السلام عليكم
الله يكشف الغمه يارب ويرجعنا لوضعنا الطبيعي عاجلًا
اعتبروا الي بقوله فضفضة اكثر من اني ادور حلول
انا وحده غير متكلفه ابدًا
اعرف امكانياتي واسوي دايم اشياء على قدي
قنوعة يعني
شيء لي لايمكن اخلي شخص يدفعه، سواء جهاز ملابس وغيرة
اقعد اجمع الريال على الريال
الا يوم زواجي كنت احلم دايم يكون كسر لكل قواعدي
يوم واحد بالعمر، وكنت من سن صغيرة مقرره ان زواجي بيكون غير
وبدفع فيه ببذخ ولا راح اقصر على نفسي بشيء
مايهمني اي شيء بهالليلة كثر رغبتي في انها تكون مثل ماكنت اتمنى
كل تفصيله فيها ابيها راقية
قررت اني اسويه زواج مصغر عشان اقدر احطه بالفخامة الي ابيها
اقدر بنفس المبلغ اجيب ناس اكثر واحط عرس كبير ملموم وحلو
بس لشيء في نفسي لو مايصير بالقاعة الا انا وفستاني
ليه اخترت مصغر؟ الفلوس الي معي ماتكفي المهر قليل ومثله مثل مهر امي
قبل 25 سنة
راح تكون فيه مساعدات من الاهل
لكن موكثر الي انا ابي
رغم ان اهلي ميسور حالهم بشكل كبير ويزيد
وزوجي راتبه 15 او اكثر
لكن مهما ادخرت وحسبت ماراح تكفي للي نفسي فيه
واعرف لو ماجاء على الي ابيه راح اندم اكثر من لوكنت مومسوية زواج من الاساس
استخرت وقررت ما اسوي زواج وكنت شايله هم اهلي امي ابوي اخواني
الاخوال والاعمام، الكل كان منتظر هالحظة
ورفضوا طلبي بدون حتى نقاش
من حق اهلي يفرحون فيني انا الوحيدة والكبيرة واول حفيدة
لكن شالفايدة اذا الي بسويه ماراح يعني لي شيء
انا ما اتكلم عن 70 او 80 الف
بنظري هالمبالغ ليوم الزواج ماراح تكفي
ادري ضرب من الجنون وكلام خالي من المنطقية
وانقال لي هالكلام كثير لكن مايهم، طول عمري مقتصده
وماعشت الا على مكافأه الجامعة
ماكنت اتخيل اني ممكن البس فستان زواج مستأجر
وعقد الماس برضو مستأجر
ماكنت اتخيل اني ممكن اعيش يومي بهالشكل ولا حتى
خطر على بالي اهون لي كثير ياخذني بدون زواج
ولا اني البس فستان غيري
كرهت نفسي ووضعي
وكرهت اهلي
ليه مستخسرين علي هاليوم
ليه انا اعيش هالوضع
حاولت اقنع نفسي
حاولت يشهد الله حاولت
لي 3 اشهر وانا كل يوم اقول بكرة برضى
لكن بقعد طول عمري شايلتها بقلبي
طول عمري ماراح اشوف الي سووه اهلي شيء رغم انهم ماقصروا
اتمنى من كل قلبي يمر الموضوع بدون زواج
اول شوفه مع الرجال ماقدرت امسك نفسي
والرجال يحسبه خوف مايدري اني كارهه اطلع له
او حتى اطل بوجهه
كلن همه على قده وكلن رزقه مقسوم
لحد يقعد يقولي احمدي ربك واشكريه
حامدته وشاكرته
المسأله مسألة قناعات فقط
واي عقلية متحجرة بتقعد تذكرني بان الي اسويه غلط
ياليت تكسب اجر سكوتها
كان عندي خطة بعد تخرجي واذا ربي كتب لي الوظيفة اقتطع جزء بسيط للزواج
لكن ماجاء ببالي اني ممكن اتزوج حتى قبل تخرجي من الجامعة!
وانا فلوسي على قدي اجمع 5-6 اشهر وتروح بيومين
على كم لبسه واغراض للجامعة
;hvii d,l .,h[d rfg ghd[d
اضغط هنا للذهاب لعنوان موضوعنا...
ساعد في نشر والارتقاء بنا عبر مشاركة رأيك في الفيس بوك