السلام عليكم ورحمة الله
اتمنى تكونو بخير وسلامه
مشكلتي ما اعتبرها مشكله .. هي فضفضه .. محتاجه فيها دعواتكم اكثر من الحلول ..
انا متزوجه وعندي ولد ..
من سنتين بالزبط زوجي سافر اوروبا لجووء .. بلدي الأم فيها فيها حرب
وانا وابني ماقدرنا نروح معاه. طريقه كان صعب وخاف علينا
جلست ببلد عربي على مايزبط اموره ويجيبنا عنده
واهلي ببلد تانيه
انا جلست مع ابني ليا سنتين الى الان ماشفت اهلي ولازوجي
صبرت السنتين على نار والله ..
وعلى امل ان ربي يجمعنا وتزبط امور لجووءه
قبل الحظر عند زوجي باسبوع كلمني وقال ان اموره مازبطت وحيرجع
والله الارض ماشالتني من الفرحه .. فرحت ان اخيرا حنتجمع مع بعض
ونشوفه انا وابني ونرجع عائله مع بعضنا
لمن قدم اوراق الرجوع .. قفلو عنده كل المكاتب والدوائر علشان كورونا
ووالان مر شهرين على كلامه ..
المشكله مو هنا .. لان قدر الله كدا ..
المشكله ان كلمني قبل فترة .. بيقول ان المحامي تبعو قلو استأنف وبإذن الله تزبط أمورك
ومابعرف ايش صار .. واقتنع
كلمني وفهمني وقال كدا كدا جالسين معلقين نحاول
انا خايفه الموضوع يجلس سنتين كمان ..والمواضيع هادي طويله مالها نهايه ومعقده
انا تعبت من البعد والغربه والوحده ..تعبت واشتقتله ولاهلي
المشكله ممكن اقوله لا ارجع انا تعبت وارفض يكمل ..وحيرجع انا عارفه
بس البلد اللي انا فيها ..بلد مافيها وظايف ولا مستقبل وبلد فقيرة
وخايفه اكون سبب تعب حياتنا
قبل قلت الرفض من عنده وقراره .. بس لمن غير رأيه انا برضه ماعرفت اش اقوله
يرجع ونعيش تعبانين بحياتنا
ولايكمل واتعب من بعده عنا
والله مرات اقول ياريت ربي اعطاني وطن زي غيري ..اقدر أسند عليه لو ضاقت فينا الحياه
لكن الحمدلله .. نصيبنا كدا نعيش عمرنا متغربين واغراب ..
غربة وطن وغربه اهل ..
الحمدلله على كل حال يارب 💔
ا
dhvdj uk]d ,'k > hr]v Hsk] ugdi >>
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك