السلام عليكم ورحمة الله وبركاته ..
سؤالي هنا ( يهمني اراء الرجال بصراحة ابغى رد واضح وبشفافية وبواقعية بعيد عن كلام المواساة والطبطبة) .. احنا الآن بزمن صارت المظاهر أهم من الأخلاق والمال أهم من القيم الا مارحم ربي ( القليل )
انا بنت بعمر الزهور وفي سن ( زواج ) مستعدة لها من جميع النواحي
خلصت دراستي الجامعية ، وأشوف فيني ( داخلياً ) كل الصفات الطيبة ولله الحمد
( شكلاً ) ولدت بطفرة جينية خلَقية
harelip ( الشفةالارنبية ) ممكن الاغلب مايعرفه في قوقل تقرير كامل عنه وصور قبل وبعد له بعد العملية وهي ليس وراثية أبدا.. وتعالجت بعدة عمليات واخر عملية ( تجميلية ) وشكلي أصبحت مقبولة جداً لكن في آثار خصوصا في شكل الأنف بس الدكتور نصحني ما أعبث أكثر وممكن العملية تكون صعبة وتأثر لا سمح الله فيني.. رضيت الحمدالله وتقبلت نفسي تماماً وكل شيء قسمة ونصيب لكن أهلي وبعض من قريباتي من منظورهم إن ممكن هالموضوع يأثر في الزواج ( ما حدا يقبل )
صلب المشكلة هنا .. أنتو الشباب خاصة لو رحت تقدمت لبنت مثل حالتي راح تقبلو فيها
انا ما أعرف نظرتكم كيف للموضوع فيهمني رأيكم جدا إعتبروني أختكم وتبغو تنصحوها