04-28-2020, 08:06 AM
|
مدير عام
|
|
تاريخ التسجيل: Aug 2012
المشاركات: 348,208
|
|
كيف أخطب
السلام عليكم ورحمة الله وبركاته
اولا اشكر اعضاء المنتدى على تجاوبهم
أنا إنسان نويت على الزواج عشان أعف نفسي ولأني محتاج شريك في حياتي
وانا إنسان مالي بالغزل وملاحق البنات ووو
ولا سبق لي الإحتكاك مع البنات لا في عمل ولا تجارة
ووصيت الوالده وانا وصيت كم وحده قريبه مني
لكن مشكلتي والدتي حيويه وماهي راعية علاقات وموصيها من حدود 8 شهور ولا جابت لي الا بنتين وحده أهلها قالو صغيرة والثانية ما خشت مزاجي من ناحية العمر و بعض المواصفات
لكن البنت اللي وصيتها
جابت لي حدود 3 بنات الله يجزاها بالجنة ويوفقها دنيا وآخره
وحده تقدمت لها لكن بعد ما قعدت مع أهلها حسيت إن ما بيننا توافق في امور معينه وانسحبت
الآن فيه بنتين باقيات
بعض الزملاء يقولي أتصل أنت وتقدم لأبوها وكلمه من راسك لراسه
هل الأسلوب هذا صحيح ؟
أو أخلي الوالده تتقدم بدالي ؟
وهل الوقت الحالي وقت خطوبة ؟ او أصبر الى إنتهاء الأزمة ؟
كذلك أنا إنسان يهمني بشكل كبير إني أتواصل مع البنت قبل الملكة هل اطلب من أهلها هالشيء او ممكن يكون عيب ؟
لأن المجتمع توه بادي بهالفكرة عندنا التواصل فترة الخطوبة
بعضهم قبل الشوفه وبعضهم بعد الشوفة وبعضهم يقول ماتكلمها الا بعد الملكة
وش الأفضل برايكم ؟
غير كذا أنا إنسان حساس جدا واخاف اتقدم لبنت وبعد الشوفه ماتعجبني واتركها او مثلا ما يعجبوني اهلها
لأني والله بعد ماخطبت الاولى وتركتها بعد ما شفت اهلها حز بخاطري للأمانة وتندمت وضاق صدري ولا اتمنى اعيد هالتجربة ومتردد شوي بهالموضوع ما أدري
علما إني بباقي حياتي متهور ومغامر لكن بالزواج افكر مليون مره
;dt Ho'f
اضغط هنا للذهاب لعنوان موضوعنا... ساعد في نشر والارتقاء بنا عبر مشاركة رأيك في الفيس بوك
|