انا بنت متزوجه عمري 25 سنه مشكلتي ان عندي اربع اخوان شباب و كلهم زينه علاقتي معاهم عدا واحد، اول شي بقولكم اعمار اخواني ووضعهم:
اخوي احمد 24 سنه يشتغل بشركه راتبه 45 الف درهم اماراتي
اخوي محمد 21 سنه ونص يشتغل رسبشن راتبه 10 الاف درهم اماراتي
اخوي ذياب 20 سنه يدرس بالجامعه
اخوي عبدالله 19 سنه توه تخرج من الثنويه ومشترك بنادي سباحه
المشكله مع اخوي محمد مو ان عندي مشكله ممعاه لكن اهو منعزل عن الكل بالبيت بس عنده حياته الخاصه ( اصدقائه) و مامعتبرنا اهله بس يعرفنا وقت الفلوس اول ماينزل الراتب يسال متا بينزل الراتب عشان يطلب من ابوي مصروف وحتي هالمصروف مايكفيه يروح يطلب من اخواني فلوس مايعرف اخواني الباقين غير وقت الفلوس لدرجه ان اخوي الصغير عبدالله كرهه و سواله بلوك مع العلم اخوي عبدالله مايشتغل بس يلعب بالنادي و يعطونه مكافآت ومع هاذا اخوي محمد يطلب منه و اخوي احمد ماقام يعطيه شي يوم يطلب منه يعني يطلب كل شهر ويزعل و يعصب لما مانعطيه ونحن موش ملزومين نعطيه اصلا لا هو متزوج ولاعنده عيال و حالنا من حاله يعني نحن نحن تونا متوظفين بعد و ابوي يعطيه فلوس لكن هو يلعب فيها خلال اسبوع واحد يخلص راتبه و مصروفه و يرجع يطلب منا. المشكله مو هنا بس، اهو شايف نفسه علينا مايحب يقعد معانا بس مع اصدقائه ويعتبرهم اهله.
اقولكم موقف، لما اخوي راح يخطب كل اهلي (عمامي و خوالي واخواني) راحو معاه عشان يخطبون له البنت الي يبيها الا اخوي محمد اعتذر و قال انه مشغول وعنده شغل مايقدر يروح معانا.
و لما ولدت ابنتي مايا يزورني معنه هلي حنو ع راسه بس اتصل قال مبروك و بعدها باسبوع من كثر مايحنون عليه هلي و يقولون له اني زعلت جاني البيت و بارك لي دقيقتين وطلع. ولما صديقه جاب ولد راح له لين المستشفي صور الولد و حطاه بالانستقرام و قال لنا انا بكون عمه.
انا كرهته صراحهه خاصه بعد الموقف الاخير بس هو ماعنده احساس يفكر ان نحن عادي عندنا ومانزعل.
اخر موقف رحت بيت ابوي سلمت علي اخواني بعدين دخل اخوي محمد االصاله و شافني وجا يسلم علي يعني مو متقصد انه يسلم بس لان خلاص شافني مو حلوه مايسلم ولا انا اعرفه كل مره يدخل البيت حتي لو فيه ناس بس يروح غرفته ومايسلم المهم سلمت عليه عشان مااحرجه و قلت له خلاص مابيني و بيك علاقه لاتعتبرني اختك ولاانا اعتبرك اخوي لاتسلم علي من يوم ورايح ومالك شغل فيني.
تشوفون التصرف الي تصرفته صح ولا ينعاب علي؟ يعني كنت منجرحه وايد.
ho,d ,la;gjd luhi dhgdj jshu],kd jufj lki
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك