السلام عليكم ورحمة الله
اتمنى من الاداره الفاضله تنزل موضوعي
.... . أشك تلمون بالموضوع من كل الجوانب لكن اتمنى تقررون كلامي الطويل وتعلموني كيف اتصرف و هل تصرفاتي كانت صحيحه؟ المشكله معقده شوي ومدتها ١٠ سنوات انا اخر زوجه ابن دخلت العائله وكان عمري صغير وقتها ١٨ سنه وزوجي ٢٨ سنه وعنده اثنين من إخوانه أكبر منه متزوجين الكبير كان متزوج من ٦ سنوات وعمره كان ٣٥ والوسط متزوج من ٥سنوات وعمره كان ٣٣وعندهم أطفال الكبير ولدين والوسط بنت وزوجات الإخوان ثنتينهم كانوا بعمر زوجي ٢٨ سنه وأم زوجي معانا بالبيت وعمرها كان ٥٠ سنه وابو زوجي متوفي واخوات زوجي ٣ ثنتين منهم ماخذين عيال عمهم وساكنين في البيت اللي جنبنا على طول ووحده ماخذه اخو زوجة اخوها الوسط وعايشه ببيت بعيد عننا يعني العائله كلها من اخوان واخوات عايشين مع بعض ومتقابلين ٢٤ ساعه كانت من شروطي في عقد الزواج السكن منفصل والدراسه لكن في فتره الخطوبه ام زوجي اشغلت شغل على زوجي واقنعته مثل مااقنعت إخوانه بالسكن عندها صارت تتدخل بموضوع السكن وزوجي ينقلي كلامها مثلا يجيني ويقول صادقه امي ايش الفرق إذا سكنا بايجار أو عند اهلي مافي فرق هذي شقه وهذي شقه لكن في الإيجار راح ننضغط وإذا بنيت عند اهلي راح نوفر الإيجار ونصرفه وننبسط فيه وإذا صار عندنا أطفال نطلع وضلينا طول فتره الخطبه ع هالسيره لين سوا اللي في راسه شرطت عليه يكون لي باب خارجي قال هذا اللي بيصير وبنى شقه عند أهله لكن بدون مدخل خارجي وهذا ماعرفته الا قبل الزواج ب٣ اسابيع بسبب أمه رفضت ع اساس الحوش راح ينقسم وماتبي حوشها يصير ضيق ومن دخلت ذاك البيت ودعت ايامي الجميله وحريتي وخصوصيتي وراحه بالي ام زوجي مالقيت شي يوصفها غير أنها تشبه إلى حد كبير شخصيه خالتي قماشه تتدخل وتسلط وتبي تعرف كل صغيره وكبيره بين أولادها وزوجاتهَم ودايم تنصح أولادها بنصايح تهدم وماتعمر مثلا اول اشهر من زواجي اخو زوجي متهاوش مع زوجته وامه تقوله خليها تنقع عند اهلها وترجع من نفسها زي ماراحت ولا ترد عليها خليها تولي عشان تحرم تطلع وهددها بتتزوج عليها وهذا الكلام كله قدامي ويوم رحت شقتي انا وزوجي وقلت له اخوك هو اللي غلط على زوجته وطاردها صح؟! قالي ايه قلت أجل شلون امك تقول لاترد عليها وخلها تنقع وههددها بالزواج زوجي وصل كلامي لأمه بعدها صارت تحاسب على كلامها وماتتكلم قدامي كانت تحاسب على طلعتي ودخلتي لدرجه إذا شافتني طالعه بدون زوجي توقفني وتقولي على وين؟؟ ارد عليها طالعه مع اهلي تدرون ايش تسوي تدق على زوجي وانا امشي واسمعها تقول زوجتك طالعه وتقول أهلها ينتظرونها برا وتكرر هالشي كثير مع اني كلمت زوجي بأن هالتصرف مزعج يدل على عدم ثقه واحترام صرت أمر ولا اعطيها رد تقول على وين اقولها تامرين بشي عمه واهي وين رايحه مع مين وتلزم بالسؤال و اللي ماسكني ماارد عليها وافشلها زوجي واقف بصف أمه وادري بتوصل له كلامي وماراح يرضى عليها ونفس الشي إذا طلعت مع زوجي وين رايحين من وين جاييبن ايش شاريين كم صرفتوا وتمسك زوجي ليش تدفع هالمبلغ وانا انزعج واروح شقتي واهي بعدها ماسكه ولدها تحقييق ويجي الشقه بعد ساعه من السين والجيم وماله خلقي ويبيني اتنفس بس عشان يتهاوش معاي لين جاء يوم عمتي أمسكت فلوس زوجي وصار راتبه بيدها وصار ياخذ مصروفنا منها واي ريال ياخذه زوجي تحسب وتحقق ليش وايش بتشتري طبعا ماعلمني انه عطاها راتبه انا اكتشفت من خلال تصرفاته اي مشوار يقولي بنزل