السلام عليكم ورحمة الله وبركاته
في البدايه اتعمق بالتفكير في كل خطوة ابي اخطيها في حياتي حذر زيادة عن اللزوم و اذا مصير الشي هذا مجهول او فيه مخاطره م اسويه ابداً مهما كانت نهايتة جميله بعد ما ادرس الموضوع من جميع النواحي وارتاح نفسياً اتوكل على الله و اعزم اذا وصلت مرحلة التطبيق يبدا عندي التخبط في القرارات و التشتت ولا ادري وش ابي بالضبط ازعاج في داخلي و كل الافكار اللي كنت افكر فيها تتضارب بوقتها وكل واحد يحاول يثبت نفسه انه صح اضيع وقتها مع الافكار هذي و اشد على نفسي على القرار اللي اتخذته و تعمقت فيه و ارتحت له , بعد ما اسوي اللي ابيه يجيني ندمم شديد لو اني مسوي هذيك الفكره كان افضل بكثير و اعيش في ندم و حسرة و ضيقه صدر ويضيع علي جمال الشي, كثييرررر ما تصير لي :( في كثير مواقف
( هذا شرح المشكلة كامل الباقي مجرد مثال للي له خلق يقرا )
مثال عشان توضح الصورة اكثر...
منظم حياتي على اساس اجمع مبلغ خلال اول 3 سنوات و بعدها اتزوج و اشتري سيارة بدون قروض عشان تعيش معي اطول فتره ممكنه بدون خرابات وانا متزوج و السيارة تكون باختياري انا و زوجة المستقبل بعد مرور سنتين اكتمل مبلغ السيارة فا قررت اني اشتريها قلت ماراح يفرق الموضوع كلها سنه ما راح تكون قديمه او تخرب باقي جديده و مع ضغط الناس اللي حولي عشان اغير سيارتي لانها فعلا كانت قديمه و تفشل , قلت يالله توكلنا على الله دخلت في حيره اني اشتري سياره صغيره و اشتغل فيها اوبر يشيل عني شوي او اني اشتري بنفس المبلغ سيارة كبيره و اريح نفسي لان قبل كنت اشتغل في شركات توصيل غير الوظيفه و هذا وقت راحتي, وقع الاختيار على اني اشتري راحتي عشان لا اكرف السياره , متحمس جدا وصلت لمعارض السيارات و جلست في حيره 3 ايام وانا اروح و ارجع اتفرج على السيارات و امشي اشوف هذي و هذيك م ادري وش اقرر احس بندم , خذيت معي واحد من اخوياي عشان يساعدني و الحمدلله خذيت الكبيره بس شعور الندم ملازمني و الضيقه احس اني اتخذت قرار غلطط ضيع علي متعه السيارة شعور الندم كان على اني لو انتظرت الين اختار انا و زوجتي وعشان اخذها وقت زواجي وننبسط انا وياها فيها تعيش معي اللحظات السعيدة ,,
وسلامتكم
hjv]] td rvhvhjd ;eddv ,hk]l fu] hjoh` hgrvhv!!
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك