتبت
لكن هيا ماتصدق تصير مشكلة على طول تعاتب او تكبر المشاكل
تدورلي الزله زي مايقولوا ،، لكن اخر مشكلة صارت ماقدرت اتحمل اكثر
بلونه وانفجرت ، ماعاد صرت اتصل او ارسل او اسال خلاص
لما عرفت اني زعلانه او متضايقه من شي ماكلمتني او اتصلت عليا
قامت على طول سوت لي ديليت في السناب او حظر في الوتساب 😐
مااستغربت لان مو اول مره كده تسوي !!!
لكن ماقدرت تدق تسالني او تعرف اشبي
وانا مادخلت اخواتها في المشكلة لكن حكتهم هي و قامت اختها الصغيرة ديليت 😐 مع انه كنا مره صحبات
و زوجي صارت له مواقف معاها برضو و دايما تحسسه انه مقصر معاهم
وهو والله مو مقصر بشي بالعكس
المهم جلس كم شهر مايروح لهم بس يواصل ابوه
صرت اقنعه لازم تروح و راح و شافها
من هنا المشكلة ( المشكلة انها صارت اخترعت كلام قلته وانا والله العظيم ماقلته
كلام مره يزعل و نشرت في العيلة اني قلته و زوجي جاني البيت مره زعلان يقول كيف
كده تقولي ؟! ) طبعا امي كانت الشاهدة في الموضوع و اتصلت عليها و قلت
لها انا كده قلت ) و بس فهم زوجي اني مستحيل كده اقول
المشكلة امه تحلف اني كده قلت 😐 حسبي الله ونعم الوكيل
المهم ياجماعة ليومكم دا حموت قهر ، مو قادرة اعيش زي الناس مره احس اني مضغوطة
او مقهورة
( ابغا حل منكم الله يسعدكم كيف اقدر انسى و خرجهم من دماغي نهائيا
لان الحمدلله عندي بيت بعيد و مستقلة و لا احتاجي شي من احد )
لكن تعبت من التفكير ،، يمكن لازم اخرجه و اواجهها ، لكن ماعاد حدخل بيتهم تاني
ابغا اعيش انا براحه بال و كرامتي ماتسمح لي .. 😞😞
اشكركم جميعا و ربي يحقق لكم امانيكم و يجعلكم في الفردوس الاعلى
;dt hr]v h,rt jt;dv
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|