08-04-2020, 02:40 PM
|
مدير عام
|
|
تاريخ التسجيل: Aug 2012
المشاركات: 347,941
|
|
فضفضة محب
السلام عليكم ورحمة الله وبركاته
أنا شاب في عمر ال27 سنة
مالي بالبنات ولا بأي مجال فيه هالشيء
شآءت الأقدار وتعرفت على بنت قبل سنتين
خذت عقلي وقلبي حبيتها بصدق وكانت تقول أحبك
كنت أغار وأخاف عليها بشكل جنوني
لأنها أول إنسانة بقلبي وماكنت اسمع عن البنات وو الا من زملائي
وانا البنت هذي أول ماتعرفت عليها خطبتها وما أعطيت نفسي مجال بتطويل الموضوع
لأن كل الصفات اللي أبيها فيها
إلا شيئين
الأول إنها كانت تكشف وهالشيء هذا جدا ما أرضاه وسبب لي أزمة نفسية لأني غيور وأحب البنت اللي تغار على نفسها
الشيء الثاني إنها صارحتني إنه كان لها علاقة عاطفية محدودة قبل ما تعرفني ب 5 سنوات
كنت إنسان متعجل ودخل فيني شيء أسمه شك أعوذ بالله منه
انقلبت حياتي جحيم جحييم
لأنها كانت جريئة جنسيا معي ولأنها صارحتني ببعض رغباتها ولأنها صارحتني إن لها علاقة سابقة "سواليف "
للأسف كنت ألمح لها بشكي وان نفسيتي تعبانه جدا تفهمت بالبداية لكن كانت تحب تثير غيرتي لأنها تستمتع بهالشيء وما كانت تدري إني آخذ مزحها بشكل جدي
آخ
كثرت بيننا المشاكل
وإضطرينا ننفصل والله غصب عني تعبت وانهرت
أرتكبت بعد هالشيء حماقات وفضحت نفسي وفضحت البنت
وانا أدري إن اللي جالس أسويه غلط لكن كنت مصدوم لأني تركت حبيبتي وخطيبتي وأول بنت بحياتي
وقفت وقعدت مع نفسي
وأخذت دورات عن الزواج باليوتيوب
وتعلمت كثير عن نفسيات البنات
زرت مستشاريين أسريين
كنت أبي أهديء من نفسي
الكل اتفق إني كنت محب صادق وانها أخطأت وأنا اخطأت
لكن اللي سويته بعد الانفصال جعل كامل اللوم علي
حاولت أتواصل معها مره و2 و3 لكن بلا جدوى ولا مجيب
هددتني
ورجعت أبي أفهمها إني غلطان وأعترف
وكان جوابها أنت بدون كرامة
ذبحتني هالكلمة وهي اللي كانت تقول أفتخر فيك أنت صادق أنت وفي أنت ...
قطعت كل شيء معها بعد هالكلمة
يعلم الله في سابع سماه إنها مافارقت بالي
ولا لحظه
أدعي لها واتصدق عنها وأحللها كل يوم وأسامحها
حاولت أطلعها من بالي لكن ما قدرت كل شيء يذكرني فيها
حتى كوب القهوة يذكرني فيها لأنها كانت تعشقها
والله إذا ربحت او أنجزت شيء أول من أتمنى إني أعلمه هي
إذا أحترت بشيء أحب أدورها وأستشيرها أنسى إننا أنفصلنا
انسى إنها صارت ذكرى
كانت بنت مليانه حنان وطيبه وذكاء وطهارة قلب
يعلم الله إن كل شيء صار لأني ماقد كلمت بنت بحياتي ولا أدري وش اللي مفروض يكون ووش اللي مفروض مايكون
وهي كانت تعاملني كزوج في كل شيء وانا اعاملها كزوجه لكن الشك ذبحني
اليوم أنا أعلم إن كل شيء مريت فيه معها كان جهل مني وقل خبرة
وكذلك جهل منها
لكن أحمل نفسي كامل المسؤولية
الحمد لله نفسيتي ممتازة وعملي ماشي وسعيد
لكن هالبنت ماتطلع من بالي وكل شيء يذكرني فيها كل شيءءء
صبرت سنه عشان ابدء رحلة بحث عن عروسه
لكن للأسف كل ما ذكرت الوالدة أو أختي لي بنت لا شعوريا أبدء مقارنه
وفي نفس الوقت أحس إني بكذب لو قلت لها أحبك أو تغزلت فيها أو أو
لأن قلبي مع ذيك البنت
أرجوكم أنصحوني
حاولت أرجع مره و2 لكن بلا أي جدوى وهي تركتني وكرهتني والله يوفقها ويسعدها
والله ما أدري وش حالها متزوجه أو لا
والأهم إنها تعمل بمكان يذكر أمامي بشكل يومي
وتسكن بمكان قريب مني جدا
ومن نفس المدينة ...
tqtqm lpf
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|