وانتي انزلي بعدي ب ١٠ دقايق أو ربع ساعة استغرب ليش طيب وبعدها شفته واهو ينتظر أمه تعطيه فلوس وبعد ماسكه عقد زواجنا وجوازاتنا وكل اوراقنا الرسميه بحجه تحافظ عليهم من الضياع لأن عندنا أطفال يتعبثون ومن هالكلام ورحت لها في يوم وأخذت جوازي منها بالغصب ماخلت حيله ماقالتها مفتاح الدولاب ضايع جوازك مو عندي بعدين ادوره واعطيه زوجك وانا ناشبه بساعدك بتدوير المفتاح جوازي ضروري احتاجه الجامعه يبون صوره من الجواز وماتنازلت لين أخذته طبعا زوجي في الدوام ولا كان ماقدرت اخذ جوازي بيصيرون اثنينهم علي وغير تدخلها بالطبخ والغسيل والتنظيف كل يوم تطق بابي ايش طابخه وتلف بالشقه كأنها تدور شي وحتى يوم اللي مابي اطبخ كأني مسوية جرم إذا جات ايش طابخه اقول لها فلان بيجيب من المطعم تشهق لييييش ماعندكم ايدام ماعندكم رز ليييش من برا والله كرهت الاكل والشرب كأني اسرق منها لو اشتهيت اكل من المطعم وكنت ادرس بالجامعه واجلت سنه عشان زواجي ويوم انتظمت بالجامعه مشاكلي مع زوجي صارت كلها ع الاكل يدق اخوه غداه مفطح واخوه علان كبسه سمك وانتي للحين في المحاضره مارجعتي وطبختي ووصلت في المقارنات أن توري زوجي صور طبخ زوجات إخوانه شوف فلانه ايش طبخت لاخوك وشوف ايش سوت و زوجي صار يهددني يااني اترك الجامعه واجلس في البيت وغداي اطبخه من الصبح نفس زوجات اخوانه أو يطلقني ويأخذ بنتي مني ورافض اطبخ الغداء من الليل وخلصت جامعتي وانا ام لطفلين وزوجات إخوانه يكيدون لبعض و لي يعني من جميع النواحي مافي راحه لين ما في يوم اكتشفت زوجه اخو زوجي الكبير راسله رساله حب لزوجي مضمونها عيوني عليك طول اليوم واحنا مفروض لبعض انصدمت تأكدت من رقمها ٢٠ مره وبعدها صرت اتذكر شلون تمر و زوجي يشوفها بدون حجاب وكانت تضحك وتتميع وتقول كلام مايقال مقاس ملابسها الداخليه وتوصف بشرتها مثل البيبي وبحجه مو عارفه ان زوجي موجود و تطبخ له وتجيب الاكل ونص شعرها طالع ومكياجها كانه عرس وتقول فلان تقصد زوجي يحب ورق العنب و سهرت وسويته وطبعا على مسمع زوجي لكن الصحن تمده لي كل هذا مر كذا في راسي وواجهت زوجي وأنكر كل شي و انتي مجنونه وماعندك سالفه وهذي رساله اخوي راسلها من جوال زوجته لأن ماعنده رصيد ويشاورني فيها شافها بجوال زوجته و يخربط من يومها قلت مافي حل الا اني اطلع من هالجحيم ياتطلق منه أو نطلع بسكن بعيد عن التعب اللي عايشته طبعا موضوع سلفتي ماعديته صرت اراقب زوجي وهي حسستها اني عارفه اللي سوته وشقتي ممنوع تدخلها وإذا جات اقول لها زوجي موجود وماادخلها ووقفت لها لما تمر قدام زوجي بدون حجاب وقلت لها ترى زوجي متضايق بابك دايم مفتوح ويشوفك في الروحه والجيه و بيكلم زوجك وحاولت اطلع من بيتهم بالطيب مانفع أخذت عيالي وطلعت على بيت اهلي وشرطت شقه برا بيت أهله ودخلني زوجي المحاكم يبي يجبرني ارجع بيت اهله بدون تغيير بأي شي وكنت عارفه اني في حرب مو بس مع زوجي الا مع عايله كامله ووقفت قدام القاضي وقلت له انا شارطه في العقد سكن مستقل و راعيت ظروفه ورحت معاه في بيت أهله لكن انضريت من هالعيشه واهو مقتدر يوفر سكن طلب القاضي عقد الزواج والعقد كان مع أمه وتخيلوا رفضت تعطيه العقد بحجه ضايع ومره مو معاها وقال للقاضي العقد ضايع واجبره القاضي على سكن وطلعت بشقه إيجار الحمد لله بعد ٧ سنوات قضيتها معاهم بالهم والضيق والحزن ومن سنه شرينا بيت العمراخيرا ذقت طعم الراحه ومع هذا ماتركتني أمه كل يومين تجي بيتي وسلفاتي