07-07-2020, 12:16 PM
|
مدير عام
|
|
تاريخ التسجيل: Aug 2012
المشاركات: 349,658
|
|
تشوفون الطلاق مناسب ؟
السلام عليكم
محتاجه مشورتكم لاني بجد مضايقه ومو عارفه شسوي انا متزوجه من ثلاث سنوات بدون اطفال
تزوجت ولد عمتي زواج تقليدي لاتواصل ولا نظره شرعيه .. طبعا هوا ساكن بمنطقه وانا بمنطقه علاقتنا باهله رسميه ووافقت عليه بسبب مدح الناس واهلي
وانا الحمدلله انا حلوه وموناقصني شي واهو بنفسه اختارني يعني لامجبور ولا شي
بس اكتشفت بفترة الملكه ومن حساباته عالانستقرام انه خفيييف ومسوين حسابين واحد رسمي والثاني يخبص فيه وحاولة ادردش معاه من اول كلمه ارسل رقم جواله و صوره له شبهه مخله وكلامه جنسي انصدمة توقعته يطقطق بس مايكون جاد والمشكله كان بوقت رمضان
طبعا فهمت اخوي الموضوع وقلت له انا مو مرتاحه لفلان وابي افركش الزواج بس اخوي رفض وعلى اساس انه كل الشباب كذا وبعد الزواج يتغيرون
تزوجنا وماحسيت بتصرفاته انه ناضج والدليل مستمر بحساباته ع بالي بعد الزواج راح يبطل وواجهته بالحسابات وانكر
مره دخلت عليه في المجلس يمارس العاده السريه ويراسل ع الجوال شافني قال انا محمل مقطع قلت ورني المقطع قال لا وانا ادري انه مو مقطع محادثه الموقف هذا بعد زواجي ب ست شهور اخذت موقف منه وكل شي واعتذر وانه يبغاني بس انا كنت مو طاهره
حتى بالاماكن العامه بصباص وكل طلعه اطلعها معاه يتعكر مزاجي ..
المشكله انه يحبني ويغااار على بشكل فضيع ساعات غيرته توصل للشك وهذا اللي كنت خايفه منه حاولة اعطيه الثقه بس تعبت قبل اربع شهور كنت عند اهلي وكلمني ونسى يقفل السماعه وسمعته يكلم وحده وتطلب منه فلووووس واهي شكلها متزوجه وموظفه انصددددمة جلست اسمع كلامهم وانهرررررت واهي تطلب منه فلوس وتقوله خاطري بسياره واهو يقولها من عيوني بس لاتنسين انا متزوج وعندي التزامات زوجي من النوع الحريصصص يعني مايحب يصرف كثير ومعترف لها بعد انه متزوج واهي مادري شوضعها وشكله يكلمها سناب بجوال ثاني لان الصوت واضح
بوقتها كنت عند اهلي وكان حاجز لي وكنسلت السفر وجاني بالسياره لعند اهلي وطبعا دخل اخوي في الموضوع وانا حاطه فكرت الطلاق براسي بس اهو اصر يشوفني وصار يقولي مو انا هذا الموظف ومدري كيف وينككككككر طبعا ماصدقته وصرت ماثق فيه ورجع لدوامه ورفضت ارجع معاه ابيه يتااااادب ورجعت له بعدها بثلاث شهور وصار يحاول يكسب ثقتي وكل مايطلع مكان يصورلي حتى بدوامه بس مو مرتاحه
طبعا بعد فترة اخذ اجازه من دوامه وكنت فرحانه انه بيجلس معاي واكتشفت انه مخبي جوال ثاني بسياره 💔💔💔 وفيه رمز سري طبعا اخذت الجوال وواجهته الموقف هذا قبل يومين وكنت لحظتها منهاره وبعيده عن اهلي بسبب الحظر
وصار يقولي هذا جوال قديييييم ومدري كيف قاعد يبرر موقفه بس مقتنعت وحاول ياخذه مني بس رفضت وخليته عندي وكل واحد ينام بغرفه لاني من ججججججد كرهته وماصرت اثق فيه احس زوجي مو ناضج مو راضي يكبر عقله لانه كثيييير ضاغط على بالطلعات حتى باللبس يتحكم فيني من باب انه يغار على ومن وراي يخبص هذا اللي قاهرني انا حاليا افكر بالطلاق تفكير جددددي لاني للان ماحملت افكر اتطلق وارتاح من الشك وعدم الثقه واهو رافضضض الفكره واصلا مو راضي يسافر فيني لاهلي وش تنصحوني فيه شسوي وهل فكرت الطلاق مناسبه لي ولا اعتبروني اختكم ولي تعقيب بعد ماشوف ردودكم
ja,t,k hg'ghr lkhsf ?
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|