تهاوشوا مع ازواجهم كل فتره وحده تترك شقتها وتروح لأهلها يبون يطلعون من بيت أهل زوجي ويجيبون سيرتي ويدخلوني فلانه احسن منا بايش وفلانه فوق رأسها ريشه تطلع ببيت واحنا لا آخر شي اكتشفوا علاقه بين زوجه حماي الكبير وحماي الوسط رسايل حب الدنيا من دونك ماتسوي احبك ورب الكون احنا مفروض لبعض ( نفس رسالتها لزوجي) وصور لها تهاوشوا اخوان زوجي بالسكين قبل سنه وواحد منهم انجرح وسلفتي طردها زوجها وبعد شهرين سوت حالها مريضه واتصل اخوها ع اساس يبي كرت العايله وكان واقف على باب بيت أهل زوجي بيوديها المستشفى وطلع حماي الكبير واخذوه بالسياره ومارجع غير ماسكها من يدها ومعها باقه ورد وذهب قالت له أنه ظلمها وان اخوه هو اللي يتحرش فيها وانو اخذ صورها من الابتوب اللي طلبه منهم مره وكذبت عليه كذب حتى الطفل مايصدقه زوجي انصدم انه رجعها لأنه قال لاخوه أن زوجته كانت ترسل له بعد قبل سنوات بنفس الطريقة وأنه تجاهلها و بطلت ترسل وقالي انا أنكرت يوم شفتي رسايلها ذيك السنين عشان ماابي حياة اخوي تتدمر وقبل كم يوم جابت طفلها الخامس وزوجي كل شوي يجيب سيرتها اولدت جابت بنت وانا اقول تتربى بعز اخوك واهو كل شوي مدري ايش بيسميها وهل بيجيبها لبيت اهلي و لا عند أهل زوجته وانا ساكته المهم انا من بعد ما شفت وصاختها مع زوجي وأخو زوجي ماابي احتك فيها ولا ازورها ولاتزورني لأنها خرابة بيوت وتدور الحرام وزوجي ماهو متقبل هالشي غصب يبي نطلع ونجي معاهم يبي عيالي يروحون شقه عمهم ويلعبون مع عيال عمهم والمشكله فرق عمر بين عيالي وعيال اخوه يعني ماهم في عمرهم عشان يروحون لكن زوجي غصب روحوا العبوا يالله روحوا باقي شوي يسحبهم من رجلينهَم ويرميهم في شقه عمهم وزوجه عمهم ماعافاتني لليوم كل ماتهاوشت مع زوجها قالت فلانه( اللي ماتستاهل) احسن مني بايش لها بيت وسياره وانا لا هذا الكلام اخت زوجي قالته لي فلانه قالت كذا عنك ويوم ولدت بطفلي قبل سنه وانا في بيتي نفس الشي جات ام زوجي وقالت لزوجي زوجة اخوك تقول زوجتك ماتستاهل الزياره وبتنكشف وبتعرفونها على حقيقتها!!! اي حقيقته ماادري طبعا تكرهني لأن أهل زوجي نفس ماوصلوا كلامها لي وصلوا كلامي لها يوم قلت عنها ماتخاف من الله بتعدي الأربعين سنه وتتصرف نفس المراهقات رسايل حب وصورها توزعهم على اخوان زوجها>) وزوجي مستمر يبي زيارات وسفر مع إخوانه وطلعات في الأعياد والمناسبات وإذا رفضت يشن حرب علي ويتلفظ بكلام جارح ويسبني ويقول ماتروحين لاهلك طيب انا مامنعتك عن اهلك ايش دخل اهلي ويقول اني سبب تفرقته عن إخوانه واني حقوده اتذكر الماضي وانا مابي ارجع واروح واجي معاهم يعني لو أمه بس مايخالف مااقدر اقول شي لكن ذيك اللي ماتتسمى اقابلها وكأن شيئا لم يكن ايش رايكم؟؟!
مشكله أهل زوجي ايش ماتسوى سلفتي من سواد وجه ينسسون لها ويرجعون علاقتهم معاها وزوجي يبيني مع أمه وخواته إذا خاصموها حط وشال فيها اخوي انظلم فيها وحده وصخه وماتستاهل اخوي وبس تعدي كم شهر على سوالفها يرجون أصحاب معاها ويبيني ارجع اصاحبها وانا ماابي اجامل ناس ماارتاح لها كافي اللي سوته و الله يهديها ويستر عليها إذا تابت لكن بالنسبه لي ماارتاح مع الناس الخاينه والغداره لأنهم في لحظه شيطان يسوون اي شيء ومايخافون ربهم
sgtjd ohkj .,[ih ,.,[d dfdkd hwhpfih
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك
« آخـــر الــمــواضــيــع »
سلفتي خانت زوجها وزوجي يبيني اصاحبها
العرض العادي
